1 Sam. 2:20 - Ebaibul

²⁰ Apaki ŋin nai aminar Eli akiterereŋ Elkana ka aberu keŋ, ido tema, “Elipi ikiinak Ekapolon iyoŋ ŋidwe anaberu a na kilunyokin neni a ŋini ibu iyoŋ ikilip ainakino aneni ke Ekapolon.” Ekaku nai a ŋun, toboŋosi ikes lore kec.

1 Sam. 2:20 Iomraidhean Croise

Akisy. 14:19

Ikiterereŋ Melekisedek Aburam tema, “Ikiterereŋ iyoŋ Aburam Akuj ŋina alokidiama nooi, ŋina asubi nakuj ka akwap;

Mal. 2:15

Pa mono abu Akuj ikituruwo iyoŋ ka iŋes akuwan apei ke etau epei a? Kaanukiro ikituruworya iŋes iyes ŋipei? Arae aŋuna acamitor Akuj iyes touruut ŋidwe ŋulu itopoloorit iŋes. Aŋun, toripiripas make, ido nyemaikina idio alokidiŋ kus eesikini akikinyomit aberu keŋ ŋina abu iŋes kiit eriŋa erae esorokit.

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Rus. 2:12

Ikiropi iyoŋ Akuj aŋuna ke etic kon ka irikakini Akuj ŋina a Isirael akirop iyoŋ, Akuj ŋina erae neni keŋ ibu iyoŋ aryamunia aiuno.”

Rus. 4:11

Temasi ŋituŋa daadaŋ ŋulu aya lotemu diyete epuke kaapei ka ŋikasikou ebe, “Ikirae isua ŋisuudae. Kisikwaanik Akuj aberu ŋin ŋina elomuni lokal kon ka Rakel ka Lea ŋuna apotu kitatakanut ŋituŋa ŋulu a Isirael. Iyoŋ daŋ touri ŋidwe alo Epurata kiturubak ekiro a Ekapolon alo Betelem.

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”