1 Sam. 2:12 - Ebaibul

¹² Arae ŋidwe ke Eli ŋulusapa ŋidwe ŋulu aronok nooi, pa amisito ikes ŋakiro ŋuna ke Ekapolon;

1 Sam. 2:12 Iomraidhean Croise

1 Ŋirw. 21:10

Tolemutu ŋikesitakinak a Nabos ŋiarei ŋulu erae ŋasyanisya, kisitakis Nabos aŋuna icenio Akuj ka erwosit; torikosi nai iyes iŋes kiŋa etaun tocaka a ŋamoru.”

1 Ŋirw. 21:13

Potu nai ŋikesitakinak a Nabos ŋasyanisya ŋunaarei kiboikinos epeiwae Nabos, ido kisitakis ŋasyanisya ŋun Nabos alokiŋaren ŋituŋa temasi, “Adau Nabos akicen Akuj ka erwosit.” Aŋun apotu ikes yaasi Nabos kiŋa etaun tocaka iŋes a ŋamoru.

Yer. 2:8

Nyetemara ŋisacaradotin ebe, ‘Ai eyai Ekapolon?’ Pa akayenete ayoŋ ŋulu atubete ŋakiro; apotu ŋikepukak okoŋero ayoŋ, apotu ŋikadwarak todwara ŋuna a Baal, ido kiwuapa ŋakiro ŋuna emam ibore iryamunia.

Yer. 22:16

Atubi iŋes ŋakiro aŋuna a ŋikulyak ka ŋulu a ŋican a akiyookino, ido amam iŋes ŋace. Meere mono akitiya ŋun iŋes itoodiunit atemar eyeni ituŋanan Ekapolon a?

Yer. 9:3

Ekudito ikes ŋaŋajepa kec ikwa akau a ŋikaleŋeleŋe; apolout ikes anakwap erae ŋulu egogoŋ anakitiya ŋuna ka amodiyo, meere anakitiya ŋuna iyookino; anerae erubakinito ikes itiyaete aronis jik, ido nyakayenete ikes ayoŋ.

Yer. 9:6

Elal nooi akisicanit ŋuluce, elal nooi amodiyo, awout ikes ayenun ayoŋ.

Esek. 22:26

Etiyata ŋisacaradotin anakwap kec ŋakiro ŋuna nyecamakinito ŋikisila kaŋ, esitiyata ŋiboro kaŋ ŋulu asegak alopite a ŋolo aronon, nyeyenete atemar nyaalu ŋiboro ŋulu asegak ka ŋulu nyesegak, mam daŋ nyitatama ikes ŋituŋa toyenut ibore ŋini itoroniyaritae ka ŋini nyitoroniyaritae, aŋero ikes atamunit ŋarwa kaŋ ŋuna a Sabato, aŋun, adaut ikes ajamuwar ayoŋ alokidiŋ kec.

Yoa. 16:3

Itiyaete ikes ŋun, anerae nyeyenuna ikes Papa kori ayoŋ.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 8:55

Nyiyenete iyes iŋes; ayoŋ bon ayeni iŋes. Kerae otema ayoŋ nyayeni iŋes, karuwor ayoŋ ŋolo alyokonon ikwa iyes. Nai ayeni ayoŋ iŋes, ka ericakinit ŋakiro keŋ.

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

2 Ŋikor. 6:15

Ikokinete Kristo ka Satan ecamunosi ai? Nyo epedori akimorikin ekanupan ka ŋini nyerae ekanupan?

Ŋikis. 13:13

ŋituŋa kus ŋulu itiyaete aronis, ŋulu arikokis ŋituŋa ŋulu iboiyete alotaun a ŋol akitiya ŋuna aronok ka elimonokinete ŋituŋa ebe, “Oloto elipa neni a ŋakujo a ŋace,” (ŋuna nyeyenuna iyes.)

Ŋikis. 13:14

Emaikina iyes kiŋitut ejok ŋakiro ŋun ka kimimaut ejok. Ani keyenun atemar itiyatae ŋakiro ŋuna ka asiilyo ŋun alokidiŋ kus,

Ŋikat. 19:22

Ani eriŋa ŋituŋa ŋul imujete ka emasete, potu ŋikilyok ŋice ŋulu ke etaun a ŋol, ŋituŋa ŋulu esyaak, kirimokis akai kidiŋ togeikis anaŋanaŋ ekek a akai. Tolimokis ikes ekasikou; ŋolo a akai a ŋin temasi, “Yau kiŋa ekile ŋolo alomuni kai kon, ikotere isua toyenunae iŋes.”

Ŋikat. 2:10

Abu daŋ anyamet ŋin daadaŋ todaun, topolou nabo anyamet ace ŋina kitete, ŋina pa ayeni ŋakiro a Ekapolon, kori ŋiticisyo ŋulu abu Ekapolon kitiya aŋuna a Ŋisirael.

1 Sam. 10:27

Nai apotu ŋasyanisya ŋace temasi, “Epedori mono etuŋanan lo aiun iwon a?” Tojamuwasi ikes Saul, ido nyeaut ŋainakineta ŋadi neni a Saul. Nai abu Saul nyemitak ŋakiro kec. Apaki ŋin, atiŋit neni aronon nooi Naas erwosit ŋolo a Ŋiamoni erwosit ŋolo a Ŋigadi ka ŋolo a Ŋirubeni. Amina Naas agoronor ŋakonyen ŋuna aloteten ŋuna a ŋimoe keŋ a ŋul, ido pa acamit ainakin Ŋisirael ekaiunan. Mam Ŋisirael ŋulu eboiyete alokekwaye Yorodan ŋulu abu Naas erwosit a Ŋiamoni toesik nyegororo ŋakonyen ŋuna aloteten. Nai ayakasi Ŋisirael ŋalipyo ŋakanikaarei ŋulu kepotu tosiwa aneni a Ŋiamoni toloto Yabes-Gilead.

1 Sam. 25:17

Totamatama mono iyoŋ tokona, ido toanyu ŋuna kitiyakina, anerae atubut ŋituŋa akitiya aronis neni a ekapolon yok ka neni a ŋituŋa a ekal keŋ daadaŋ. Erae ekapolon yok ituŋanan ŋini aronon, ŋini emam nyepupi ŋakiro a ŋituŋa a ŋuluce.”

1 Sam. 3:13

Adau ayoŋ alimokin iŋes atemar esicani ayoŋ ekal keŋ ŋikaru ka ŋikaru aŋuna ka asecit a ŋina ayeni tari iŋes; apotu ŋidwe keŋ ŋulusapa yaut ŋilam nawat kec anakiyany Akuj, ido abu iŋes nyiretak ikes akitiya ŋun.

1 Sam. 3:7

Apaki ŋin, pa ayeni Samuel atemar ŋae erae Ekapolon ka ariŋa iŋes nyiirara akirot adio aneni ke Ekapolon.