1 Sam. 2:10 - Ebaibul

¹⁰ Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”

1 Sam. 2:10 Iomraidhean Croise

2 Sam. 22:14

Abu Ekapolon kirworik anakuj, ido aponi kiirarae etoil a Akuj a ŋina alokidiama nooi.

2 Sam. 7:13

Eletonit ŋol iŋes edukokini Akai aŋuna a ekiro kaŋ, ido etogogoŋi ayoŋ ekipukae keŋ torubak ŋikaru ka ŋikaru.

2 Sam. 7:8

Aŋun nai, tolimok Daudi eketiyan kaŋ atemar, ebala Ekapolon ŋolo Etiron ebe, ‘Abu ayoŋ okolemu iyoŋ anacokor, anakiyok ŋamesekin aŋuna ka aruwor ekepukan a ŋituŋa kaŋ a Ŋisirael.

Yob 40:9

Igogoŋ iyoŋ lopite ŋolo egogoŋio Akuj a? Ipedori iyoŋ agirokin a etoil a ŋolo ikoni ŋolo keŋ a?

Ŋikiru. 132:17

Sion iŋes eturuworya ayoŋ epei a ŋipapae a Daudi erwosit ŋolo apolon nooi; Sion iŋes eturubakinia ayoŋ apukan ŋina a ŋolo abu ayoŋ oseu ikwapei erwosit.

Ŋikiru. 148:14

Ainaki iŋes ŋituŋa keŋ agogoŋu, ikotere ŋituŋa ke Ekapolon daadaŋ ipurete iŋes. Ŋituŋa a Isirael ŋulu emina Ekapolon nooi. Kipuroe Ekapolon!

Ŋikiru. 2:2

Acunakinosi ŋirwosi ŋulu ka akwap acunakinosi ŋikepukak iwapei akitepeg Ekapolon ka erwosit ŋolo aseu iŋes, ebasi,

Ŋikiru. 2:6

“Ewuak ayoŋ erwosit kaŋ Sion, lomukura kaŋ ŋolo asegan.”

Ŋikiru. 2:9

Idicari iyoŋ ikes, kinyas ikes ikwa ŋamoti ŋuna ebwaŋabwaŋaryo.”

Ŋikiru. 20:6

Ayeni tokona ayoŋ atemar eiuni Ekapolon eseuna keŋ. Eboŋokini ŋakiro keŋ anakuj anakibois keŋ a ŋina asegan a apedor keŋ a ŋina aiunan.

Ŋikiru. 20:7

Ikinyomito ŋice ŋagaari ka ŋice ŋaŋolei, nai ikikinyomit isua Ekapolon Akuj kosi.

Ŋikiru. 21:1

Okoe Ekapolon, elelyani erwosit anagogoŋu a ŋina ibu iyoŋ inak iŋes. Elelyani iŋes nooi aŋuna a akiloun a ŋina iinak iyoŋ iŋes.

Ŋikiru. 28:8

Ekapolon iŋes erae agogoŋ a ŋituŋa keŋ; iŋarakini ka eiuni iŋes erwosit ŋolo abu iŋes toseu.

Ŋikiru. 45:7

Imina iyoŋ ŋuna iyookino ka iŋerit ŋuna aronok, ŋakiro ŋun iŋes abunio Akuj ŋina erae Akuj kon itoseunia iyoŋ, ido ikiinak iyoŋ alakara ŋina iloit ŋina eyakar, erwosit ece.

Ŋikiru. 89:17

anerae neni kon ebunitor arwonu ŋina ka agogoŋu kosi, ido anamina kon, ikiinanakini iyoŋ isua akilounun ŋimoe kosi;

Ŋikiru. 89:24

Eyakaunosi iŋes ka akikinyoma ka amina kaŋ ŋina nyiryaŋiryaŋa; iloununui iŋes ŋimoe keŋ a ekiro kaŋ.

Ŋikiru. 89:25

Anyaari ayoŋ akwap ŋina ibuni iŋes akipuka ameun ananam Mediteranian akitodol naŋolol Eupurate.

Ŋikiru. 96:13

alokiŋaren Ekapolon, anerae ebuni iŋes atubokin ŋituŋa. Etubokini iŋes akwap anakiyookino ka etubokini iŋes ŋituŋa alotooma ŋuna a kire.

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Awos. 15:6

Okoe Ekapolon, akan kon teten iŋes etoodiu apedor ŋina apolon nooi. akan kon teten iŋes abu kiela ŋimoe.

Ekal. 11:9

Emaikina iyes ŋisorok tolelyana eriŋa irae ŋisorok. Kitiyata daadaŋ ŋuna icamito iyes akitiya ka kiwuapa ŋuna ecamito ŋitai kus. Nai totamunito atemar ikitubokini iyes Akuj anakiro a daadaŋ a ŋuna itiyaete iyes.

Ekal. 12:14

Ikitubokini Akuj iwon anakiro a daadaŋ a ŋuna ikitiyat iwon, kejokak, kori keroko ka anakiro a ŋuna itiyao iwon anakimunono.

Isa. 29:6

ebuni Ekapolon ŋolo a ŋajoresyo akipeyokin iyes, ebuni iŋes ka agiro ka amaran ŋina ka akwap ta etoil ŋolo apolon nooi, ebuni iŋes a ekuwuam a ŋolo ipiripiri ka ŋolo aryenyaanan ta akim ŋina enomiyari akwap.

Isa. 32:1

Topupokisi, ebuni erwosit ŋolo ipukae a akiyookino ka ipukaete ŋikapolok a akiyookino.

Isa. 45:24

Etemarete ŋituŋa aŋuna kaŋ ebe, “Neni ke Ekapolon bon eya akiyookino ka agogoŋu. Ŋituŋa daadaŋ ŋulu apotu toŋero Ekapolon, epote neni keŋ, ido isurumyo ŋileec.

Esek. 29:21

“Akoloŋit ŋin, eturuwori ayoŋ Ŋisirael ŋulu egogoŋ, ido akacamakini iyoŋ Esekiel kirwor ŋakiro aneni epedoryata ŋituŋa daadaŋ akiirar iyoŋ, ikotere ikes eyenunete atemar arae ayoŋ Ekapolon.”

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Luk. 1:69

Ikiinak iwon Ekaiunan ŋolo etiron anateker a Daudi eketiyan keŋ.

Luk. 19:27

Nai ani ikwa ŋimoi kaŋ lu, ŋulu nyakacamito ayoŋ akipuka ikes, torikutu ikes ne toŋolae ete ayoŋ!’”

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋitic. 4:27

Anerae kire alotaun a lo, apotu Erode ka Ponitio Pilato ka ŋibukui ŋulu pa arae Ŋiyudayan ta ŋituŋa ŋulu a Isirael kitepega Yesu, eketiyan kon ŋolo asegan ŋolo ibu iyoŋ kituruwo Messia.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Ŋikat. 5:31

Okoe Ekapolon, elipi tomunyaros ŋimoe kon daadaŋ lopite ŋol! Nai elipi kiyata agogoŋu a ŋituŋa a ŋulu ikiminasi iyoŋ, lopite ŋolo iyatar amwanis elomuni akoloŋ.” Abu akwap kieŋa ejie ŋikaru ŋatomoniomwon.

1 Sam. 12:13

Kiŋolikisi, erwosit ŋolo iseut iyes lo, ipotu iyes temasi ikicamit erwosit; kiŋolikisi ikiinak iyes Ekapolon erwosit ŋolo ikipukae.

1 Sam. 12:17

Meere apaki ŋina elemere ŋaganoi na, ŋina emamukar akiru a? Anyarae ayoŋ Ekapolon yau agiro ka akiru; ikotere iyes iyenunete ka iŋolikinete atemar eroko nooi ŋuna itiyata iyes alokiŋaren Ekapolon, anerae ipotu iyes kiitana aryamun erwosit ŋolo ikipukae iyes.”

1 Sam. 12:18

Aŋun, abu Samuel tonyara Ekapolon, ido abu Ekapolon yau agiro ka akiru akoloŋit ŋin; kitopoloosi nooi ŋituŋa daadaŋ Ekapolon ka Samuel.

1 Sam. 12:3

Ayoŋ lo! Tolimutu alokiŋaren Ekapolon ka alokiŋaren eseuna keŋ ŋakiro ŋuna etiyat ayoŋ ŋuna aronok. Ŋae abu ayoŋ odema emoŋ? Ŋae abu ayoŋ odema esigirya? Ŋae idio abu ayoŋ omodiya ibore idio? Ŋae abu ayoŋ otiŋ ka aronis? Ŋae idio abu ayoŋ ocamu akainakini ayoŋ akaluŋuluŋut, ikotere emyek iŋes? Ani ketiyat ayoŋ ŋun ŋadi, tolimokinae ayoŋ, ikotere okotacak ayoŋ iyes.”

1 Sam. 15:28

Tema Samuel neni keŋ, “Adau Ekapolon alemar apukan a Isirael aneni kon ameun nakoloŋit na, ido ainaki neni a ekidunyet kon ke epei a ŋolo ejok akilo iyoŋ.

1 Sam. 16:1

Tema Ekapolon neni a Samuel, “Tari ori igworo iyoŋ aŋuna a Saul? Adau ayoŋ akiŋer iŋes anaraakau erwosit a Isirael, kilelebik akimyet namomwara ŋina itiŋit iyoŋ, ido tonyou tolot; ekeyakiyari ayoŋ iyoŋ neni a Yese a ŋolo eyai Betelem. Adau ayoŋ aseun aŋuna kaŋ epei a ŋidwe keŋ a ŋulusapa aruwor erwosit.”

1 Sam. 7:10

Ani eriŋa Samuel itiyae ŋuna ka ainakinet a ŋin neni ke Ekapolon, toapuut Ŋipilistin neni a Ŋisirael akisiiryakin Ŋisirael; nai tocelu Ekapolon neni a Ŋipilistin akoloŋit ŋin a etoil a ŋolo apolon nooi a ŋolo ekoni agirokinet, kisibiler ikes; tobwaŋas alokiŋaren Ŋisirael.