1 Sam. 25:17 - Ebaibul

¹⁷ Totamatama mono iyoŋ tokona, ido toanyu ŋuna kitiyakina, anerae atubut ŋituŋa akitiya aronis neni a ekapolon yok ka neni a ŋituŋa a ekal keŋ daadaŋ. Erae ekapolon yok ituŋanan ŋini aronon, ŋini emam nyepupi ŋakiro a ŋituŋa a ŋuluce.”

1 Sam. 25:17 Iomraidhean Croise

2 Sam. 24:13

Aŋun, abu Gad tolot neni a Daudi kiŋit iŋes tema, “Emaikina mono yaunae ŋikaru ŋiuni ŋulu a eron nakwap kon a? Kori emaikina iyoŋ iemi anakwap kon ŋilapyo ŋiuni ikiwuapito ŋimoe kon a? Kori emaikina edeke eyakaun nakwap kon ŋirwa ŋiuni a? Totamatama mono iyoŋ ŋakiro ŋun, ido toseu ŋuna emaikina ayoŋ oboŋok ŋolo ekeyakuunit ayoŋ.”

1 Ŋirw. 21:10

Tolemutu ŋikesitakinak a Nabos ŋiarei ŋulu erae ŋasyanisya, kisitakis Nabos aŋuna icenio Akuj ka erwosit; torikosi nai iyes iŋes kiŋa etaun tocaka a ŋamoru.”

1 Ŋirw. 21:13

Potu nai ŋikesitakinak a Nabos ŋasyanisya ŋunaarei kiboikinos epeiwae Nabos, ido kisitakis ŋasyanisya ŋun Nabos alokiŋaren ŋituŋa temasi, “Adau Nabos akicen Akuj ka erwosit.” Aŋun apotu ikes yaasi Nabos kiŋa etaun tocaka iŋes a ŋamoru.

2 Ŋakiro a ŋirwa 13:7

Abu Yeroboam tocunak ŋasyaanisya ŋace ŋuna koŋinae, toloto toŋero Reoboam lokoku a Solomon apaki ŋina ariŋaakar edit emam ŋuna ayeni akitepegia ikes.

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

Esta 7:7

Tokadak erwosit nooi, tonyou anasuban eŋoit, tolot nenilapat kiŋa a akai ka apukan. Nai abu Aman kidoŋ kai imaimai arwosit Esta todyek erwosit kisyoni iŋes, anerae abu iŋes taanyu atemar acamaki erwosit akiar iŋes.

Ŋakit. 12:8

Ani keos ituŋanan, ipurete ŋituŋa iŋes, nai ani kebaŋaana ituŋanan, ejamuwarete ŋituŋa iŋes.

Ŋikis. 13:13

ŋituŋa kus ŋulu itiyaete aronis, ŋulu arikokis ŋituŋa ŋulu iboiyete alotaun a ŋol akitiya ŋuna aronok ka elimonokinete ŋituŋa ebe, “Oloto elipa neni a ŋakujo a ŋace,” (ŋuna nyeyenuna iyes.)

Ŋikat. 19:22

Ani eriŋa ŋituŋa ŋul imujete ka emasete, potu ŋikilyok ŋice ŋulu ke etaun a ŋol, ŋituŋa ŋulu esyaak, kirimokis akai kidiŋ togeikis anaŋanaŋ ekek a akai. Tolimokis ikes ekasikou; ŋolo a akai a ŋin temasi, “Yau kiŋa ekile ŋolo alomuni kai kon, ikotere isua toyenunae iŋes.”

1 Sam. 10:27

Nai apotu ŋasyanisya ŋace temasi, “Epedori mono etuŋanan lo aiun iwon a?” Tojamuwasi ikes Saul, ido nyeaut ŋainakineta ŋadi neni a Saul. Nai abu Saul nyemitak ŋakiro kec. Apaki ŋin, atiŋit neni aronon nooi Naas erwosit ŋolo a Ŋiamoni erwosit ŋolo a Ŋigadi ka ŋolo a Ŋirubeni. Amina Naas agoronor ŋakonyen ŋuna aloteten ŋuna a ŋimoe keŋ a ŋul, ido pa acamit ainakin Ŋisirael ekaiunan. Mam Ŋisirael ŋulu eboiyete alokekwaye Yorodan ŋulu abu Naas erwosit a Ŋiamoni toesik nyegororo ŋakonyen ŋuna aloteten. Nai ayakasi Ŋisirael ŋalipyo ŋakanikaarei ŋulu kepotu tosiwa aneni a Ŋiamoni toloto Yabes-Gilead.

1 Sam. 2:12

Arae ŋidwe ke Eli ŋulusapa ŋidwe ŋulu aronok nooi, pa amisito ikes ŋakiro ŋuna ke Ekapolon;

1 Sam. 20:7

Ani ketema iŋes, ‘Ejok!’ Ejokyata ŋakiro aneni kaŋ a eketiyan kon, nai ani keŋo iŋes, itemokino iyoŋ toanyu atemar ayeu iŋes akitiya ŋuna aronok neni kaŋ.

1 Sam. 20:9

Tema Yonasan, “Nyiryamasi ca iyoŋ ka ŋun! Ani mono kerae oyenunite ayoŋ atemar ayeu papa kaŋ akitiya ŋuna aronok neni kon, pa mono kakalimokinit ayoŋ iyoŋ a?”

1 Sam. 25:16

Arae ikes epakarito awasya aneni kosi apaaran ka akuwar; apaki daadaŋ ŋina eyokiyere isua ŋamesekin diyete neni aya ikes.

1 Sam. 25:18

Tonyou nai Abigail atipei a nen, tolot tolemu ŋamugati ŋamiae ŋaarei, ŋitwol a epiini ŋiarei, ŋamesekin ŋakan ŋuna apeitoe ejok, tooku ŋikinyom ŋulu ewawatae ŋakiloi ŋatomon ka ŋakanikaarei, tolemu ŋaraito a epiini ŋuna arukitoe amiat, ŋuna ikwaan ka ŋamugati ka ŋaboboryo ŋuna arukitoe ŋamiae ŋaarei, ŋuna ikwaan ka ŋamugati. Toenik iŋes ŋiboro ŋul daadaŋ kiwoko ŋisigirya.

1 Sam. 25:25

Ekelipit iyoŋ ekapolon kaŋ nyimitak ŋakiro a Nabal a etuŋanan a ŋolo aronon a ŋol. Lopite ŋolo eyakar apolou a ekiro ebe, ‘Ebaŋ.’ Itiyae iŋes ŋuna ka abaŋao. Nai ekapolon kaŋ, nyeanyuna ayoŋ aketiyan kon ŋikilyok ŋulu kiyakuunit iyoŋ.