1 Sam. 26:11 - Ebaibul

¹¹ Elipit ayoŋ Ekapolon ekeretak ayoŋ nyaar iŋes ŋolo erae Ekapolon abu toseu. Nai tokona, tolemu akwara ŋin ŋina edupa kwap diyete nakou keŋ ka etwo ŋolo a ŋakipi, ido apena.”

1 Sam. 26:11 Iomraidhean Croise

2 Sam. 1:14

Kiŋit Daudi iŋes tema, “Nyo mono pa ikitimyo iyoŋ akikyaar akan kon toar ekapolon ŋolo erae Ekapolon abu toseu?”

2 Sam. 1:16

Tema Daudi neni a ekile a ŋolo ecumyo a ŋol, “Ikicenete iyoŋ ŋaokot kon ke elope, anerae iyoŋ elope ibu tolimor bon tema, ‘Abu ayoŋ oar ekapolon ŋolo arae Ekapolon abu toseu.’ ”

2 Sam. 19:22

Nai abu Daudi kiŋit iŋes tema, “Nyo mono emaikina ayoŋ etiya neni kus ŋidwe a Seruia ŋulusapa, aŋuna iruworotor iyes nakoloŋit na ŋimoe kaŋ? Ejok mono akiar ituŋanan idio alo Isirael akoloŋit na a? Nyeyenuna mono ayoŋ akoloŋit na atemar arae ayoŋ erwosit ŋolo epukat Isirael a?”

Ŋikiru. 17:4

Nyerworo ayoŋ ŋuna aronok lopite ŋolo irworotor ŋituŋa ŋuluce, adau ayoŋ akiwuapakin akiciket kon; nyiwuapa ayoŋ ŋipitesyo a ŋiryenyaanotin.

Ŋirom. 12:17

Ani kitiya ituŋanan ŋuna aronok neni kus, nyinyaŋasi ka aronis. Kikatakisi iyes akitiya ŋuna ejoikinito ŋituŋa daadaŋ.

Ŋirom. 12:19

Ŋikaakonei, nyinyaŋanarete jik, nai kimyekisi anyunyura ŋina ka Akuj kitiya ŋun. Anerae ebasi Ŋakigireta ebe, “Ebala Ekapolon, ‘Erae akinyaŋanar ŋina kaŋ; ayoŋ elope enyaŋari.’ ”

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.

1 Sam. 12:3

Ayoŋ lo! Tolimutu alokiŋaren Ekapolon ka alokiŋaren eseuna keŋ ŋakiro ŋuna etiyat ayoŋ ŋuna aronok. Ŋae abu ayoŋ odema emoŋ? Ŋae abu ayoŋ odema esigirya? Ŋae idio abu ayoŋ omodiya ibore idio? Ŋae abu ayoŋ otiŋ ka aronis? Ŋae idio abu ayoŋ ocamu akainakini ayoŋ akaluŋuluŋut, ikotere emyek iŋes? Ani ketiyat ayoŋ ŋun ŋadi, tolimokinae ayoŋ, ikotere okotacak ayoŋ iyes.”

1 Sam. 24:12

Ekapolon etyakuni ŋini esecit aneni yok kerae ayoŋ, kori iyoŋ. Ekapolon inyaŋari ŋuna aronok ŋuna itiya iyoŋ neni kaŋ, nai mam ŋuna eketiyakini ayoŋ iyoŋ.

1 Sam. 24:4

Temasi ŋikajiok ŋulu arukito ka Daudi neni a Daudi, “Akoloŋit ŋina ikilimokinit iyoŋ Ekapolon iŋes na ebala, ‘Akainakini ayoŋ iyoŋ emoit kon, kitiya iyoŋ neni keŋ ŋuna ikitalakarito iyoŋ.’” Toniemar nai Daudi neni a Saul, totub ecileta a ekaaso a Saul pa eyeni Saul.

1 Sam. 24:6

Tema iŋes neni a ŋikajiok a ŋulu arukito ka iŋes, “Elipi ekeretak ayoŋ Ekapolon nyetiya ŋuna aronok neni a ekapolon kaŋ, a ŋolo arae Ekapolon abu toseu iŋes aruwor erwosit. Elipi nyaar ayoŋ iŋes, anerae Ekapolon iŋes abu toseu iŋes aruwor erwosit.”