1 Sam. 22:12 - Ebaibul

¹² Tema Saul, “Kiira ŋakiro nu iyoŋ lokoku ka Aitub.” Toboŋok Aimelek tema, “Apupi ayoŋ ekapolon kaŋ.”

1 Sam. 22:12 Iomraidhean Croise

2 Sam. 1:7

Ani iŋoliuni Saul kaku, ekeŋolik ayoŋ, ido okonyar ayoŋ. Abu ayoŋ ei otema, ‘Ayai ekapolon.’

2 Sam. 9:6

Ani ebuni Mepiboses lokoku a Yonasan a ŋolo arae lokoku a Saul neni a Daudi, Kijuuru alokiŋaren Daudi itopoloorit Daudi. Tonyara Daudi iŋes tema, “Mepiboses!” Toboŋok iŋes tema, “Ayai, ayoŋ lo eketiyan kon.”

Isa. 65:1

Abu ayoŋ etoodiun neni a ŋulu pa ekeitanito ayoŋ; apotu ŋulu pa ekewarito ayoŋ okoryamut ayoŋ. Abu ayoŋ otema neni kec, “Ayai ayoŋ ne, ayai ayoŋ ne.”

1 Sam. 22:11

Kiyakiya nai erwosit ituŋanan anyaraun Aimelek lokoku ka Aitub ka ŋituŋa a ekal a papa keŋ daadaŋ ta ŋisacaradotin ŋulu alo Nob. Potu ŋituŋa ŋul daadaŋ neni a erwosit.

1 Sam. 22:13

Kiŋit Saul iŋes tema, “Kaanukiro itukitor iyoŋ akiar ayoŋ, iyoŋ kaapei ka lokoku a Yese? Kaanukiro iinakinia iyoŋ iŋes ŋamugati ka ekileŋ, ido ibu iyoŋ kiŋit Ekapolon ŋakiro ŋuna emaikina Daudi kitiya? Aŋun, akaremokin iŋes ayoŋ, ido iwarit epite ŋolo akaarya ayoŋ, itiyae iŋes ŋun tari nakoloŋit na.”

1 Sam. 22:7

Kiŋit Saul ŋiketiyak keŋ ŋulu erimokinito iŋes kidiŋ ŋul tema “Kiirasi tokona ŋakiro nu iyes ŋituŋa a Benjamin; epedori mono lokoku a Yese ainakin iyes ŋimanikorin ŋulu a ŋikinyom ka ŋulu ke epiini daŋ a? Epedori mono iŋes akituruwor iyes daadaŋ ŋikarikok a ŋajorei a ŋuna eyakasi ŋikilyok ŋalipyo ka ŋuna eyakasi ŋikilyok ŋamiae a?