1 Sam. 26:12 - Ebaibul

¹² Aŋun, abu Daudi ya akwara ŋina adupa kwap diyete nakou a Saul ka etwo ŋolo a ŋakipi, torotokis a nen. Mam ituŋanan aanyunit ikes, kori ayeni ŋadi, mam tari ituŋanan abu tokyenyu. Ajotoete ŋituŋa ŋul daadaŋ, anerae kebu Ekapolon kijukak ikes ŋajo ŋuna apotyok nooi.

1 Sam. 26:12 Iomraidhean Croise

Akisy. 15:12

Ani ewaiyari akoloŋ, kilurut Aburam ŋajo, tojotoor nooi; a nen, min akiryonut ŋina eryono cuc ŋina ikitubuli neni ayai Aburam.

Akisy. 2:21

Kitojotoo Ekapolon Akuj ekile nooi, tosodi tolemu amaran keŋ apei, kimuleleya nen a akiriŋ.

Esta 6:1

Akoloŋit ŋin nakwaare, abu erwosit kikoler; aŋun, abu tolimu atemar yaunae ekitaabo ŋolo egiritae ŋakiro apukan ŋuna a ŋirwa a ŋulu epukator iŋes. Aponi nai yaunae ekitaabo ŋol tosyomae alokiŋaren a erwosit.

Isa. 29:10

Ikiinak Ekapolon iyes etau ŋolo ijotoorotor nooi; agol iŋes ŋakonyen kus, iyes ŋikadwarak, emuko iŋes ŋakyes kus, iyes ŋiketeyenunak.

1 Sam. 24:4

Temasi ŋikajiok ŋulu arukito ka Daudi neni a Daudi, “Akoloŋit ŋina ikilimokinit iyoŋ Ekapolon iŋes na ebala, ‘Akainakini ayoŋ iyoŋ emoit kon, kitiya iyoŋ neni keŋ ŋuna ikitalakarito iyoŋ.’” Toniemar nai Daudi neni a Saul, totub ecileta a ekaaso a Saul pa eyeni Saul.

1 Sam. 26:13

Tolunyar nai Daudi aneni aperyoto ŋituŋa ŋul, tolot yaye akadipaalat neni alwana aneni kec iwadio. Todoka kidiama emukura.

1 Sam. 26:7

Aŋun, apotu Abisai ka Daudi toloto neni aya ŋasigarya a Saul nakwaare. Toryamut ikes Saul ejotoe a nen alokidiŋ ŋasigarya, edupakinit akwara keŋ kwap diyete nakou keŋ; toperete Abiner ka ŋasigarya nawaetin keŋ.