1 Sam. 24:4 - Ebaibul

⁴ Temasi ŋikajiok ŋulu arukito ka Daudi neni a Daudi, “Akoloŋit ŋina ikilimokinit iyoŋ Ekapolon iŋes na ebala, ‘Akainakini ayoŋ iyoŋ emoit kon, kitiya iyoŋ neni keŋ ŋuna ikitalakarito iyoŋ.’” Toniemar nai Daudi neni a Saul, totub ecileta a ekaaso a Saul pa eyeni Saul.

1 Sam. 24:4 Iomraidhean Croise

2 Sam. 4:8

Yaut ikes akou a Isiboses Eburon neni a Daudi, temasi neni ke erwosit, “Akou ke emoit kon na, a Isiboses alokoku a Saul, a ŋolo ewarit akiar iyoŋ. Ekapolon kaŋ erwosit, enyaŋa Ekapolon nakoloŋit na aronis a Saul ka aloletok keŋ.”

Yob 31:31

Irworosi ŋituŋa a ekal kaŋ ebe, ‘Ŋae mono pa emujit akimuj a Yob kimwono?’

Ŋikiru. 142:1

Egworo ayoŋ neni ke Ekapolon; eoroe ayoŋ neni ke Ekapolon aŋuna ka akiŋarakino.

Ŋikiru. 57:1

Okoe Akuj kisyonitetei ayoŋ, kisyonitetei ayoŋ, anerae neni kon iŋes aiunia ayoŋ akiyar kaŋ; akitodol ŋina edaunotor ŋinyas.

Awos. 21:13

Nai ani pa kiredakinit iŋes akiar ŋinice, torae atwanare ŋina kitemokinit Akuj, emaikina ituŋanan ŋin tosi nakibois ŋina etemokini ayoŋ Akuj aŋuna keŋ.

1 Sam. 22:1

Torotok Daudi alo Gas, tosi naturukan ŋina ayai Adulam. Ani iirarete ŋikaitotoi keŋ ka ŋituŋa a ekal a papa keŋ atemar eyai Daudi nen, totiyaaros nen neni ayai iŋes.

1 Sam. 23:17

Tema Yonasan neni a Daudi, “Nyikuryaniar; nyepedori papa kaŋ Saul akiar iyoŋ. Iruwor iyoŋ erwosit alo Isirael, ido ayoŋ akatupakini iyoŋ anapolou. Eyeni papa kaŋ Saul ŋun daadaŋ.”

1 Sam. 23:7

Ani elimokinio Saul atemar alot Daudi Keila, abu Saul tema, “Ewuak Akuj ŋol napedor kaŋ, anerae acakari bon aloma tooma etaun ŋolo eya ŋipukei ŋulu egolio a ŋasuwa.”

1 Sam. 24:10

Idau iyoŋ elope nakoloŋit na akiŋolikin epite ŋolo abunio Ekapolon ikipotok iyoŋ neni kaŋ anaturukan; apotu ŋituŋa ŋice temasi ayoŋ toar iyoŋ, nai abu ayoŋ ekeŋarak iyoŋ. Abu ayoŋ otema, ‘Mam nyaari ayoŋ ekapolon kaŋ; anerae Ekapolon iŋes abu kituruwo iŋes erwosit.’

1 Sam. 24:18

Ilimu iyoŋ nakoloŋit na epite ŋolo idaunia iyoŋ akitiya ŋuna ajokak neni kaŋ, anerae ibu iyoŋ nyikiar ayoŋ apaki ŋin ŋina ekepotokinitor ayoŋ Ekapolon neni kon.

1 Sam. 26:23

Einanakini Ekapolon ŋinituŋanan eropit keŋ aŋuna eraakar ituŋanan ŋin ŋini iyookino ka ŋini ikinyoma; anerae abu Ekapolon nakoloŋit na ikipotok iyoŋ neni kaŋ, nai abu ayoŋ nyekyaa akan kaŋ okoar iyoŋ ŋolo erae Ekapolon abu itoseu.