1 Sam. 22:8 - Ebaibul

⁸ Ŋakiro ŋun mono iŋes itukotor iyes aŋuna kaŋ a? Mam ipei daŋ kus ŋini akalimoki ayoŋ atemar acamunosi lokoku kaŋ ka lokoku a Yese, mam ipei daŋ kus ŋini akamina ayoŋ, kori ŋini akalimoki ayoŋ atemar ecoco lokoku kaŋ eketiyan kaŋ Daudi akiman ayoŋ, ido iwarit epite ŋolo akaarya ayoŋ, itiyae iŋes ŋun tari nakoloŋit na.”

1 Sam. 22:8 Iomraidhean Croise

2 Ŋirw. 6:11

Apotu ŋakiro ŋun kisiilo nooi erwosit ŋolo ka Aram, aŋun, tonyarau iŋes ŋikarikok a ŋasigarya keŋ kiŋit tema, “Tolimokinae ayoŋ, ŋae alokidiŋ yok eriito ka erwosit a Isirael?”

Yob 33:16

ŋapakio ŋun ikes eŋaarya Akuj ŋaki a ŋituŋa, ido tolimok ikes ŋakiro ŋuna etubulok ŋuna nyecamit ŋituŋa kiwuapa;

1 Sam. 18:1

Ani edauni Daudi erwor ka Saul, kisupa Yonasan Daudi, tominak lopite ŋolo amininia iŋes bon.

1 Sam. 18:3

Tocamunos nai Yonasan ka Daudi, anerae abu Yonasan tominak Daudi lopite ŋolo amininia iŋes bon.

1 Sam. 20:2

Tema Yonasan, “Nyiryamasi ka ŋuna! Nyitwani iyoŋ, mam ibore itiyakini papa kaŋ kepol, kori kedit pa akalimokinit ayoŋ. Kaanukiro nai imunonia iŋes ŋakiro ŋun aneni kaŋ? Nyepedor ŋun!”

1 Sam. 20:42

Tema nai Yonasan neni a Daudi, “Ape ke ekisil, anerae adaun iwon akikoŋ neni a ŋinice alokiro a Ekapolon, ikitema ebe, ‘Ekapolon iŋes eruwor esuuda kaŋ ka iyoŋ ka esuuda a ŋipapae kaŋ ka ŋipapae kon ŋikaru ka ŋikaru.’ ” Tonyou nai Daudi torotok; toboŋo Yonasan lotaun.

1 Sam. 20:8

Aŋun, kitiya ŋuna ka arimao neni kaŋ a eketiyan kon, idau iyoŋ alokiŋaren Ekapolon acamun ka ayoŋ eketiyan kon. Ani kasecit ayoŋ, toarae iyoŋ ayoŋ; kaanukiro ikirikorya iyoŋ ayoŋ neni a papa kon?”

1 Sam. 22:13

Kiŋit Saul iŋes tema, “Kaanukiro itukitor iyoŋ akiar ayoŋ, iyoŋ kaapei ka lokoku a Yese? Kaanukiro iinakinia iyoŋ iŋes ŋamugati ka ekileŋ, ido ibu iyoŋ kiŋit Ekapolon ŋakiro ŋuna emaikina Daudi kitiya? Aŋun, akaremokin iŋes ayoŋ, ido iwarit epite ŋolo akaarya ayoŋ, itiyae iŋes ŋun tari nakoloŋit na.”

1 Sam. 23:21

Tema Saul neni kec, “Ikiterereŋ Ekapolon iyes aŋuna ka amina kus neni kaŋ.