1 Sam. 20:8 - Ebaibul

⁸ Aŋun, kitiya ŋuna ka arimao neni kaŋ a eketiyan kon, idau iyoŋ alokiŋaren Ekapolon acamun ka ayoŋ eketiyan kon. Ani kasecit ayoŋ, toarae iyoŋ ayoŋ; kaanukiro ikirikorya iyoŋ ayoŋ neni a papa kon?”

1 Sam. 20:8 Iomraidhean Croise

Akisy. 24:49

Tokona nai, ani kipedori akitiya neni a ekapolon kaŋ anakereru ka anakiyookino, tolimokinae, ani pa kipedori, tolimokinae, ikotere ayenuni ŋuna emaikina ayoŋ etiya.”

Akisy. 47:29

Ani eapuuni Isirael atwanare, tonyarau lokoku keŋ Yosepu, tema neni keŋ, “Ani karae ayoŋ ŋolo ajok aneni kon, kiwuak akan kon kwap amuro kaŋ, ido kikoŋ akitiya ikitopoloorit ayoŋ ka iyookino aneni kaŋ. Nyinuka akuwan kaŋ Ijipit.

2 Sam. 14:32

Toboŋok Abusalom Yoab tema, “Kiira, abu ayoŋ eyaku ituŋanan neni kon alimokin iyoŋ ebe, ‘Bua laalo, ikotere ekeyakiya ayoŋ iyoŋ neni a erwosit kiŋit iŋes ŋakiro nu: Kaanukiro ekenyakunere ayoŋ alo Gesur? Kejok aneni kaŋ kerae toriŋa ayoŋ ayai ama.’ Kimyekinae ayoŋ tokona olot neni a erwosit, ani keyai aronis etiyat ayoŋ, itemokino iŋes okoar ayoŋ!”

1 Ŋakiro a ŋirwa 12:17

Tolot Daudi kisiryam ikes tema, “Ani kiponito iyes neni kaŋ ke ekisil, akiŋarakin ayoŋ, ekejauni ayoŋ iyes emorikinos ka ayoŋ. Nai ani kiponito iyes arikor ayoŋ neni a ŋimoe kaŋ, tomam aronis etiyat ayoŋ, elipi ayoŋ Akuj ŋina atapapaa yok kiŋolik ŋun, ido itotubok iyes.”

Ŋikiru. 116:11

Abu ayoŋ anakadakinit kaŋ otema, “Erae ŋituŋa daadaŋ ŋikalyokonok.”

Ŋakit. 3:3

Nyijamak amina ka akikinyoma, kitusub ikes eborosit ŋolo ebusan ŋolo inapit iyoŋ alodokole, kigirak ikes lotau kon.

Ŋitic. 25:11

Ani nai ketiyat ayoŋ ŋuna aronok, ŋuna itemokino otwania, nyewarit ayoŋ abucar anatwanare. Nai ani pa kiyookino ŋakiro ŋuna ekesitakinitotor ikes ayoŋ, emam ituŋanan epedori akipotokin ayoŋ neni kec. Eŋita ayoŋ ayaaro neni ke ekepukan a Roma.”

Yos. 2:14

Tolimokis ŋikilyok ŋul iŋes temasi, “Tolema Akuj akiyar kosi pa kikitiya ŋuna ikidau akiikin. Nai nyikilimo isua, ikirimaaniar isua neni kon apaki ŋina ikiinia Ekapolon isua akwap na.”

Yos. 22:22

“Akuj ŋina Etiron, Ekapolon! Akuj ŋina Etiron, Ekapolon! Iŋes bon eyeni ŋuna ikiinakis isua akitiya nu ka emaikina Ŋisirael daŋ toyenut ŋunapei ŋun. Ani kikiŋerit isua Ekapolon, kimyekinitae akiwuap ŋakiro keŋ, tomunyarae isua nakoloŋit na!

Rus. 1:8

Ani eya ikes lorot, tolimok Naomi ŋaterak keŋ ŋunaarei ŋun tema, “Toloto, toboŋo ŋinituŋanan lore a toto keŋ, ikidar Akuj iyes ka arimao, lopite ŋolo iponiata iyes kitiyata neni a ŋulu atwaka ka neni kaŋ daŋ.

1 Sam. 18:1

Ani edauni Daudi erwor ka Saul, kisupa Yonasan Daudi, tominak lopite ŋolo amininia iŋes bon.

1 Sam. 18:3

Tocamunos nai Yonasan ka Daudi, anerae abu Yonasan tominak Daudi lopite ŋolo amininia iŋes bon.

1 Sam. 20:16

Aŋun, abu Yonasan tocamunos ke ekal a Daudi tema, “Elipi ayoŋ Ekapolon tomunya ŋimoe a Daudi.”

1 Sam. 20:9

Tema Yonasan, “Nyiryamasi ca iyoŋ ka ŋun! Ani mono kerae oyenunite ayoŋ atemar ayeu papa kaŋ akitiya ŋuna aronok neni kon, pa mono kakalimokinit ayoŋ iyoŋ a?”

1 Sam. 23:18

Tocamunos ikes ŋuluarei ŋul alokiŋaren Ekapolon. Torubak nai Daudi iboi alotaun a ŋolo anyaritae Ores, ido toboŋo Yonasan lore kec.