1 Sam. 23:13 - Ebaibul

¹³ Aŋun, apotu Daudi ka ŋikajiok ŋulu arukito ka iŋes ŋulu aapiyarit ekimar ŋamiae ŋakanikapei, torotokis alo Keila, ido apotu torubakis elosete anakibois ka apei tari ŋinace. Ani iirari Saul atemar arotoki Daudi alo Keila, abu nyelot nen.

1 Sam. 23:13 Iomraidhean Croise

2 Sam. 15:18

Kimyekis tolunyar mono ŋikapolok daadaŋ ŋulu epukatotor erwosit ka Ŋikeresi daadaŋ, Ŋipelesi daadaŋ ta Ŋigitaiti daadaŋ ŋamiae ŋakanikapei ŋulu arukunete ka Daudi alo Gas. Tolunyar ŋituŋa ŋul daadaŋ alokiŋaren erwosit.

2 Sam. 15:20

Ariŋa iyoŋ bien idoluni ne, ido ekokini ayoŋ akacamakini iyoŋ apaki na alosit ka isua neni daadaŋ alosi ayoŋ ai? Toboŋo, kinyaka ŋiyeneta kon. Elipi ayoŋ Ekapolon itominak iyoŋ a amina keŋ a ŋina nyiryaŋiryaŋa, toruwor ŋolo ikinyoma aneni kon.”

Yob 5:12

Emunaanari Akuj ŋuna eyeete ŋirakaanotin, ikotere nyeryamut ibore idio.

Ŋikiru. 34:5

Ikes ŋulu ikinyomito Ekapolon elelyanete nooi, mam jik ŋileec eryamunete ikes.

1 Sam. 22:2

Apotu ŋituŋa daadaŋ ŋulu aryamunito ŋican ka ŋulu ayakatar ŋamicae ta ŋulu akadakinit ekiboiye, kimorikinos ka Daudi; toruwor Daudi ekarikon kec. Arae ikes ŋituŋa ŋulu aapiyarit ekimar kec ŋamiae ŋaomwon.

1 Sam. 25:13

Tema Daudi neni a ŋikajiok a ŋulu arukito ka iŋes, “Tonapa ŋileŋya kus!” Aŋun, abu ŋinituŋanan tonap ekileŋ keŋ, tonap nai Daudi daŋ ŋolo keŋ. Torotokis Daudi ka ŋikilyok ŋulu aapiyarit ekimar ŋamiae ŋaomwon, kidoŋo ŋamiae ŋaarei akitere ŋiboro.