1 Sam. 2:30 - Ebaibul

³⁰ Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’

1 Sam. 2:30 Iomraidhean Croise

1 Ŋirw. 11:11

Aŋun, abu Ekapolon tema neni a Solomon, “Ikwapei eraakatar ŋuna itiya iyoŋ ŋuna kon a elope, ido nyiwuapa iyoŋ Acamunet kaŋ ka ŋikisila kaŋ ŋulu abu ayoŋ ekecik iyoŋ, kire jik, elielaari ayoŋ apukan aneni kon, oinak neni a eketiyan kon.

1 Ŋirw. 2:27

Aŋun abu Solomon tolema Abiasar anaraakau esacaradoti a Ekapolon. Kisiyook iŋes akirot ŋina aris Ekapolon kelimu alo Silo aŋuna ke ekal a Eli.

1 Ŋakiro a ŋirwa 17:18

Anukiro tokona ŋace ŋuna apedori ayoŋ alimokin iyoŋ aŋuna ikitopoloorya iyoŋ ayoŋ eketiyan kon? Ikiyeni iyoŋ ayoŋ eketiyan kon.

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

2 Ŋakiro a ŋirwa 26:18

Kitepega iŋes a nen temasi, “Usia! Meere iyoŋ emaikina kicuny ekinyate neni ke Ekapolon. Erae etic ŋol ŋolo a ŋisacaradotin a ŋulu erae ŋiletok ka Aron, ŋulu adaun akitalekin akicuny ekinyate. Torotok anakibois a ŋina asegan a na, anerae itiya iyoŋ ŋuna nyiyookino, nyikiinakinete ŋun iyoŋ aruwor ŋolo ikitopoloorit Ekapolon Akuj.”

Ŋikiru. 18:20

Abu Ekapolon okorop ayoŋ aŋuna ka akiyookino kaŋ; abu iŋes okorop ayoŋ alopite a ŋolo emamukar ibore ŋini aronon ŋini etiyat ayoŋ,

Ŋikiru. 18:26

Itoodiunun iyoŋ ijok aneni a ŋulu emam asecit; ido iryenyaanikinit iyoŋ ŋulu isyaaka.

Ŋikiru. 50:23

Eketopoloorito ayoŋ ŋituŋa ŋulu eponeneete alakara neni kaŋ ituruworito alakara kec amuronot neni kaŋ; ikes ŋulu iwuapito ŋakiro ŋuna ka akiyookino, etoodikini ayoŋ ikes aiuno kaŋ.”

Ŋikiru. 73:20

Ikwaan tokona ikes ka akiruja ŋina eŋopiyari ekyenyuni ituŋanan; ŋinibore inyounio iyoŋ Ekapolon, eŋopiyarete ikes.

Ŋikiru. 91:14

Ebala Ekapolon, “Ikes ŋulu akaminasi ayoŋ, aiuni ayoŋ ikes; euryari ayoŋ ŋulu eminasi ekiro kaŋ.

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Awos. 28:43

Emaikina Aron ka ŋidwe keŋ ŋulusapa tonapa ŋilowi ŋul ŋapakio daadaŋ ŋuna elomaryata ikes tooma Eema ŋolo iryamununosi ikes; kori ŋapakio ŋuna eapiyaryata ikes Namuroet elosete akitiya anakibois a ŋina Asegan. Erae ŋun ikotere nyebu asecenu nen, ido totwaka ikes aŋuna eleryoto. Emaikina ŋun toruwor etal ŋoloruba aneni ka Aron ka ŋiletok keŋ.”

Awos. 29:9

toenik nai nacirin kec ŋarokobae, ido kiwuak nakyes kec ŋakopiyae, toruworos ikes ŋisacaradotin. Epite ŋol iŋes ituruworya iyoŋ Aron ka ŋidwe keŋ ŋulusapa ŋisacaradotin, eruwor asacaradotonu etal a ŋiletok ka Aron ŋoloruba.

Ŋakit. 12:8

Ani keos ituŋanan, ipurete ŋituŋa iŋes, nai ani kebaŋaana ituŋanan, ejamuwarete ŋituŋa iŋes.

Ŋakit. 4:8

Kituruwo aneni kon aosou ibore ŋini epol nooi, ikitopoloori iyoŋ aosou kon, ikituruwori aosou iyoŋ ŋini ikitopolooritae.

Ŋakit. 8:17

Amina ayoŋ ŋulu akaminasi ayoŋ, akaryamunete ayoŋ ŋulu ekewarito elelakinito.

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Yer. 29:32

a ŋakiro a ŋun, alosi ayoŋ akisican Semaia ŋolo a Neelam ka ŋiletok keŋ, mam ituŋanan keŋ erubakini eyari alotuŋa a lu, ŋini iŋolikini ajokis ŋina alosi ayoŋ akitiya neni a ŋituŋa kaŋ, anerae adau iŋes alimokin ŋituŋa akiŋer Ekapolon.’ ”

Yer. 49:15

Eketiditeuni ayoŋ iyes alotooma ŋakwapin, ikijamuwarete ŋituŋa iyes.

Esek. 34:10

alimu Ekapolon ebe, ‘Emanit ayoŋ ŋikeyokok a ŋamesekin kaŋ, eŋisi ayoŋ ikes okoinakis ayoŋ ŋamesekin kaŋ, etojoŋo nai ayoŋ ikes akitan ŋamesekin kaŋ, nyerubakinete nabo ŋikeyokok ŋul imujete. Aiuni ayoŋ ŋamesekin kaŋ anakituka kec, ikotere ikes ejoŋoete akinyam ŋamesekin kaŋ.’”

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Mal. 1:6

Ebala Ekapolon ŋolo Etiron neni a ŋisacaradotin ebe, “Itopoloorit ikoku ŋinisapat papa keŋ ka itopoloorit eketiyan ekapolon keŋ. Arae ayoŋ papa kus, kaanukiro nyikitopolooritotor iyes ayoŋ? Arae ayoŋ Ekapolon kus, kaanukiro nyikikeritotor iyes ayoŋ? Ikijamuwarito iyes ayoŋ, ido ibasi iŋitasi ebe, ‘Alipite ikijamuwarya isua iyoŋ?’

Mal. 2:3

Esicani ayoŋ ŋiletok kus; awuatakini ayoŋ loreetin kus ŋikujit a ŋibaren a ŋulu imurotor iyes, ido itorikor iyes kiŋa eya ŋikujit loreetin.

Ekim. 11:20

nai elap daadaŋ, akitodol ŋina eurunio alokumes kus topyaniar anakituka kus, anerae iŋero iyes Ekapolon ŋolo irukito ka iyes ka igworo alokiŋaren keŋ ibasi, ‘Kaanukiro emyekinere isua akwap a Ijipit?’ ”

Ekim. 35:34

Nyinyasa akwap ŋina iboiyoto iyes, neni eboiyo ayoŋ daŋ, anerae ayoŋ Ekapolon ikiboi kaapei ka Ŋisirael.”

Yoa. 12:26

Ŋini itiyae etic kaŋ, itemokino ekewuapak ayoŋ; neni ayai ayoŋ, itemokino toyai iŋes daŋ; ŋini eruwor eketiyan kaŋ, ebuni Papa akitopoloor iŋes.

Yoa. 5:23

ikotere ŋituŋa daadaŋ tokerito Lokoku ikwa ekeritotor Papa. Iŋes ŋini nyekerit Lokoku, nyekerit tari Papa ŋolo abu kiyaku iŋes.

Yoa. 5:44

Icamito iyes ikitopoloosi ŋulucetuŋa, nai nyiwarito aryamun akitopolooro aneni a ŋolo bon erae Akuj. Ikokinete nai iyes ikinupete ayoŋ ai?

Yoa. 8:49

Toboŋok Yesu ikes tema, “Emam ekipye aneni kaŋ; akerit ayoŋ Papa kaŋ, nai nyikikerito iyes ayoŋ.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

Ŋikat. 9:10

Tolimokis nai ŋikito ebobore temasi, ‘Bua kipukae isua.’