1 Sam. 2:27 - Ebaibul

²⁷ Apeikoloŋit, bu ekile epei ŋolo arae ituŋanan ŋini ka Akuj neni ke Eli, tema neni keŋ, “Irworo Ekapolon ŋakiro nu, ‘Kire abu ayoŋ etoodiun lotuŋa a ekal a papaa kon apaki ŋina ayakatar ikes napedor a Parao alo Ijipit.

1 Sam. 2:27 Iomraidhean Croise

1 Ŋirw. 13:1

Ani eriŋa Yeroboam ewoi alodiye Namuroet icunyanakini ekinyate, bu ekile ŋolo alo Yudaya ŋolo arae ituŋanan ŋini ka Akuj, ayakar ekile ŋol akirot aneni ka Akuj aŋuna a Besel.

1 Ŋirw. 2:27

Aŋun abu Solomon tolema Abiasar anaraakau esacaradoti a Ekapolon. Kisiyook iŋes akirot ŋina aris Ekapolon kelimu alo Silo aŋuna ke ekal a Eli.

Awos. 12:1

Tema Ekapolon neni a Moses ka Aron anakwap a Ijipit,

Awos. 12:43

Tema Ekapolon neni a Moses ka Aron, “Erae nu ŋakiro ŋuna emaikina kiwuapae anasuban a Paska: Mam igelaanot emaikina tonyam ŋasuban a Paska.

Awos. 4:27

Tema Ekapolon neni ka Aron, “Ape naloŋisat kisiryam Moses.” Aŋun, abu Aron tolot; kiryamunos ka Moses lomoru ŋolo ka Akuj, tonu Aron Moses.

Ŋikis. 33:1

Erae nu ŋakiro ŋuna abu Moses ŋolo arae ituŋanan ŋini ka Akuj kiterereŋio Ŋisirael eriŋa iŋes nyetwana

1 Tim. 6:11

Nai iyoŋ ŋolo ka Akuj, toŋer ŋakiro ŋun daadaŋ. Toŋirik ka agogoŋu akiyookino, akiyar ŋina ecamit Akuj, anupit, amina, atitinyikinit ka akiyapara.

2 Pet. 1:21

Anerae emam ŋakiro ŋuna edwaritae ŋuna eponito anacamit a ituŋanan, nai arae Etau ŋolo Asegan esirwori ŋituŋa ŋakiro ŋuna aponito aneni ka Akuj.

Ŋikat. 13:6

Abu nai aberu ŋin tolot, tolimok ekile keŋ tema, “Abu ekile ŋolo arae ituŋanan ŋini ka Akuj bu neni kaŋ etakani akuwan keŋ esibit emalaika ŋolo ka Akuj, arae iŋes ŋolo ikitubuli nooi; nyiŋita ayoŋ neni kebunio iŋes ka nyelimokina iŋes ayoŋ ekiro keŋ,

Ŋikat. 6:8

abu Ekapolon kiyakik Ŋisirael ekadwaran, tosodi ekadwaran tolimok Ŋisirael tema, “Ebala Ekapolon Akuj a Isirael ebe, ‘Abu ayoŋ okoyau iyes anakwap a Ijipit, okoyau iyes anakwap a ŋina a iraakatar iyes ŋipi;

1 Sam. 3:12

Akoloŋit ŋin, esiyookini ayoŋ ŋakiro daadaŋ ŋuna itoroniyaritere Eli ŋinapei anakisyakinet tari nasalunet, ŋakiro ŋuna abu ayoŋ erwor etoroniyarit ekal keŋ.

1 Sam. 9:4

Apotu nai Saul ka eketiyan ŋol kiwarasi ŋisigirya, kiwara nakwap ŋina a ŋikamukumukui ŋina enyaritae Epuraim ka kiwara nakibois ŋina enyaritae Salisa; nai apotu ikes nyeryamut ŋisigirya. Kiwarasi nakibois ŋina enyaritae Saalim, nai apotu nyeryamut. Ekaku, kiwarasi nakwap ŋina a Benjamin, nai apotu nyeryamut tari a nen.

1 Sam. 9:6

Nai tema eketiyan ŋol neni a Saul, “Eyai lotaun ŋol ekile ŋolo erae ituŋanan ŋini ka Akuj, erae iŋes ekile ŋolo itopolooritae. Iyoonokin ŋakiro daadaŋ ŋuna elimuni iŋes. Apena neni keŋ tokona; acepaki ikilimokini iŋes iwon neni ikiryamunia ŋisigirya.”