1 Sam. 22:17 - Ebaibul

¹⁷ Tema erwosit neni a ŋasigarya keŋ a ŋuna erimokinito iŋes kidiŋ, “Apesi toara ŋisacaradotin a Ekapolon, anerae ariwo ikes daŋ ka Daudi; ayenete ikes atemar asii Daudi, nai nyelimokina ikes ayoŋ ŋun.” Nai apotu ŋiketiyak a erwosit ŋul nyear ŋisacaradotin a Ekapolon.

1 Sam. 22:17 Iomraidhean Croise

2 Sam. 15:1

Ekaku a ŋakiro a ŋun, abu Abusalom tolemu aŋuna keŋ agaari ka ŋaŋolei ta ŋikilyok ŋatomonikan ŋulu eŋarenikinete iŋes.

1 Ŋirw. 1:5

Apaki ŋin, abu Adoniya lokoku ka Agis kitopoloor bon tema, “Ayoŋ aruwwor erwosit;” abu kitemok aŋuna keŋ ŋikametok ŋaŋolei ta ŋikilyok ŋatomonikan ŋulu iŋarenikinete iŋes.

1 Ŋirw. 14:27

Aŋun, abu erwosit Reoboam kitiyau ŋaupala ŋace, a eburonis kilunyok neni a ŋuna aponi tolemarae; inak iŋes ŋun neni a ŋulu apolokinito ŋulu eteete ŋipukei a akai ke erwosit.

1 Ŋirw. 18:4

Apaki ŋina aarya Yesebel ŋikadwarak ŋulu ke Ekapolon, keris Obadia keya ŋikadwarak amiat kiwua anaturukanin a ŋaarei, ŋatomonikan a ŋinaturukan, inanari ikes ŋamugati ka ŋakipi a nen.)

2 Ŋirw. 10:25

Ŋinapei erikakinia Yeu ainakin ŋainakineta ŋuna epeyo, tolimok ŋasigarya keŋ ka ŋikapolok a ŋasigarya tema, “Tolomutu toara ikes alotooma; nyilakakis ebucar tari ipei.” Aponi toarae ŋikelipak a Baal daadaŋ. Tosodo ŋirukitos a Yeu kiriyaasi ŋawat kec nariet. Ani irikakin, tolomasi nagule ŋina etopolooritae alokai a Baal.

Awos. 1:17

Nai akerito ŋaberu ŋun Akuj, ido apotu nyitiyata ŋuna abala erwosit a Ijipit ikes kitiyata; apotu kimyekis ŋidwe ŋulusapa toyara.

Ŋitic. 4:19

Nai toboŋokis Petero ka Yoana temasi, “Totubutu iyes ŋilopeyek ŋuna iyookino alokiŋaren Akuj--akiwuap ŋakiro kus kori ŋuna ka Akuj.

1 Sam. 14:45

Nai kiŋita ŋituŋa Saul temasi, “Etwani mono kire Yonasan ŋolo ayau aiuno na ŋina apolon neni a Ŋisirael a? Toriwo ŋun aneni keŋ! Ikikoŋi isua alokiro ke Ekapolon a ŋolo eyari atemar mam tari etimat epei ŋolo edotor anakou keŋ min kwap; anerae etiyat iŋes ŋun anakiŋarakinet a ŋina ka Akuj nakoloŋit na.” Aŋun, apotu ŋituŋa toiut Yonasan, ido abu nyetwana.

1 Sam. 2:31

Kiira, ebunit apaki ŋina alemarya ayoŋ agogoŋu kon ka ŋina a ekal a papaa kon, ikotere emamukaun ituŋanan emojoŋi alotuŋa a ekal kon.

1 Sam. 20:33

Toremo Saul akwara keŋ neni a Yonasan ecamit akiar, toyenu Yonasan atemar ecamit papa keŋ akiar Daudi.

1 Sam. 22:13

Kiŋit Saul iŋes tema, “Kaanukiro itukitor iyoŋ akiar ayoŋ, iyoŋ kaapei ka lokoku a Yese? Kaanukiro iinakinia iyoŋ iŋes ŋamugati ka ekileŋ, ido ibu iyoŋ kiŋit Ekapolon ŋakiro ŋuna emaikina Daudi kitiya? Aŋun, akaremokin iŋes ayoŋ, ido iwarit epite ŋolo akaarya ayoŋ, itiyae iŋes ŋun tari nakoloŋit na.”

1 Sam. 22:16

Toboŋok erwosit tema, “Aimelek, kire jik, emaikina iyoŋ totwana, iyoŋ ke ekal a papa kon daadaŋ.”

1 Sam. 25:17

Totamatama mono iyoŋ tokona, ido toanyu ŋuna kitiyakina, anerae atubut ŋituŋa akitiya aronis neni a ekapolon yok ka neni a ŋituŋa a ekal keŋ daadaŋ. Erae ekapolon yok ituŋanan ŋini aronon, ŋini emam nyepupi ŋakiro a ŋituŋa a ŋuluce.”

1 Sam. 8:11

Tema neni kec, “Eruwor lu ŋipitesyo a erwosit a ŋolo ikipukae iyes: Eai iŋes ŋidwe kus ŋulusapa kituruwo ikes ŋiketiyak nagaari keŋ ka ŋice ŋikametok ŋaŋolei keŋ. Eruwor ikes ŋikakerak alokiŋaren ŋagaari a erwosit.