1 Sam. 25:24 - Ebaibul

²⁴ Toryedik anakejen a Daudi tema, “Ekapolon kaŋ, kimyek aronis daadaŋ toruwor ŋina kaŋ. Kimyekinae ayoŋ aketiyan kon erworik neni kon; tocamu akiirar ŋuna alimuni ayoŋ aketiyan kon.

1 Sam. 25:24 Iomraidhean Croise

Akisy. 44:18

Toapiya Yuda neni ayai Yosepu tema, “Okoe ekapolon kaŋ, kimyekinae ayoŋ eketiyan kon okolimok iyoŋ ekapolon kaŋ ŋakiro nu, nyikiŋoik ayoŋ eketiyan kon; anerae ipol iyoŋ ikoni Parao elope.

2 Sam. 14:12

Tema nai aberu ŋin, “Kimyekinae ayoŋ aketiyan kon okolimok iyoŋ akirot apei bon, ekapolon kaŋ erwosit.” Tema erwosit, “Tolimu.”

2 Sam. 14:9

Tema Atekoat ŋin neni a erwosit, “Ekapolon kaŋ erwosit, kimyek ŋakiro daadaŋ ŋuna itiyakini iyoŋ pena nakou kaŋ ka nakyes a ŋituŋa a ekal a papa kaŋ, nyemaikina ŋakiro ŋun pena neni kon erwosit, kori napukan kon.”

2 Sam. 20:17

Bu Yoab diyete aberu ŋin, ido kiŋit aberu ŋin iŋes tema, “Irae iyoŋ Yoab a?” Toboŋok Yoab tema, “Arae.” Tema nai iŋes neni a Yoab, “Kiira ŋakiro nu ŋuna alimuni ayoŋ aketiyan kon.” Toboŋok Yoab tema, “Apupokinit ayoŋ.”

2 Ŋirw. 4:37

Tosodi iŋes toryedik anakejen ke Elisa, kijuuru, ya nai lokoku keŋ torotokinio.

Esta 8:3

Todyek nabo Esta erwosit, toramakin nakejen a erwosit kigwor, kimaima erwosit alemar aronis ŋina abu Aman Egagitait toyeu akitiyakin ka ŋuna emanitor Ŋiyudayan.

Ŋakit. 25:15

Epedoryo akisirworiun ekepukan erae kerae iŋes ituŋanan ŋini idaŋidaŋi ŋakiro, ido ituŋanan ŋini irworo epatana, epedori akiperikin ŋakiro tari ŋuna epegae anadedeŋu.

Ekal. 10:4

Ani kikitoŋo iyoŋ ekapolon kon, nyiesik etic ŋolo ikipolokinitor iŋes iyoŋ, anerae isyonio ŋinadyakaret daadaŋ erae pa kededeŋiar ituŋanan.

Mat. 18:29

Toryedik eketiyan ŋol alokiŋaren keŋ todyek iŋes tema, ‘Inakinae kare ca adiopaki! Ataci ayoŋ eden daadaŋ.’

1 Sam. 24:8

Ani keaka Saul iwadio, tonyou Daudi daŋ a nen, toloma anaturukan, tonyara Saul tema, “Ekapolon kaŋ erwosit!” Ani iŋoliyari Saul kaku, toryedik Daudi kijuuru, todol ereet kwap. Etiyae Daudi ŋun itoodiunit akitopoloorit keŋ Saul.

1 Sam. 25:23

Ani iŋolikini Abigail Daudi, todoku atipei alosigirya keŋ, toryedik alokiŋaren a Daudi, kijuuru todol ereet kwap.

1 Sam. 25:25

Ekelipit iyoŋ ekapolon kaŋ nyimitak ŋakiro a Nabal a etuŋanan a ŋolo aronon a ŋol. Lopite ŋolo eyakar apolou a ekiro ebe, ‘Ebaŋ.’ Itiyae iŋes ŋuna ka abaŋao. Nai ekapolon kaŋ, nyeanyuna ayoŋ aketiyan kon ŋikilyok ŋulu kiyakuunit iyoŋ.

1 Sam. 25:28

Ekemaimai ayoŋ iyoŋ ikisyon ayoŋ aketiyan kon ŋuna etiyat eroko; anerae ayeni ayoŋ atemar itoropari Ekapolon apukan kon ekapolon kaŋ aŋuna ijio iyoŋ aŋuna ke Ekapolon. Nyitiya aronis apei daŋ ŋirwa daadaŋ ŋulu iyarya iyoŋ.