1 Sam. 2:28 - Ebaibul

²⁸ Abu ayoŋ oseu papaa kon alokabilae a Isirael a daadaŋ aruwor esacaradoti kaŋ, tolosenenee Namuroet kaŋ akicuny ekinyate ka tonapenenee arapet alokiŋaren kaŋ. Abu daŋ ayoŋ oinak ŋituŋa a ekal a papaa kon ŋainakineta a ŋituŋa a Isirael daadaŋ ŋuna epeyo.

1 Sam. 2:28 Iomraidhean Croise

2 Sam. 12:7

Tema Nasan neni a Daudi, “Erae ekile ŋol iyoŋ pei! Abala Ekapolon Akuj a Isirael ebe, ‘Abu ayoŋ okoseu iyoŋ aruwor erwosit ŋolo ipukae Isirael, ido abu ayoŋ okoiu iyoŋ aneni a Saul.

2 Sam. 6:14

Kidoŋa Daudi itopoloorit Ekapolon ka agogoŋu keŋ a daadaŋ enapit anacir elou ŋolo amilimilan.

Awos. 28:1

“Tonyarau lokaato kon Aron ka ŋidwe keŋ ŋulusapa neni kon aneni a Ŋisirael a ŋuluce, eketiyanakis ayoŋ ikwapei ŋisacaradotin. Tonyarau iŋes ka ŋidwe keŋ ŋulusapa lu: Nadab, Abiu ka Eleasar ta Isamar.

Awos. 28:4

Ŋilowi lu ikes emaikina ŋituŋa ŋul kitiyaut: Eboli ŋolo ka atorobu, arapet, ekaaso, esati ka akopiya ta arokoba. Emaikina ikes kitiyaut ŋilowi ŋul aŋuna ka Aron alokaato kon ka ŋidwe keŋ ŋulusapa eketiyanakiniata ayoŋ ikwapei ŋisacaradotin.

Awos. 30:7

Emaikina Aron kicunyanak ekinyate anakibois a ŋin a ŋinataparacu apaki ŋina elosyo iŋes akitemonokin ŋitaae.

Awos. 30:8

Emaikina Aron kicunyanak ekinyate tari eboŋ apaki ŋina ebunio iŋes akinokakin ŋitaae, ikotere ekinyate icunyakinitae a ŋinapaki a nen, alokiŋaren Ekapolon ananyameta tari a ŋuna epote.

Ŋilep. 2:10

Tosodi nai akimuj ŋinace ŋina idoŋit, emaikina kidoŋ erae ŋina ka Aron ka ŋidwe keŋ ŋulusapa. Erae ainakinet ŋina a ŋikinyom ŋin ŋina asegan nooi ŋina epeyo aŋuna ke Ekapolon.

Ŋilep. 2:3

Tosodi nai ŋikinyom ŋuluce ŋulu idoŋito anainakinet, emaikina kidoŋo erae ŋulu ka Aron ka ŋidwe keŋ ŋulusapa. Erae ainakinet ŋina ŋikinyom ŋina asegan nooi ŋina epeyo aŋuna ke Ekapolon.

Ŋilep. 6:16

Emaikina nai Aron ka ŋidwe keŋ ŋulusapa yaasi ŋakirya ŋuna idoŋito kimuja; nai emaikina ikes kimuja pa iwuakinitae ŋakinyalet, ido emaikina kimuja anakibois a ŋina asegan; analapatu ke eema a ŋolo ilipere.

Ŋilep. 7:32

Emaikina iyes inakis esacaradoti amuro ŋina aloteten, ŋina a ibarasit a ŋini erae ainakinet ŋina ke ekisil ke Ekapolon. Erae ŋol ekiner ŋolo emaikina iŋes toryamu.

Ŋilep. 7:36

Abu Ekapolon kicik Ŋisirael ainanakin ŋisacaradotin ŋinerin ŋul apaki ŋina ituruworere ikes ŋisacaradotin, kituruwo ŋinerin ŋul ŋulu emaikina ikes toryamununeete ananyameta kec a daadaŋ.

Ekim. 16:5

Tosodi tema Moses neni a Kora ka ŋirukitos keŋ, “Moi taparacu ikiteyenikini Ekapolon iwon ŋini erae ŋini keŋ ka ŋini eseg ka ŋini ecamakini iŋes alosit diyete keŋ. Ituŋanan ŋini eseuni Ekapolon iŋes ecamakini Ekapolon elosi diyete keŋ.

Ekim. 18:19

Ŋainakineta ŋuna asegak daadaŋ ŋuna einakinete Ŋisirael neni ke Ekapolon, akainak ayoŋ iyoŋ ka ŋidwe kon ŋulusapa ka ŋulupesur, erae ainakinet ŋina emaikina iyes toryamut erae ŋina kus ŋikaru ka ŋikaru. Erae ŋun Acamunet ŋinaruba alokiŋaren Ekapolon, ŋina emaikina iyoŋ ka ŋiletok kon kiwuapa.”

1 Sam. 14:3

alokilyok a ŋul, ayai Aija lokoku ka Aitub a ŋolo arae lokaato a Icabod. Arae Aitub lokoku a Pineas a ŋolo arae lokoku ke Eli a esacaradoti alo Silo, arae Eli esacaradoti ŋolo ke Ekapolon, mam ituŋanan ayeni atemar kelot Yonasan neni eboiyoto Ŋipilistin.

1 Sam. 2:18

Apaki ŋin, etiyanakini Samuel Ekapolon, tonapite arapet ŋina amilimilan anatorobu.