1 Sam. 23:10 - Ebaibul

¹⁰ Kilip Daudi tema, “Okoe Ekapolon, Akuj a Ŋisirael, adau ayoŋ eketiyan kon akiirar atemar ecamit Saul abunore ne Keila; amunyar etaun lo aŋuna ekemanitor iŋes ayoŋ.

1 Sam. 23:10 Iomraidhean Croise

Akisy. 18:24

Ani mono keyakasi ŋituŋa ŋatomonikan ŋulu iyookino lotaun ŋol; imunyari mono iyoŋ akibois daadaŋ, nyisyoni iyoŋ iŋes aŋuna a ŋituŋa a ŋatomonikan a ŋulu iyookino alotooma etaun ŋol a?

Esta 3:6

Nai ani eyenuni iŋes ŋituŋa a Moridekai, abu nyiman akiar Moridekai bon. Akilo abu Aman kiwar erot ŋolo emunyarya ŋituŋa a Moridekai daadaŋ, Ŋiyudayan ŋulu ayakasi nakwap ŋina epukat Ausero.

Ŋakit. 28:15

Ituŋanan ŋini aronon ŋini ipukat ŋikulyak, ikoni eŋatuny ŋolo irurumae, kori ityaŋ ŋini adedeŋan ŋini eresiyara.

1 Sam. 22:19

Toar daŋ Doeg ibore daadaŋ ŋini ayai Nob, lotaun ŋolo a ŋisacaradotin: Ŋikilyok, ŋaberu, ŋidwe, ŋiŋwea, ŋaatuk ka ŋisigirya ta ŋamesekin.

1 Sam. 23:11

Etiyaun mono kire Saul ne ikwapei eirarya ayoŋ eketiyan kon a? Okoe Ekapolon Akuj a Ŋisirael, akadyekit ayoŋ iyoŋ, toboŋokinoe ayoŋ eketiyan kon.” Toboŋok Ekapolon tema, “Ee, etiyaun, ebuni ne.”

1 Sam. 23:8

Tonyarau Saul nai ŋajorei keŋ daadaŋ alosit lojie, atiyaar Keila akirikaun Daudi ka ŋikajiok ŋulu arukito ka iŋes.

1 Sam. 23:9

Ani eyenuni Daudi atemar itemonokin Saul akitiya aronis neni keŋ, tema neni ka Abiasar a esacaradoti, “Yau arapet laalo.”