1 Sam. 24:6 - Ebaibul

⁶ Tema iŋes neni a ŋikajiok a ŋulu arukito ka iŋes, “Elipi ekeretak ayoŋ Ekapolon nyetiya ŋuna aronok neni a ekapolon kaŋ, a ŋolo arae Ekapolon abu toseu iŋes aruwor erwosit. Elipi nyaar ayoŋ iŋes, anerae Ekapolon iŋes abu toseu iŋes aruwor erwosit.”

1 Sam. 24:6 Iomraidhean Croise

2 Sam. 1:14

Kiŋit Daudi iŋes tema, “Nyo mono pa ikitimyo iyoŋ akikyaar akan kon toar ekapolon ŋolo erae Ekapolon abu toseu?”

2 Sam. 24:10

Ani kimar Daudi ŋituŋa kirikakin, abu Ekapolon kisican iŋes, tonomosi ŋakiro etau, anerae abu iŋes kimar ŋituŋa. Tema Daudi neni a Ekapolon, “Adau ayoŋ Ekapolon akisec nooi anakiro a ŋuna adau akitiya. Nai tokona, okoe Ekapolon, ekelipi ayoŋ iyoŋ, tolema akiilit ŋina ka asecit na aneni a eketiyan kon; anerae etiya ayoŋ nu anabaŋao a ŋina apolon nooi.”

1 Ŋirw. 21:3

Nai tema Nabos neni ka Aab, “Elipi ayoŋ atemar nyakacamak Ekapolon ayoŋ ainakin iyoŋ ibore ŋini abu ayoŋ erum aneni atapapaa kaŋ.”

Mat. 5:44

Nai tokona akalimokini ayoŋ iyes atemar, tominas ŋikusimoe ka kilipanakinete ŋulu ikisicanito iyes;

Ŋirom. 12:14

Kilipa Akuj kiterereŋ ŋulu ikisicanete iyes; ee, kilipa iŋes kiterereŋ; nyicenete ikes!

1 Ŋites. 5:15

Nyitemokino iyes itacakinete aronis kan aronis, nai ŋarwa daadaŋ kikatakisi akitiya ŋuna ajokak alokidiŋ kus make ka alotuŋa a daadaŋ.

1 Sam. 12:3

Ayoŋ lo! Tolimutu alokiŋaren Ekapolon ka alokiŋaren eseuna keŋ ŋakiro ŋuna etiyat ayoŋ ŋuna aronok. Ŋae abu ayoŋ odema emoŋ? Ŋae abu ayoŋ odema esigirya? Ŋae idio abu ayoŋ omodiya ibore idio? Ŋae abu ayoŋ otiŋ ka aronis? Ŋae idio abu ayoŋ ocamu akainakini ayoŋ akaluŋuluŋut, ikotere emyek iŋes? Ani ketiyat ayoŋ ŋun ŋadi, tolimokinae ayoŋ, ikotere okotacak ayoŋ iyes.”

1 Sam. 24:7

Aŋun, abu Daudi kimaima ŋikajiok ŋulu arukito ka iŋes, tolimok ikes nyitijikis Saul. Abu nai Saul tonyou a nen, toloma anaturukan torotok.