1 Sam. 25:13 - Ebaibul

¹³ Tema Daudi neni a ŋikajiok a ŋulu arukito ka iŋes, “Tonapa ŋileŋya kus!” Aŋun, abu ŋinituŋanan tonap ekileŋ keŋ, tonap nai Daudi daŋ ŋolo keŋ. Torotokis Daudi ka ŋikilyok ŋulu aapiyarit ekimar ŋamiae ŋaomwon, kidoŋo ŋamiae ŋaarei akitere ŋiboro.

1 Sam. 25:13 Iomraidhean Croise

2 Sam. 15:18

Kimyekis tolunyar mono ŋikapolok daadaŋ ŋulu epukatotor erwosit ka Ŋikeresi daadaŋ, Ŋipelesi daadaŋ ta Ŋigitaiti daadaŋ ŋamiae ŋakanikapei ŋulu arukunete ka Daudi alo Gas. Tolunyar ŋituŋa ŋul daadaŋ alokiŋaren erwosit.

Ŋakit. 14:29

Ituŋanan ŋini nyeŋoyenene atipei, eyakar ayenut ŋina apolon, nai ituŋanan ŋini eŋoyenene atipei itoodiunit abaŋao.

Ŋakit. 16:32

Ejok ituŋanan ŋini nyeŋoyenene atipei, iloit iŋes tari ŋikagogoŋok, ejok ituŋanan iuryari aŋoit nyemin neni keŋ atipei, iloit iŋes tari ŋini itiji etaun kikama.

Ŋakit. 19:11

Nyeŋoyenene atipei ituŋanan ŋini eyakar aosou, erae akiyookino a ituŋanan a ŋin ibore ŋini einakini iŋes ajamakin ŋakiro ŋuna itoŋoitere.

Ŋakit. 19:2

Nyejok akiitanit ibore tomam bo aosou iyakar, ituŋanan ŋini iburiburi akitiya ŋinibore, eryamuni ŋican.

Ŋakit. 20:22

Nyitema ebe, “Etiyae ayoŋ aronis neni a ŋini etiya aronis neni kaŋ;” kikinyom Ekapolon, ikiŋarakini iŋes iyoŋ.

Ŋakit. 25:8

Nyikirikirak alimor aloikiiko ŋakiro ŋuna ibu iyoŋ kiŋolik, anerae anukiro itiyakini iyoŋ erae kirwor ikidunyet kon ikisalu iyoŋ?

Yos. 9:14

Apotu ŋikarikok a Ŋisirael tocamut akijaun akimuj ŋin, nai pa a eŋisito ikes Ekapolon ŋakiro ŋadi aŋuna ka akimuj a ŋin.

1 Sam. 22:2

Apotu ŋituŋa daadaŋ ŋulu aryamunito ŋican ka ŋulu ayakatar ŋamicae ta ŋulu akadakinit ekiboiye, kimorikinos ka Daudi; toruwor Daudi ekarikon kec. Arae ikes ŋituŋa ŋulu aapiyarit ekimar kec ŋamiae ŋaomwon.

1 Sam. 23:13

Aŋun, apotu Daudi ka ŋikajiok ŋulu arukito ka iŋes ŋulu aapiyarit ekimar ŋamiae ŋakanikapei, torotokis alo Keila, ido apotu torubakis elosete anakibois ka apei tari ŋinace. Ani iirari Saul atemar arotoki Daudi alo Keila, abu nyelot nen.

1 Sam. 25:12

Aŋun, apotu ŋisorok a Daudi ŋul toboŋosi neni a Daudi, tolimokis iŋes ŋakiro a Nabal daadaŋ.

1 Sam. 27:2

Aŋun, abu Daudi torotok a nen kilamar nakwap a Ŋipilistin, erukito ka ŋikajiok ŋulu arukito ka iŋes ŋamiae ŋakanikapei. Tolot iŋes neni ka Akis alokoku a Maok a ŋolo alo Gas.