1 Sam. 23:4 - Ebaibul

⁴ Kiŋit nai nabo Daudi Ekapolon ŋuna emaikina iŋes kitiya. Toboŋok Ekapolon iŋes tema, “Ee, ape totiyaar Keila; anerae epotokini ayoŋ Ŋipislitin napedor kon.”

1 Sam. 23:4 Iomraidhean Croise

2 Sam. 2:1

Ekaku ke eete a ŋol, abu Daudi kiŋit Ekapolon ŋuna emaikina iŋes kitiya tema, “Alosi ba etipeiyo lotaun a Yudaya edio?” Toboŋok Ekapolon iŋes tema, “Kitipeiyo.” Kiŋit Daudi iŋes tema, “Lotaun ali etipeiyori?” Toboŋok Ekapolon tema, “Ape Eburon.”

2 Sam. 5:19

Kiŋit Daudi Ekapolon ŋuna emaikina iŋes kitiya tema, “Alosi ba etipeiyo esiiryak Ŋipilistin? Ipedori iyoŋ ajalakin ikes neni kaŋ a?” Toboŋok Ekapolon Daudi tema, “Ape kitipeiyo; anerae akajalakini ayoŋ iyoŋ ikes.”

2 Ŋirw. 3:18

Erae ŋun ŋakiro ŋuna epataka aneni ke Ekapolon, ebuni daŋ iŋes akipotokin akwap a Moab nakan kus.

1 Ŋakiro a ŋirwa 14:10

Kiŋit Daudi Akuj ŋuna emaikina iŋes kitiya tema, “Alosi ba etipeiyo esiiryak Ŋipilistin? Ipedori iyoŋ ajalakin ikes neni kaŋ a?” Toboŋok Ekapolon Daudi tema, “Ape, kitipeiyo; anerae akajalakini ayoŋ iyoŋ ikes.”

Yos. 8:7

emaikina iyes tokuraun aneni iurumikinitotor etaun, kikamasi etaun. Ebuni Ekapolon ŋolo erae Akuj kus ainakin etaun nakan kus.

Ŋikat. 6:39

Tema nai Gideon neni ke Ekapolon, “Nyikiŋoik ca ayoŋ Ekapolon, kimyekinae erworik nabo apei bon kimyekinae ayoŋ eŋolik ŋace anajul a ŋamesekin, kimyek nyikopik ŋajul a ŋamesekin, nai toyakaun ŋakopi nawae nenice daadaŋ.”

Ŋikat. 7:7

Tolimok Ekapolon Gideon tema, “Akaiuni ayoŋ iyes ka akainakini iyoŋ kilou Ŋimidian irukito ka ŋikilyok ŋamiae ŋauni ŋulu apotu tomata ŋakipi ilwakilwakete. Kimyek ŋikilyok ŋuluce daadaŋ toboŋosi lorerya kec.”

Ŋikat. 7:9

Akoloŋit ŋinapei ŋin nakwaare, abu Ekapolon tolimok Gideon tema, “Tonyou, tolot kitijik Ŋimidian anakibois kec, anerae adau ayoŋ akipotokin ikes napedor kon.

1 Sam. 10:22

Aŋun, apotu ŋituŋa kiŋita Ekapolon nabo temasi, “Adolu mono ekile ŋol ne a?” Toboŋok Ekapolon tema, “Ee, eŋopit iŋes alogogoso.”

1 Sam. 23:2

Kiŋit Daudi Ekapolon tema, “Alosi ba etijik Ŋipilistin ŋul?” Toboŋok Ekapolon tema, “Ee, ape kitijik Ŋipilistin, toiu Keila.”

1 Sam. 23:3

Nai temasi ŋikajiok ŋulu arukito ka Daudi neni a Daudi, “Ikikuryaka sek iwon a ne alo Yudaya. Etyauni nai akuryanu yok ai, erae kikilot iwon Keila akitijiore ajore a Ŋipilistin?”

1 Sam. 23:5

Aŋun, apotu Daudi ka ŋikajiok ŋulu arukioto ka iŋes toloto Keila, tojioto ka Ŋipilistin, toremut ŋaatuk a Ŋipilistin. Toara ata Daudi Ŋipilistin ŋulu alalak nooi, toiut ŋituŋa a Keila.

1 Sam. 28:6

Ani iŋisi Saul Ekapolon ŋuna emaikina iŋes kitiya, abu Ekapolon nyeboŋok iŋes, kerae anakirujaeta, kori anakilamilam ka adio, kori alokadwaran ke edio.

1 Sam. 30:8

Kiŋit nai Daudi Ekapolon ŋuna emaikina iŋes kitiya tema, “Atupakini ba ŋimoe ŋulu keremete ne? Apedori ayoŋ arukaun ikes a?” Toboŋok Ekapolon iŋes tema, “Totupak; anerae kire jik, irukauni iyoŋ ikes ka kire jik, inyakuni iyoŋ ŋituŋa ŋulu erikitoe.”