1 Sam. 22:16 - Ebaibul

¹⁶ Toboŋok erwosit tema, “Aimelek, kire jik, emaikina iyoŋ totwana, iyoŋ ke ekal a papa kon daadaŋ.”

1 Sam. 22:16 Iomraidhean Croise

1 Ŋirw. 18:4

Apaki ŋina aarya Yesebel ŋikadwarak ŋulu ke Ekapolon, keris Obadia keya ŋikadwarak amiat kiwua anaturukanin a ŋaarei, ŋatomonikan a ŋinaturukan, inanari ikes ŋamugati ka ŋakipi a nen.)

1 Ŋirw. 19:2

Aŋun, abu Yesebel kiyakiya ituŋanan neni ke Eliya alimokin iŋes ebe, “Elipi ayoŋ ekesican ayoŋ ŋakujo, nai nooi, erae pa kesikwaanik ayoŋ akiyar kon ka ŋina a ekadwaran a epei a ŋul moi taparacu esaa lopei lo.”

Esta 3:6

Nai ani eyenuni iŋes ŋituŋa a Moridekai, abu nyiman akiar Moridekai bon. Akilo abu Aman kiwar erot ŋolo emunyarya ŋituŋa a Moridekai daadaŋ, Ŋiyudayan ŋulu ayakasi nakwap ŋina epukat Ausero.

Ŋakit. 28:15

Ituŋanan ŋini aronon ŋini ipukat ŋikulyak, ikoni eŋatuny ŋolo irurumae, kori ityaŋ ŋini adedeŋan ŋini eresiyara.

Dan. 2:12

A ŋakiro a ŋun, abu erwosit tolili nooi tolimu atemar tomunyarae ŋikaosok daadaŋ anakwap a Babilon.

Dan. 2:5

Tolimok erwosit ikes tema, “Adau ayoŋ atubun ŋakiro nu: Ani pa kikilimokis iyes ayoŋ ŋuna abu eruja ka pa kikisileerekis apolou a ŋakiro a ŋuna erujat ayoŋ, etubutubuyo ŋakejen kus ka eritakinio ŋakais kus kwap.

Mat. 2:16

Ani eanyuni Erode atemar amodikis ŋikaosok iŋes, tonyunyurikin nooi, kiyakiya ŋisigarya keŋ Betelem ka akwap ŋin daadaŋ akiar ŋidwe ŋulusapa daadaŋ, ŋulu adolito ŋikaru kec ŋiarei ka ŋulu ariŋa ŋikaru kec nyedolo ŋiarei. Kitiya iŋes ŋun itamakina napaki ŋina kiŋitunit iŋes ejok alokaosok.

Ŋitic. 12:19

Abu Erode tolimu atemar toripiripai nooi ŋakiro a Petero, nai nyeryamut ikes iŋes. Aŋun, abu kiŋitiŋit ŋisigarya ŋulu eteok mabus, ido tolimu atemar toarae ikes. Tolot nai Erode alo Yudaya tari Kaisaria, kiboi aina ŋirwa ŋidi.

Ŋikis. 24:16

Nyemaikina akiar ŋikauruunak aŋuna a ŋidwe kec, kori akiar ŋidwe aŋuna a ŋikauruunak kec, nai earyo ŋinituŋanan aŋuna a ŋadyakanareta keŋ a ilope.

1 Sam. 14:44

Tema Saul, “Kitiya Akuj neni kaŋ, tari kerae ŋuna aronok nooi daŋ, erae kire jik pa kitwana iyoŋ Yonasan.”

1 Sam. 20:31

Nyiyeni iyoŋ atemar ani ca eriŋa lokoku a Yese eyari anakwap a na, nyiruwor iyoŋ erwosit ka nyerubakini apukan kon a? Kiyakiya tokona ituŋanan yau iŋes, anerae emaikina totwan.”

1 Sam. 22:15

Akoloŋit mono ŋin esyakinia ayoŋ akiŋit Ekapolon ŋakiro ŋuna emaikina Daudi kitiya a? Meere ikwaŋina! Erwosit, nyisitak eketiyan kon, kori ituŋanan idio alokal a papa kaŋ, anerae mam ŋakiro ŋadi daŋ eyeni eketiyan kon anakiro a ŋun a daadaŋ.”

1 Sam. 22:17

Tema erwosit neni a ŋasigarya keŋ a ŋuna erimokinito iŋes kidiŋ, “Apesi toara ŋisacaradotin a Ekapolon, anerae ariwo ikes daŋ ka Daudi; ayenete ikes atemar asii Daudi, nai nyelimokina ikes ayoŋ ŋun.” Nai apotu ŋiketiyak a erwosit ŋul nyear ŋisacaradotin a Ekapolon.