1 Sam. 24:11 - Ebaibul

¹¹ Kiŋolik iyoŋ papa, ecileta lo ŋolo a ekaaso kon, atiŋit ayoŋ. Abu ayoŋ otub ecileta a ekaaso kon, nai abu nyakaar iyoŋ. Totamatama mono iyoŋ, ido toyenu atemar nyatami ayoŋ akitiya ŋadi ŋuna aronok, kori aremokin iyoŋ. Mam aronis etiya ayoŋ neni kon, nai ikiwarit iyoŋ ayoŋ akiar.

1 Sam. 24:11 Iomraidhean Croise

2 Sam. 1:14

Kiŋit Daudi iŋes tema, “Nyo mono pa ikitimyo iyoŋ akikyaar akan kon toar ekapolon ŋolo erae Ekapolon abu toseu?”

2 Ŋirw. 5:13

Nai toloto ŋiketiyak keŋ kisirworo iŋes temasi, “Aa papa, anibo kerae itolimokinite ekadwaran iyoŋ akitiya idiobore ŋini agogoŋon, pa mono kitiyat iyoŋ a? Inyoni mono etyono anakiro a ŋuna ebaakar iŋes iyoŋ tolot kiloŋari, ikotere toŋaleu?”

Yob 10:16

Idedŋ iyoŋ ikwa eŋatny ikiwarit ayoŋ, iboŋonokini iyoŋ akican ayoŋ ikimanit.

Ŋikiru. 119:161

Ekemanito ayoŋ ŋikepukak koŋin, nai etopoloorit ayoŋ ŋakiro kon.

Ŋikiru. 140:11

Nyicamak ŋulu isudete ŋuluce ŋakiro etenete anakwap; kimyek aronis bu atipei tomunya ŋikaryenyaanak.

Ŋikiru. 35:7

aŋuna aponiata ikes toloka ŋaunoi aŋuna kaŋ koŋin ka aŋuna aponiata ikes toboka ŋapanya aŋuna kaŋ koŋin;

Ŋikiru. 59:3

Kiŋolik iyok epite ŋolo idasitotor akadapito ayoŋ! Okoe Ekapolon ariwo ŋituŋa ŋulu adedeŋak ekemanito ayoŋ, tomam bo ŋuna aronok ŋuna etiyat ayoŋ, kori asecit.

Ŋikiru. 7:5

kimyek ŋimoe kaŋ ekewuap ayoŋ okoditasi, kimyek ikes okoara ayoŋ ekemyekis aperi alokwap, kidoŋ akuwan kaŋ napuwa.

Ŋakit. 15:1

Isililiŋiyari aboŋokinet ŋina iapunitae anyunyura, nai isiwuaŋi akikirikira akirworikin anyunyura.

Aum. 4:18

Ikiwarito isua ŋimoe kosi, aŋun, nyepedoritae isua alosit alorotin a etaun. Abu adaun kosi toapu, emaruna ŋirwa kosi, anerae abu todol isua adaun.

Esek. 13:18

Tolimok ikes atemar ŋakiro ŋuna irworo Ekapolon Akuj ikes nu, ‘Ekaŋ iyes ŋaberu ŋuna idonyete ŋakujo naraco ŋuna inapito anakan kus a daadaŋ ka ŋuna idonyete ŋakitambarae ŋuna a ŋakyes ŋuna apolok ka ŋuna cicik tonapa anakyes kus, ikotere ibatarete ŋituŋa kaŋ. Ibatarete mono iyes akiyar a ŋituŋa kaŋ nai kidarito ŋina kus a?

Mika 7:2

Adaun anakwap ŋituŋa ŋulu enupito Akuj, adaun ipei daŋ ŋini iyookino ŋini eriŋa eyari; iwarito ŋituŋa daadaŋ akiar, iwuarit ŋinituŋanan akiar ituŋanan keŋ pei.

Yoa. 15:25

Apotu ŋun kitiyakin, ikotere kiyookinotor ŋuna igiritae Lokisila kec ebe, ‘Apotu ikes eketidiŋa ayoŋ koŋin.’

1 Sam. 12:3

Ayoŋ lo! Tolimutu alokiŋaren Ekapolon ka alokiŋaren eseuna keŋ ŋakiro ŋuna etiyat ayoŋ ŋuna aronok. Ŋae abu ayoŋ odema emoŋ? Ŋae abu ayoŋ odema esigirya? Ŋae idio abu ayoŋ omodiya ibore idio? Ŋae abu ayoŋ otiŋ ka aronis? Ŋae idio abu ayoŋ ocamu akainakini ayoŋ akaluŋuluŋut, ikotere emyek iŋes? Ani ketiyat ayoŋ ŋun ŋadi, tolimokinae ayoŋ, ikotere okotacak ayoŋ iyes.”

1 Sam. 18:27

tonyou Daudi, torukosi ka ajore keŋ, toara Ŋipilistin ŋamiae ŋaarei, yau ŋamunyin kec, inak erwosit ekimar ŋolo abala iŋes yautu ikotere eruwor Daudi ekamuran keŋ. Aŋun, abu Saul inak nakoku keŋ Mikal neni a Daudi toruwor aberu keŋ.

1 Sam. 23:14

Torubak Daudi iboi anaguriguryo anaturukanin a ŋuna aya naloŋisat ŋina ka akwap a ŋina anyaritae Sip, a ŋina alalak ŋikamukumukui. Abu Saul tolomak akiwarit Daudi a ŋinakoloŋit, nai abu Akuj nyimyek Saul toryamu Daudi.

1 Sam. 23:23

Toripa ŋakiboisyo daadaŋ toyenut neni eŋopenenea iŋes, ido toboŋut neni kaŋ iyakatar ŋakiro ŋuna a kire. Apedori nai ayoŋ arukor ka iyes; ani keriŋa iŋes eyai nen, ewari ayoŋ iŋes natekerin a Yudaya daadaŋ.”

1 Sam. 25:28

Ekemaimai ayoŋ iyoŋ ikisyon ayoŋ aketiyan kon ŋuna etiyat eroko; anerae ayeni ayoŋ atemar itoropari Ekapolon apukan kon ekapolon kaŋ aŋuna ijio iyoŋ aŋuna ke Ekapolon. Nyitiya aronis apei daŋ ŋirwa daadaŋ ŋulu iyarya iyoŋ.

1 Sam. 26:18

Torubak Daudi irworo, kiŋit iŋes tema, “Kaanukiro iwaritor iyoŋ ekapolon kaŋ eketiyan kon? Anukiro etiyat ayoŋ? Anironis etiyat ayoŋ ekemanitere?

1 Sam. 26:20

Aŋun nai, nyikimyek ayoŋ akaarakinio nalup nu ŋuna elwaka aneni eyai Ekapolon; anerae ebunit erwosit a Ŋisirael ne akiwarit ayoŋ ca bon, lopite ŋolo irikaa ituŋanan abilikeret alokamukumukui.”

1 Sam. 26:23

Einanakini Ekapolon ŋinituŋanan eropit keŋ aŋuna eraakar ituŋanan ŋin ŋini iyookino ka ŋini ikinyoma; anerae abu Ekapolon nakoloŋit na ikipotok iyoŋ neni kaŋ, nai abu ayoŋ nyekyaa akan kaŋ okoar iyoŋ ŋolo erae Ekapolon abu itoseu.