1 Sam. 26:2 - Ebaibul

² Aŋun, abu Saul tonyou totiyaar naloŋisat ŋina a Sip, torukosi ka ŋikilyok ŋulu asetae alo Isirael ŋalipyo ŋauni. Toloto ikes akiwarit Daudi naloŋisat ŋina a Sip.

1 Sam. 26:2 Iomraidhean Croise

Ŋikiru. 38:12

Akalokunito ayoŋ ŋulu iwarito akiar ayoŋ; irworosi ŋulu iwarito akiwan ayoŋ ŋakiro ŋuna akamunaarete ayoŋ, ido etukete apaaran jwi akiar ayoŋ.

1 Sam. 13:2

Abu Saul toseu ŋikilyok ŋalipyo ŋauni alo Isirael; arukito iŋes ka ŋalipyo ŋaarei alo Mikimas ka alo Besel anakwap a ŋina a ŋikamukumukui, ido arukito aliput ka Yonasan alo Gibea anakibois a ŋina eyai Benjamin; abu Saul kitoboŋo ŋikilyok ŋuluce daadaŋ lorerya kec.

1 Sam. 24:17

Tema Saul neni a Daudi, “Irae iyoŋ ŋolo iyookino akilo ayoŋ; anerae itiya iyoŋ ŋuna ajokak neni kaŋ, ido etiya ayoŋ ŋuna aronok neni kon.

1 Sam. 24:2

Toseu nai Saul ŋikilyok ŋalipyo ŋauni alo Isirael daadaŋ. Toloto ka iŋes akiwarit Daudi ka ŋikajiok ŋulu arukito ka iŋes lowae ŋolo a ŋatabab a ŋuna anyaritae ŋuna a ŋamee a ŋuna ka ariet.

1 Sam. 24:3

Todolu Saul neni ayakasi ŋanokin a ŋamesekin ŋuna ayakasi epeiwae erot; tori Saul naturukan ŋina ayai nen akiŋarakin. Apaki ŋin, eboiyete Daudi ka ŋikajiok ŋulu arukitotor iŋes anaturukan a ŋin alotooma jik aneni alwanan.