1 Sam. 20:16 - Ebaibul

¹⁶ Aŋun, abu Yonasan tocamunos ke ekal a Daudi tema, “Elipi ayoŋ Ekapolon tomunya ŋimoe a Daudi.”

1 Sam. 20:16 Iomraidhean Croise

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

2 Sam. 21:8

Abu erwosit ya Arinoni ka Mepiboses ŋidwe ŋulusapa ŋulu a Risipa anakoku ka Aia. Arae Saul auruuni ŋidwe ŋul. Abu daŋ erwosit ya ŋidwe ŋikan ŋulusapa ŋulu anakoku a Saul a ŋina anyaritae Merab. Arae ŋidwe ŋul ŋulu auruuni Adiriel lokoku a Barisilai a ŋolo abunit alo Meola.

Yer. 40:9

Abu Gedalia lokoku ka Aikam a ŋolo arae lokoku a Sapan kikoŋ neni a ŋikarikok ka neni a ŋajorei kec tema, “Nyikuryaketa akitiyanakin Ŋibabiloniyae. Kiboiyoto anakwap yok, kitiyanakis erwosit a Babilon, mam ŋuna aronok itiyakin neni kus.

Ŋikis. 23:21

Ani kikoŋ iyoŋ neni ke Ekapolon Akuj kon, nyidid akisiyookin iŋes, anerae kire jik iitanit Ekapolon iyoŋ kisiyook ŋun, ani pa kisiyook iyoŋ ŋun, iryamuni iyoŋ ekaile ŋolo ka asecit.

Yos. 22:23

Ani kedukitoe isua Namuroet aŋuna kosi aŋeryo Ekapolon, kori aŋuna ka ainanakin Namuroet ŋin ŋainakineta ŋuna epeyo ka ŋuna a ŋikinyom, kori aŋuna ka ainanakin ŋamuronisya ŋuna ke ekisil, kimyekisi Ekapolon elope ikisican isua.

1 Sam. 18:3

Tocamunos nai Yonasan ka Daudi, anerae abu Yonasan tominak Daudi lopite ŋolo amininia iŋes bon.

1 Sam. 20:42

Tema nai Yonasan neni a Daudi, “Ape ke ekisil, anerae adaun iwon akikoŋ neni a ŋinice alokiro a Ekapolon, ikitema ebe, ‘Ekapolon iŋes eruwor esuuda kaŋ ka iyoŋ ka esuuda a ŋipapae kaŋ ka ŋipapae kon ŋikaru ka ŋikaru.’ ” Tonyou nai Daudi torotok; toboŋo Yonasan lotaun.

1 Sam. 22:8

Ŋakiro ŋun mono iŋes itukotor iyes aŋuna kaŋ a? Mam ipei daŋ kus ŋini akalimoki ayoŋ atemar acamunosi lokoku kaŋ ka lokoku a Yese, mam ipei daŋ kus ŋini akamina ayoŋ, kori ŋini akalimoki ayoŋ atemar ecoco lokoku kaŋ eketiyan kaŋ Daudi akiman ayoŋ, ido iwarit epite ŋolo akaarya ayoŋ, itiyae iŋes ŋun tari nakoloŋit na.”

1 Sam. 23:18

Tocamunos ikes ŋuluarei ŋul alokiŋaren Ekapolon. Torubak nai Daudi iboi alotaun a ŋolo anyaritae Ores, ido toboŋo Yonasan lore kec.

1 Sam. 25:22

Akuj bon itiyae ŋuna ecamit neni a Daudi, kitiya Akuj neni kaŋ erono nooi, erae kemyek ayoŋ moi taparacu ŋisaae ŋulu ka ataparacu ituŋanan a Nabal daadaŋ ŋinisapat eyari.”

1 Sam. 25:26

“Aŋun nai ekapolon kaŋ, ikwapei eyarya Ekapolon ka ikwapei iyarya iyoŋ; nabo ikwapei abunio Ekapolon ikiurya iyoŋ nyiar ka nyinyaŋ ŋimoe kon a ŋakan kon; kimyek ŋimoe kon ka ikes ŋulu iwarito akitiya aronis kikwaanikinos ka Nabal.

1 Sam. 31:2

Toditasi Ŋipilistin Saul ka ŋidwe keŋ ŋulusapa; toara ikes ŋidwe a Saul ŋulusapa lu: Yonasan, Abinadab ka Malicisua.