1 Sam. 26:19 - Ebaibul

¹⁹ Ekemaimai tokona ayoŋ iyoŋ ekapolon kaŋ kiira ŋakiro kaŋ a eketiyan kon. Ani kerae Ekapolon ikiinakinit iyoŋ aremokin ayoŋ, emaimai ayoŋ iŋes tocamu ainakinet. Nai ani kerae ŋituŋa, elipit ayoŋ toruwor ikes ŋulu icenen alokiŋaren Ekapolon, anerae ekeritasi ikes ayoŋ anibore a ŋini etemokino ayoŋ oryamu aneni Ekapolon. Adaut ikes alimun ebe, ‘Ape, kitiyanak ŋacekujo.’

1 Sam. 26:19 Iomraidhean Croise

Akisy. 44:18

Toapiya Yuda neni ayai Yosepu tema, “Okoe ekapolon kaŋ, kimyekinae ayoŋ eketiyan kon okolimok iyoŋ ekapolon kaŋ ŋakiro nu, nyikiŋoik ayoŋ eketiyan kon; anerae ipol iyoŋ ikoni Parao elope.

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

2 Sam. 14:16

Acepaki ecamuni erwosit alakun ayoŋ aketiyan keŋ anakan a ituŋanan a ŋini ecamit akitasalun ayoŋ ka lokoku kaŋ ka alemar isua anakwap a ŋina abu Akuj inak ŋituŋa keŋ.’

2 Sam. 16:10

Nai kiŋit erwosit Abisai tema, “Anukiro mono emaikina ayoŋ etiya neni kus ŋidwe a Seruia ŋulusapa? Ani kicenonor iŋes aŋuna alimokinia Ekapolon ebe, ‘Kicen Daudi’ ŋae nai epedori akiŋita ebe, ‘Kaanukiro icenio iyoŋ Daudi?’ ”

2 Sam. 16:11

Tema Daudi neni ka Abisai ka neni a ŋiketiyak keŋ a daadaŋ, “Erae lokoku kaŋ ke elope iŋes iwarit akiar ayoŋ, etya nai ai acamit ŋina acamitor Ebenjaminait lo akiar ayoŋ! Kimyekisi iŋes kitiya ŋuna ecamit, kimyekisi iŋes kicenonor, anerae adau Ekapolon alimokin iŋes akitiya ŋun.

2 Sam. 20:19

Ayoŋ apei ŋina ikiyakar akinapakina ka akikinyoma alo Isirael. Etakani esibit iwarit iyoŋ akinyasun etaun lo ŋolo erae toto a ŋitaunio alo Isirael. Kaanukiro icamitor iyoŋ akinyasun ibore ŋini erae Ekapolon ikiinakini?”

2 Sam. 21:3

Kiŋit Daudi Ŋigibeoni tema, “Anukiro emaikina ayoŋ etiya aŋuna kus? Alipite alemarya ayoŋ asecit, ikotere iyes igatakinete ŋarereŋisyo neni a ŋituŋa a ŋulu erae ŋituŋa a Ekapolon?”

2 Sam. 24:1

Abu nabo Ekapolon toŋoik Ŋisirael, ido abu inak Daudi akidupor Ŋisirael; tema Ekapolon neni a Daudi, “Ape kimar ŋituŋa a Isirael ka ŋulu a Yudaya.”

1 Ŋirw. 22:22

Kiŋit Ekapolon iŋes tema, ‘Ikwaani?’ Toboŋok etau tema, ‘Alosi ayoŋ oinak ŋikadwarak ka Aab daadaŋ kirworo alyokonu.’ Tema Ekapolon, ‘Ape tomodiya iŋes. Ipedori iyoŋ amodiyar iŋes.’ ”

1 Ŋakiro a ŋirwa 21:1

Tolosik Satan Ŋisirael, ido abu inak Daudi atametait ŋina ka akimar Ŋisirael.

Ŋikiru. 120:5

Oi acakar bare ca ayoŋ aŋuna eboiyo alo Mecek! Acakar bare ca aŋuna eboiyo alokidiŋ ŋituŋa ŋulu a Kedar!

Ŋikiru. 20:4

Elipi atemar ikiinak iŋes iyoŋ ŋuna ecamit etau kon, kisiyook ŋuna daadaŋ iye iyoŋ akitiya.

Ŋakit. 30:10

Nyiyanyi eketiyan aneni eyai ekapolon keŋ, epedori eketiyan ŋol akigworonokin iyoŋ, ido toryamu iyoŋ ŋican a ŋakiro a ŋun.

Isa. 60:5

Iŋolikinete nai iyes ŋun, ido kileereut aneni kus ŋakiro; elakar ŋitai kus ka ilelyanete iyes, anerae iudunio ebari a anam daadaŋ neni kus, eyaunio ebari a ŋakwapin neni kus.

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Ekim. 36:7

ikotere nyeruwor akwap a ekabila a Ŋisirael a epei ŋina a ŋoloce, anerae itemokino Ŋisirael toyakatar akwap ŋina adau aruwor ŋina kec alokabilae atapapaa kec.

Ekim. 36:9

Mam akwap einakinio alokabila a epei lokabila ŋoloce, anerae itemokino Ŋisirael daadaŋ toyakatar akwap ŋina aponi tokorakinae ikes.’ ”

Ŋirom. 14:15

Ani kitakadak iyoŋ lokaato kon aŋuna a ibore a ŋini inyami iyoŋ, ido nyenyami iŋes, iŋes atemar nyeriŋa nai iyoŋ itiyae ŋuna ka amina. Nyimyek akimuj ŋina imuji iyoŋ emunaiyari ituŋanan ŋini abunio Kristo totwania!

Ŋigal. 5:12

Tolimokisi ŋituŋa ŋulu ikibatarito iyes, ŋulu ecamito akileŋeryo ŋul, kidoŋos daŋ make!

Ŋikis. 13:3

Nyemaikina iyes kiwuapa ŋakiro a ŋikadwarak a ŋul, kori a ŋikerujak a ŋul, a ŋulu edwarete ŋuna eponito, anerae ikikatakinit Ekapolon Akuj kus iyes, ikotere eyenuni erae kiminasi iyes kire Ekapolon Akuj kus a ŋitai kus a daadaŋ ka a akiyar kus a daadaŋ.

2 Tim. 4:14

Abu Alekisanda ŋolo etyekan ŋasuwa kitiya ŋaronisya ŋuna alalak neni kaŋ. Etacakini Ekapolon iŋes ŋuna eriyan ka ŋuna abu iŋes kitiya.

1 Sam. 18:10

Akoloŋit ŋina atupakini ŋin, abu etau ŋolo aronon aneni ka Akuj bu neni a Saul egogoŋ nooi, kisyak iŋes akirworo bon ecela alokidiŋ akai keŋ. Apaki ŋin, abolya Daudi agita, lopite ŋolopei sek abolyaa a ŋinakoloŋit, ido atiŋit Saul apaki ŋin akwara keŋ;

1 Sam. 24:9

Tolimok Daudi Saul tema, “Kaanukiro inupya iyoŋ ŋakiro a ŋituŋa a ŋulu ebasi, ‘Ecamit Daudi akiar iyoŋ?’

1 Sam. 25:24

Toryedik anakejen a Daudi tema, “Ekapolon kaŋ, kimyek aronis daadaŋ toruwor ŋina kaŋ. Kimyekinae ayoŋ aketiyan kon erworik neni kon; tocamu akiirar ŋuna alimuni ayoŋ aketiyan kon.

1 Sam. 27:1

Abu Daudi totamatama alotau keŋ tema, “Epedori Saul akiar ayoŋ apeikoloŋit ŋirwa lupei lu. Ŋuna emaikina ayoŋ etiya iŋes akisii nakwap a Ŋipilistin; oeka aneni a Saul, ikotere nai eupi Saul akiwarit ayoŋ tooma akwap a Isirael.”