1 Sam. 2:16 - Ebaibul

¹⁶ Ani nai keboŋoki ituŋanan ŋin iŋes tema, “Kimyek mono topeoi asepwae, ido nai tolema akiriŋ ŋina icamit iyoŋ daadaŋ,” apedori eketiyan ŋol aboŋokin ebe, “Mam, itemokino iyau tokona, ani kemam, alemari ayoŋ ka agogoŋu.”

1 Sam. 2:16 Iomraidhean Croise

Neem. 5:15

Ŋikepukak ŋuluce daadaŋ ŋulu epukato eriŋa ayoŋ, atiŋito ŋituŋa erono nooi, ejaununeete akimuj ka epiini aneni kec, pa imaritae ŋicekelya ŋatomoniomwon ŋulu ke esilipa ŋulu alemununeete ŋituŋa. Ŋiketiyak kec daŋ arae ŋikepukak. Nai nyitiya ayoŋ ŋun, anerae etopoloorit ayoŋ Akuj.

Ŋilep. 3:16

Epedori nai esacaradoti akicuny ŋinerin ŋul daadaŋ alokidiama namuroet ikwapei akimuj ka ainakinet ŋina epeyo, ŋina ebob eure keŋ aneni ke Ekapolon. Emaikina asepwae daadaŋ erae ŋina ke Ekapolon.

Mika 3:5

Ŋakiro ŋuna irworo Ekapolon ikes nu, “Amodiyanakis ŋikadwarak ŋituŋa kaŋ, anerae iiyanakinete ikes ekisil neni a ŋulu isimujete ikes, nai iiyanakinete ejie neni a ŋulu nyisimujete ikes.

Ŋikat. 18:25

Toboŋokis ŋituŋa a ekabila a Dan iŋes temasi, “Tocoite imyekini etoil kon kiirarae isua, acepaki epedori ituŋanan ice alokidiŋ kosi ŋini epatana akiŋo akiar iyoŋ, ido icakari iyoŋ akiyar kon ka akiyar a ŋituŋa a ekal kon.”

1 Sam. 2:15

Amina daŋ eketiyan a esacaradoti abunenen neni a ituŋanan a ŋini eyaunit amuronot eriŋa nyepeo asepwae tema neni keŋ, “Yau akiriŋ adio tope esacaradoti; anerae nyecamuni iŋes aneni kon akiriŋ ŋina ipotoi, nai ŋina ajonon bon.”

1 Sam. 2:17

Abu asecit a ŋidwe ke Eli ŋin toroniar nooi aneni ke Ekapolon, anerae pa akerito ikes ŋainakineta ŋuna ayaununuyo neni ke Ekapolon.