1 Sam. 2:7 - Ebaibul

⁷ Ituruwonori Ekapolon ŋituŋa ŋice ŋikabarak ka ŋice ŋikulyak; ituruwonori ŋice ŋicaryo ka ŋice ŋikarwok.

1 Sam. 2:7 Iomraidhean Croise

2 Ŋirw. 9:6

Tonyou nai Yeu toloma tooma, tobukok ekadwaran ŋolo asorokana ŋol akimyet nakou a Yeu irworo ebala, “Ebala Ekapolon ŋolo erae Akuj a Isirael, ekeos ayoŋ iyoŋ aruwor erwosit ŋolo a ŋituŋa ke Ekapolon, erwosit ŋolo a Isirael.

1 Ŋakiro a ŋirwa 29:12

Neni kon eponitotor ebari ka apolou; iyoŋ ipukat ŋinibore daadaŋ. Nakan kon eyakasi agogoŋu ka apedor, akitopoloor ka ainakin agogoŋu neni a daadaŋ.

2 Ŋakiro a ŋirwa 32:27

Ayakar Esekia ebari ŋolo alalan nooi ka etopolooritae iŋes nooi. Abu iŋes todukonok neni iŋadao esilipa keŋ, egolid keŋ, ŋamoru keŋ ŋuna apol egyelit, ŋikito ŋulu ekukuny, ŋaupala ka ŋiboro keŋ ŋulu apol egyelit daadaŋ.

2 Ŋakiro a ŋirwa 32:29

Abu Esekia todukonok ŋitaunio keŋ ŋice ka abu toryamu ŋamesekin ka ŋaatuk ŋuna alalak nooi, anerae abu Akuj inak iŋes ebari ŋolo alalan nooi.

Yob 1:21

Tema, “Ekedounio ayoŋ anakwap a na pa anapit idiobore ka aŋopiyari anakwap a na pa anapit idiobore, abu Ekapolon okoinak, ido enyaka Ekapolon; kipuroe ekiro ke Ekapolon.”

Yob 40:12

Ee, kiŋolik ŋinituŋanan eturon daadaŋ kitiditeu iŋes, ido tomunya ŋituŋa ŋulu itiyaete aronis,

Yob 5:11

itopoloonori iŋes ŋulu itiditeuna bon, einanakini alelyanu neni a ŋulu igworosi.

Ŋikiru. 102:10

erae ŋun aŋuna ka anyunyura kon ka aŋoit kon, anerae ikilema iyoŋ ayoŋ, ido ikicaka.

Ŋikiru. 75:7

Nai Akuj bon eyakar apedor akitub ŋakiro, iŋes ituruwori ice icaryoit ka kitopoloo ice.

Ŋikiru. 75:8

Eŋoit Ekapolon, eŋoit iŋes nooi, eakik iŋes anyunyura keŋ neni a ŋulu aronok; esunyuak iŋes aŋoit keŋ daadaŋ neni kec.

Ŋakit. 22:2

Erae nu ŋuna eyakatar ŋikabarak ka ŋikulyak: Ekapolon iŋes erae ekasuban kec a daadaŋ.

Isa. 2:12

Eyakar Ekapolon ŋolo etiron akoloŋit aŋuna a ŋulu iturosi ka aŋuna a ŋulu itopolooro; ta aŋuna a ŋinibore a daadaŋ ituritoe,

Yer. 49:15

Eketiditeuni ayoŋ iyes alotooma ŋakwapin, ikijamuwarete ŋituŋa iyes.

Esek. 17:24

Eyenunete ŋikito ŋulu ka ariet daadaŋ atemar arae ayoŋ Ekapolon. Etuuruwuanuni ayoŋ ŋikito ŋulu aoyak, etooyauni ayoŋ ŋikito ŋulu euruwuaka; etooniyori ayoŋ ŋikito ŋulu alibak, ido etilibu ŋikito ŋulu eokito. Ayoŋ Ekapolon alimu ŋun; ido etiyakini ayoŋ ŋun.”

Yak. 4:10

Kitiditeunos alokiŋaren Ekapolon, ido ikitopoloori iŋes iyes.