1 Sam. 2:29 - Ebaibul

²⁹ Kaanukiro nai iteoto iyes Ikwanikinito ŋamuronisya ka ŋainakineta ŋuna abala ayoŋ tolemutu, ido itopoloorito iyes ŋidwe kus ŋulusapa akilo ayoŋ aŋuna itutumyata ŋawat kus anasere neni ejok anainakineta a ŋuna akainakinito ayoŋ ŋituŋa kaŋ Ŋisirael?’

1 Sam. 2:29 Iomraidhean Croise

2 Ŋirw. 12:6

Nai abu todol ekaru ŋolo a ŋatomoniarei ka ŋiuni ipukat Yoas, eriŋa ŋisacaradotin nyesubanakina Akai ka Akuj.

Ŋikiru. 26:8

Okoe Ekapolon, amina ayoŋ Akai kon ŋina iboiyo iyoŋ ka akibois ŋina iyai iyoŋ icai nooi.

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Esek. 34:10

alimu Ekapolon ebe, ‘Emanit ayoŋ ŋikeyokok a ŋamesekin kaŋ, eŋisi ayoŋ ikes okoinakis ayoŋ ŋamesekin kaŋ, etojoŋo nai ayoŋ ikes akitan ŋamesekin kaŋ, nyerubakinete nabo ŋikeyokok ŋul imujete. Aiuni ayoŋ ŋamesekin kaŋ anakituka kec, ikotere ikes ejoŋoete akinyam ŋamesekin kaŋ.’”

Esek. 34:2

“Lokoku a ituŋanan, todwar itoroniyarit ŋikeyokok a Isirael; todwar, tolimok ikes atemar alimu Ekapolon Akuj ŋakiro nu ebe, ‘Ekaŋ iyes ŋikeyokok a Isirael! Iyes ŋulu itanete ŋawat kus bon!’ Nyemaikina mono kitana ŋikeyokok ŋamesekin a?

Osea 4:8

Imujakis iyes nasecesya a ŋituŋa kaŋ, aŋun, icamito iyes ikes eseceneneete jik.

Ŋilep. 19:15

“‘Kitiyata ŋuna iyookino apaki ŋina itubioto ŋakiro, nyikisyonioto ŋulu a ŋican apaki ŋin, kori nyiwara akitojoka aneni a ŋulu erae ŋikabarak, nai totubonokisi ŋikidunyetkus alotooma akiyookino.

Mika 3:5

Ŋakiro ŋuna irworo Ekapolon ikes nu, “Amodiyanakis ŋikadwarak ŋituŋa kaŋ, anerae iiyanakinete ikes ekisil neni a ŋulu isimujete ikes, nai iiyanakinete ejie neni a ŋulu nyisimujete ikes.

Mat. 10:37

“Ituŋanan ŋini emina papa keŋ kori toto keŋ akilo ayoŋ, nyitemokino aruwor ekewuapan kaŋ; ŋini emina lokoku keŋ kori nakoku keŋ akilo ayoŋ, nyitemokino aruwor ekewuapan kaŋ;

Mat. 22:16

Kiyakiyasi ŋikapolok a Ŋiparisayon ŋikasyomak kec ka ŋituŋa ŋice ŋulu ka atukot a ŋina ke Erode neni a Yesu, tolimokis iŋes temasi, “Eketataman, ikiyeni isua atemar irae iyoŋ ŋolo a kire ka itatami ŋakiro ŋuna a kire ŋuna ka Akuj, nyimisit iyoŋ ŋuna etamete ŋituŋa, anerae nyityakatyakat ŋituŋa.

Luk. 14:26

“Ŋinituŋanan ebuni neni kaŋ, nyeruwor ekaakewuapan, mati kakaminaki iŋes ayoŋ nooi akilo papa keŋ, toto keŋ, aberu keŋ, ŋidwe keŋ, atalokaato keŋ, atanakaato keŋ ta akiyar keŋ a ilope.

Ŋirom. 16:18

Anerae nyerae Kristo itiyanakinete ŋituŋa ŋulu ikote ŋul, nai itiyanakinete etic ŋolo ka akiwarit akimuj. Irworosi ikes ŋakiro ŋuna abobok, kirapirapete ŋituŋa alorwor kec ecamito amodikin ŋituŋa ŋulu epalag!

2 Ŋikor. 5:16

Ameun tokona, nyeriŋa isua ikitubokini idiotuŋanan alopite a ŋolo a ŋituŋa a ŋulu ka akwap. Tari erae kikiyenunit isua Kristo kocooloŋ alopite a ŋolo ka akwap a na, nyeriŋa tokona ikiyeni iŋes alopite a ŋol.

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Ŋikis. 33:9

ŋulu apotu temasi neni atapapa kec ka atatoto kec, “Nyikimisitae isua iyes.” Apotu ikes nyemitakis ŋiyeneta kec ka toŋero ŋidwe kec, anerae ericito ikes ŋakiro kon ka ericito Acamunet kon.

Yak. 3:17

Nai aosou ŋina anakuj, ejok iŋes mono jik, nabo eyakar ekisil, iyapara, ekoneono, ileleba akisyon ka eyauni ŋiticisyo ŋulu ajokak ikwaŋina eraunia ekitoe ŋaraito; emamukar atyakatyak ka ŋisoswae.

Yos. 18:1

Kedaut Ŋisirael akikamar akwap ŋin daadaŋ, apotu totukokinos Silo, kigurokis nen Eema ŋolokilipet.

1 Sam. 3:13

Adau ayoŋ alimokin iŋes atemar esicani ayoŋ ekal keŋ ŋikaru ka ŋikaru aŋuna ka asecit a ŋina ayeni tari iŋes; apotu ŋidwe keŋ ŋulusapa yaut ŋilam nawat kec anakiyany Akuj, ido abu iŋes nyiretak ikes akitiya ŋun.