1 Sam. 22:6 - Ebaibul

⁶ Akoloŋit apei, aponi tolimokinae Saul atemar aripun neni eyai Daudi ka ŋikajiok ŋulu arukito ka iŋes. Apaki ŋin, eboi Saul alo Gibea alokwap ekitoe ŋolo esibit ekwaakwaa, ŋolo ayai kidiama emukura. Atiŋit iŋes akwara keŋ, ido awuasi ŋiketiyak keŋ a nen erimokinito iŋes kidiŋ.

1 Sam. 22:6 Iomraidhean Croise

Akisy. 21:33

Todupak Aburaam ekitoe ŋolo ikwaan ka ekwaakwaa Beeriseba, ido tonyara a nen ekiro ŋolo ke Ekapolon, Akuj ŋina a ŋikaru ka ŋikaru.

Ŋikat. 4:5

Anait iŋes akiboi alokwap edukanit ŋolo anyaritae edukanit a Debora. Ayai edukanit ŋol kidiŋ Rama ka Besel anakwap a ŋina a ŋikamukumukui a ŋina a Epuraim. Aponeneete Ŋisirael neni a Debora atubokino ŋakiro kec.

1 Sam. 14:2

Apaki ŋin, eboi Saul alokiŋa Gibea alokwap ekitoe ŋolo a ŋaraito ŋolo esibit ekacikicikit. Ayai ekitoe ŋol neni anyaritae Migiron. Arukito iŋes a nen ka ŋikilyok ŋulu aapiyarit ekimar ŋamiae ŋakanikapei,

1 Sam. 18:10

Akoloŋit ŋina atupakini ŋin, abu etau ŋolo aronon aneni ka Akuj bu neni a Saul egogoŋ nooi, kisyak iŋes akirworo bon ecela alokidiŋ akai keŋ. Apaki ŋin, abolya Daudi agita, lopite ŋolopei sek abolyaa a ŋinakoloŋit, ido atiŋit Saul apaki ŋin akwara keŋ;

1 Sam. 19:9

Apaki ŋin, bu aneni ke Ekapolon etau ŋolo aronon toloma neni a Saul apaki ŋina eboiyo iŋes alokai keŋ etiŋit akwara keŋ. Abolya Daudi ibore ŋini eore apaki ŋin.

1 Sam. 20:33

Toremo Saul akwara keŋ neni a Yonasan ecamit akiar, toyenu Yonasan atemar ecamit papa keŋ akiar Daudi.

1 Sam. 31:13

Kidepasi nai ŋakoyo kec, tonukakis Yabes, kwap ekitoe ŋolo esibit ekwaakwaa, ido kiredakis akiron ŋirwa ŋikanikaarei.