1 Sam. 20:13 - Ebaibul

¹³ Nai ani kecamit papa kaŋ akitiya aronis neni kon, itemokino Ekapolon kitiya aronis neni a Yonasan daŋ; nooi adepar erae pa kakalimok ayoŋ iyoŋ ŋakiro a papa kaŋ, eketisi iyoŋ tolot emam ŋace. Elipa toyai Ekapolon kaapei ka iyoŋ, lopite ŋolo ayakar kaapei ka papa kaŋ.

1 Sam. 20:13 Iomraidhean Croise

2 Sam. 19:13

Kicik Daudi ŋikiakia ŋul tema, ‘Kiŋita Amasa atemar, meere mono iyoŋ akuwan ka ŋaokot kaŋ a? Elipi ayoŋ Akuj kitiya ŋuna aronok neni kaŋ, tari daŋ kerae ŋuna aronok nooi, erae keketuruwo ayoŋ iyoŋ ekarikon a ŋasigarya kilunyokin lorot a Yoab.’ ”

2 Sam. 3:35

Ani ekaku, potu ŋituŋa daadaŋ neni a Daudi akimaima iŋes kimuj akimuj adio eriŋa apaaran. Nai abu Daudi kikoŋ tema, “Elipi ayoŋ Akuj kitiya ŋuna aronok neni kaŋ, ata keroko nooi adepar daŋ; erae keir ayoŋ amugati adio, kori idiobore daadaŋ eriŋa akoloŋ nyedoiyoro!”

2 Sam. 7:15

Nai erubakini amina kaŋ eyai neni keŋ, nyajoŋoe ayoŋ amina iŋes lopite ŋolo abunio ojoŋoo amina Saul ŋolo abu ayoŋ olema anaraakau erwosit, ikotere iyoŋ iruwor erwosit.

1 Ŋirw. 1:37

Lopite ŋolo pei ayakatar Ekapolon ka ekapolon kaŋ erwosit, elipi toyai iŋes ka Solomon, kitopoloo nooi apukan keŋ kilo ŋina a ekapolon kaŋ a erwosit a Daudi.”

1 Ŋirw. 19:2

Aŋun, abu Yesebel kiyakiya ituŋanan neni ke Eliya alimokin iŋes ebe, “Elipi ayoŋ ekesican ayoŋ ŋakujo, nai nooi, erae pa kesikwaanik ayoŋ akiyar kon ka ŋina a ekadwaran a epei a ŋul moi taparacu esaa lopei lo.”

1 Ŋirw. 20:10

Kiyakia nai Benadad akirot ace neni ka Aab tema, “Kitiyata ŋakujo neni kaŋ ŋuna aronok, nai nooi, erae kidoŋ Samaria ibore idio ŋini ilelebun tari akan, ŋini eryamuni ŋinituŋanan aŋasigarya kaŋ.”

1 Ŋakiro a ŋirwa 22:11

Tokona ikoku kaŋ, toyai Ekapolon ka iyoŋ, ikotere ipedori akiduk Akai ke Ekapolon Akuj kon, lopite ŋolo adaunia iŋes alimun aŋuna kon.

1 Ŋakiro a ŋirwa 22:16

Iyakar iyoŋ ŋiketiyak ŋulu eyenete akitiya isitiyaete, egolid, esilipa, eburonis ka ŋasuwa. Togeu tokona etic, toyai Ekapolon ka iyoŋ.”

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Ŋipil. 4:9

Kitiyata ŋuna ipotu iyes kisisaut ka kijaut ka toanyut aneni kaŋ. Eyakaun neni kus Akuj ŋina erae alope ekisil.

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.

Rus. 1:17

Neni itwanikini iyoŋ, atwanikini ayoŋ ka nen iŋes akanukakinio ayoŋ. Aŋun, ekoŋi ayoŋ kitiya Akuj neni kaŋ erono erae kikityak iwon ibore ice pa kerae atwanare.”

1 Sam. 10:7

Ani nai etakanunete ŋakiro ŋun neni kon, kitiya ŋuna ikilimokini iyoŋ Akuj akitiya, anerae eyai Akuj kaapei ka iyoŋ.

1 Sam. 14:47

Ani kedau Saul aruwor erwosit alo Isirael, abu kitiji ŋimoe a Ŋisirael alowaetin a Isirael a daadaŋ, kitiji ŋituŋa lu: Ŋimoabi, Ŋiamoni, Ŋiedomi, Ŋirwosi ŋulu a Soba ka Ŋipilistin. Ewae daadaŋ ŋolo abu iŋes tolot akitijiore ŋimoe keŋ, abu Saul toreu ŋimoe keŋ.

1 Sam. 17:37

Tema Daudi, “Akaiuni ayoŋ Ekapolon anakan a Epilistait a ŋol lopite ŋolo abunio okoiunia ayoŋ alomoyo a eŋatuny ka alomoyo a etyaŋ ece a ŋolo adedeŋan.” Aŋun, tema Saul neni a Daudi, “Ape, toyai Ekapolon kaapei ka iyoŋ.”

1 Sam. 18:12

Tokuryaniar Saul aŋuna a Daudi, anerae ayai Ekapolon kaapei ka Daudi, ido aris Ekapolon keŋer Saul.

1 Sam. 19:3

Alomari ayoŋ kiŋa, owo alodiyete papa kaŋ alomanikor aneni iŋopitor iyoŋ, ido esirwor iŋes aŋuna kon, ani keya ŋakiro ayenuni ayoŋ aneni keŋ, abuni ayoŋ okolimok iyoŋ.”

1 Sam. 20:12

Tema Yonasan neni a Daudi, “Ekapolon Akuj a Ŋisirael iŋes eruwor esuuda a ŋakiro a nu, moi taparacu esaa lopei lo, kori akoloŋit ŋina etupakini moi taparacu alimokini ayoŋ papa kaŋ ŋakiro kon, ani kemam ŋuna ikitakadakinitor iŋes iyoŋ, eyakuuni ayoŋ ituŋanan neni kon itolimok iyoŋ ŋakiro.

1 Sam. 20:14

Ani eriŋa ayoŋ ayari, kitoodiu neni kaŋ amina kon ŋina ka arimao ŋina nyedaun, ŋina ikwaan ka ŋina ke Ekapolon, ikotere nyakaari ayoŋ.

1 Sam. 25:22

Akuj bon itiyae ŋuna ecamit neni a Daudi, kitiya Akuj neni kaŋ erono nooi, erae kemyek ayoŋ moi taparacu ŋisaae ŋulu ka ataparacu ituŋanan a Nabal daadaŋ ŋinisapat eyari.”

1 Sam. 3:17

Kiŋit Eli iŋes tema, “ Anukiro abu Ekapolon ikilimok iyoŋ? Nyimunon ŋakiro ŋun aneni kaŋ. Elipi ayoŋ kitiya Akuj ŋuna aronok neni kon kitiya ŋun erono nooi, erae kikimunon iyoŋ ayoŋ ŋuna abu iŋes itolimok iyoŋ.”