1 Sam. 2:8 - Ebaibul

⁸ Einanakini alakara neni a ŋulu a ŋican, einanakini alakara neni a ŋulu eyai akiitanit; ituruwonori ikes ŋikonei a ŋidwe a ŋikapolok, ido itopoloonori ikes. Erae ŋawoeta a akwap ŋuna ke Ekapolon; adau Ekapolon adukokin akwap nawoeta ŋun.

1 Sam. 2:8 Iomraidhean Croise

Akisy. 41:14

Aŋun, kiyakiya Parao ŋituŋa anyarare Yosepu, tolemunae Yosepu atipei alojera kiwonyunere. Kedau Yosepu abanyun akou ka akinap ŋilowi ŋice, bu nai kiŋaren a Parao.

Akisy. 41:40

Eruwor iyoŋ ipol alokai a ŋina ka apukan kaŋ, ido emaikina ŋituŋa kaŋ daadaŋ kiwuapa ŋakiro ŋuna ilimokini iyoŋ ikes. Erae ca aŋuna araakar ayoŋ ekepukan iŋes ekeloitor ayoŋ iyoŋ.”

2 Sam. 7:8

Aŋun nai, tolimok Daudi eketiyan kaŋ atemar, ebala Ekapolon ŋolo Etiron ebe, ‘Abu ayoŋ okolemu iyoŋ anacokor, anakiyok ŋamesekin aŋuna ka aruwor ekepukan a ŋituŋa kaŋ a Ŋisirael.

1 Ŋirw. 16:2

“Abu ayoŋ eketopoloo iyoŋ anaraakau ecaryoit, eketuruwo ekapolon a ŋituŋa kaŋ a Ŋisirael, nai iwuap iyoŋ ŋuna etiyat Yeroboam ka irikok ŋituŋa kaŋ Ŋisirael nasecit, ido ikitoŋo iyoŋ ayoŋ aŋuna a ŋasecisya kec.

2 Ŋirw. 9:6

Tonyou nai Yeu toloma tooma, tobukok ekadwaran ŋolo asorokana ŋol akimyet nakou a Yeu irworo ebala, “Ebala Ekapolon ŋolo erae Akuj a Isirael, ekeos ayoŋ iyoŋ aruwor erwosit ŋolo a ŋituŋa ke Ekapolon, erwosit ŋolo a Isirael.

Yob 1:21

Tema, “Ekedounio ayoŋ anakwap a na pa anapit idiobore ka aŋopiyari anakwap a na pa anapit idiobore, abu Ekapolon okoinak, ido enyaka Ekapolon; kipuroe ekiro ke Ekapolon.”

Yob 2:8

Abu Yob tolemu itabok tokoyo akuwan keŋ ka abu tolomak akiboi aneni amudyo ekuron.

Ŋikiru. 102:25

Koloŋo sek, ibu iyoŋ tosub akwap, ido ibu iyoŋ anapedor kon tosub nakuj.

Ŋikiru. 104:5

Ibu iyoŋ kiwuak neni ewuar akwap, ikotere nyiryaŋiryaŋakin jik.

Ŋikiru. 107:41

Nai abu Ekapolon toiu ŋulu ayakatar akiitanit alocan kec, kiyatak ŋituŋa a ŋikalya kec, tolalata ikwa ŋisipanin a ŋamesekin.

Ŋikiru. 24:2

anerae abu Ekapolon kiwuak akwap neni aonon nanamyo kiwuak akwap neni aonon kidiama ŋakipi.

Ŋikiru. 75:3

Ani emaranikini akwap ka ŋisubuna daadaŋ, ayoŋ esicasi ŋipirin ŋulu ewuar akwap.

Ŋikiru. 75:4

Abala ayoŋ neni a ŋiketurok ebe, ‘Tojoŋoto akituro jik,’ ido abala neni a ŋulu aronok ebe, ‘Tojoŋoto akitiya aronis.

Ŋikiru. 75:7

Nai Akuj bon eyakar apedor akitub ŋakiro, iŋes ituruwori ice icaryoit ka kitopoloo ice.

Ekal. 4:14

Epedori esorokit ŋolokulyakanot ka toos ŋol alomun alojera toruwor erwosit, tari daŋ sek kidounitoe alotuŋa a apukan keŋ a ŋulu ekulyakaka.

Isa. 22:23

Ewuakini ayoŋ iŋes napolou torubak eyai nen ikwa asesit, eruwor iŋes ekepukan ŋolo itopolooritae ipukat ŋiletok a papa.

Dan. 2:48

Abu nai erwosit kitopoloo Daniel, inak iŋes ŋainakineta ŋuna apolok ŋuna alalak ka kituruwo iŋes ŋolo iwuapit erwosit anapolokinit akwap ŋina a Babilon, kituruwo daŋ iŋes ekapolokiniton a ŋikaosok a daadaŋ alo Babilon.

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Dan. 6:3

Abu Daniel atipei totakan erae ŋolo ajok etic keŋ akilo ŋirukitos keŋ ŋuluarei ka ŋikapolokinitok a ŋakiboisyo, anerae ayai etau ŋolo ajokan nooi neni a Daniel, abu erwosit toyeu akiwuakin iŋes topolok akwap daadaŋ ŋina epukat erwosit.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

Akis. 1:6

Ikituruwo iŋes iwon apukan ŋina a ŋisacaradotin a ŋulu itiyaete neni ka Akuj a Papa keŋ. Toyai apolou ka apedor neni a Yesu Kristo ŋikaru ka ŋikaru! Amen.

Akis. 22:5

Nyeyakaun nabo jik akuwar ace, nyiitanete ikes ŋitaae kori akoloŋ, anerae eruwor Ekapolon Akuj akica kec ka ipukaete ikes ŋikaru ka ŋikaru.

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.

Akis. 5:10

Ituruwo iyoŋ ikes apukan a ŋisacaradotin ŋulu ka Akuj yok, ipukaete ikes akwap.”

1 Sam. 15:17

Tema Samuel, “Tari kimenen iyoŋ bon, meere mono iyoŋ irae ekarikon a ŋikabilae a Ŋisirael a? Abu Ekapolon ikiosak iyoŋ akimyet toruwor erwosit a Isirael.