1 Sam. 25:36 - Ebaibul

³⁶ Ani ebuni Abigail neni a Nabal, toryamu iŋes eyai kai eyakar ŋasuban ŋuna ekwaan ka ŋuna itemonokini erwosit. Alakara Nabal apaki ŋin, anerae amera iŋes nooi; aŋun, abu Abigail nyelimok iŋes ŋakiro ŋadi daŋ, akitodol taparacu iwalari.

1 Sam. 25:36 Iomraidhean Croise

2 Sam. 13:23

Ekaku a ŋikaru a ŋiarei, apaki ŋina ayakatar ŋikatubok ŋajul a ŋamesekin ka Abusalom Baal-Asor, diyete etaun Epuraim, abu Abusalom tonyarau ŋidwe a erwosit daadaŋ ŋulusapa aponare Baal-Asor.

2 Sam. 13:28

Kicik Abusalom ŋiketiyak keŋ tema, “Kiirasi! Ani emerakin Aminon nooi kedau akimat epiini, apaki ŋina akalimokinia ayoŋ iyes ebe, ‘Toara Aminon,’ emaikina iyes toara iŋes. Nyikuryaketa, meere mono ayoŋ abala iyes toara a?”

2 Sam. 3:20

Ani edolunete Abiner ka ŋirukitos keŋ ŋatomoniarei Eburon neni ayai Daudi, kitemok Daudi ŋasuban aŋuna ka Abiner ka ŋirukitos keŋ.

1 Ŋirw. 20:16

Torotokis ŋisorok ŋul edoli kidiŋ apaaran, apaki ŋina amatatar ka ameratar Ben-Adad aloeemae kec, kaapei ka ŋirwosi ŋulutomoniuni ka ŋiarei ŋulu ariito ka iŋes.

Ŋikiru. 112:5

Ebuni ajokis neni a ŋulu ajokak, neni a ŋulu ipotonorete ŋiboro kec emam akitac ka neni a ŋulu itiyaete ŋiticisyo kec anakiyookino.

Ŋakit. 20:1

Ituruwori akimat epiini ŋolo alalan ituŋanan ibaŋaanot, ituruwori akimat ŋagwe ŋuna alalak nooi ituŋanan ikacalan, ituŋanan daadaŋ ŋini itali akimat epiini, kori ŋagwe, erae ŋini nyeos.

Ekal. 10:19

Itemokino ŋasuban aŋuna ka alakaror, ido eyaununui epiini nakiyar a ituŋanan alakara; nai ŋisiliŋa eryamunia ituŋanan ibore daadaŋ.

Isa. 28:3

Ipudao alokwap ŋulu iturotor ŋikamerak a Epuraim,

Isa. 5:11

Ekaŋ iyes ŋulu ikyenyununeete taparacu sek, aŋuna ka akiwarit ŋagwe ŋuna adwarak, iyes ŋulu ideŋonorosi eboŋ tari ŋina imerakinotor.

Yer. 51:57

Etemerakini ayoŋ ŋikapolok a Babilon ka ŋikasikou keŋ, kaapei ka ŋikepukak keŋ ka ŋulu iwuapito ŋul anapukan ta ŋikajiok keŋ; ejotoorosi ikes ŋajo ŋuna nyekyenyuniata nabo jik ŋikaru ka ŋikaru.” Erwosit, ŋolo erae ekiro keŋ Ekapolon ŋolo a ŋajoresyo, iŋes alimu ŋakiro ŋun.

Osea 4:11

Ebala Ekapolon, “Alema epiini ŋoloŋorot, kori ŋolokitete aosou alotuŋa kaŋ.

Naum 1:10

Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Mat. 10:16

“Topupokisi, ekeyakiyarit ayoŋ iyes ikwa ŋamesekin alokidiŋ ŋipeei. Topiiryaka ikwa ŋimuno ka kiyapara alopitesyo kus ikwa ŋakuryo.

Luk. 14:12

Tolimok nai Yesu ekepukan daŋ ŋolo anyaraunit iŋes tema, “Ani icamit iyoŋ akisimuj ŋituŋa, nyinyarau ŋikonikonei kori atalokaato kon kori ŋikoniyeneta ka ŋikidunyet ŋulu erae ŋikabarak, anerae ikinyaraete ikes daŋ iyoŋ, tosodi totaca ŋuna aris iyoŋ kitiya neni kec.

Luk. 21:34

“Tokienyete! Kiuryasi adakanu, amera ka apodo ŋuna ka akiyar a na, nyikitumosi iyes, todolu akoloŋit ŋin atipei pa iyenete iyes,

Ŋirom. 13:13

Eboiyoto ejok ikwa ŋituŋa ŋulu eya nakica ŋina ka apaaran; olemasi adakanu kori emeret, olemasi amalao kori akiŋobel, olemasi ejiye kori arakao.

Ŋiep. 5:14

anerae akica iŋes itoodiuni ibore daadaŋ ejok. Iŋes elimunitere ebe, “Tokienyu, iyoŋ ekajoton, ido toyaru alokatwak, ikiwuakini Kristo iyes nakica.”

Ŋiep. 5:18

Nyimerakinosi a ŋagwe a ŋuna epedorete amunaar iyes, nai tocamakisi Etau ŋolo ka Akuj kilelebikin neni kus.

1 Sam. 25:19

Tema nai neni a ŋiketiyak keŋ, “Yaasi ŋiboro lu kiŋarenioto; ekewuapuni ayoŋ iyes.” Nai abu iŋes nyelimok Nabal lokile keŋ ŋakiro ŋadi daŋ.

1 Sam. 25:37

Ani nai taparacu ketwaar emeret aneni a Nabal, tolimok aberu keŋ iŋes ŋakiro daadaŋ. Kiyalaar akuwan a Nabal kiketar kikok amoru.