1 Sam. 2:1 - Ebaibul

¹ Kilip nai Ana tema, “Elelyani etau kaŋ Ekapolon; Okoe etya alelyan kaŋ ai aŋuna etiya iŋes! Eturokin tokona ayoŋ erworo neni a ŋimoe kaŋ; Okoe etya alelyan kaŋ ai; anerae ekeŋarak ayoŋ Akuj!

1 Sam. 2:1 Iomraidhean Croise

2 Ŋakiro a ŋirwa 20:27

Abu nai Yeosapat ŋolo apolokinit ŋasigarya ŋuna a Yudaya ka ŋuna a Yerusalem kinyaka ŋasigarya Yerusalem elelyanete, anerae abu Ekapolon inak ikes alelyan aŋuna elouniata ŋimoe kec.

Neem. 11:17

ayai daŋ nen Matania lokoku a Mika a ŋolo arae lokoku a Sabidi, a ŋolo arae lokoku ka Asap, arae Matania ekarikon ŋolo ageununui akilip ŋina ka alakar neni ka Akuj. Aya nabo nen Bakibukia ŋolo ewuapit Matania anapolou aneni a ŋirukitos keŋ, Abeda lokoku a Samua, a ŋolo arae lokoku a Galal, a ŋolo arae lokoku a Yedusun.

Yob 16:15

Anapit ayoŋ ŋilowi ŋulu kigworet, adaun agogoŋu kaŋ jik, aruwor ekeboiyon anapuwa.

Ŋikiru. 118:14

Ekapolon iŋes agogoŋu kaŋ ka apedor kaŋ; iŋes akaiu ayoŋ.

Ŋikiru. 13:5

Nai abu ayoŋ ekinyom amina kon ŋina nyiryaŋiryaŋa; eyakaun alelyanu lotau kaŋ aŋuna ikiunia iyoŋ ayoŋ.

Ŋikiru. 148:14

Ainaki iŋes ŋituŋa keŋ agogoŋu, ikotere ŋituŋa ke Ekapolon daadaŋ ipurete iŋes. Ŋituŋa a Isirael ŋulu emina Ekapolon nooi. Kipuroe Ekapolon!

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 20:5

Ikiceluni nai isua aŋuna ilounia iyoŋ ŋimoe kon, ikikyaari isua ŋabenderae kosi ikipuro Akuj kosi. elipi atemar ikiinak iyoŋ Ekapolon ŋuna iŋita iyoŋ daadaŋ.

Ŋikiru. 21:2

Iinak iyoŋ iŋes ŋuna ecamit etau keŋ, ibu iyoŋ toboŋok ŋuna eŋita iŋes,

Ŋikiru. 35:9

Ebuni nai etau kaŋ alelyan a ŋakiro aŋuna etiya Ekapolon, olakar aŋuna akaiunia iŋes ayoŋ.

Ŋikiru. 51:15

Okoe Ekapolon, toŋaa ŋipon kaŋ, ikotere esera ayoŋ ŋakiro ŋuna ka akipuro iyoŋ.

Ŋikiru. 71:8

Ekepuro ayoŋ iyoŋ jik ka eketopoloorit iyoŋ apaaran jwii.

Ŋikiru. 75:10

Elemari Akuj apedor a ŋulu aronok a daadaŋ, nai iatakini apedor a ŋulu iyookino.

Ŋikiru. 89:17

anerae neni kon ebunitor arwonu ŋina ka agogoŋu kosi, ido anamina kon, ikiinanakini iyoŋ isua akilounun ŋimoe kosi;

Ŋikiru. 89:18

anerae neni kon Ekapolon eryamunere isua aiuno. Iyoŋ Akuj ŋina asegan, ŋina a Ŋisirael irae erwosit kosi.

Ŋikiru. 89:24

Eyakaunosi iŋes ka akikinyoma ka amina kaŋ ŋina nyiryaŋiryaŋa; iloununui iŋes ŋimoe keŋ a ekiro kaŋ.

Ŋikiru. 9:14

ikotere ayoŋ aeikini ŋikipurisyo kon daadaŋ alopukei a ŋituŋa kon a ŋulu a Sion, olelyan a nen aŋuna ikiiunia iyoŋ ayoŋ.

Ŋikiru. 92:10

Nai ikituruwori iyoŋ ayoŋ ŋolo agogoŋ ikwa emaanik ŋolo adedeŋan; ikiterereŋi iyoŋ ayoŋ, ikiinak alakara.

Awos. 15:1

Apotu nai Moses ka Ŋisirael toeikis eete lo neni ke Ekapolon temasi: “Aeikini ayoŋ neni ke Ekapolon, anerae itopolooritae iŋes nooi aŋuna elounia ŋimoe; emasak iŋes ŋaŋolei ka ŋikametok kec Nanam.

Awos. 15:21

Toeik Miriam ikes eete lo tema, “Oeikisi neni ke Ekapolon, anerae etopolooritae iŋes nooi aŋuna elounia ŋimoe; emasak iŋes ŋaŋolei ka ŋikametok kec nanam.”

Abak. 3:1

Erae na akilip ŋina ka Abakuk a ekadwaran.

Abak. 3:18

arubakini ayoŋ alelyani ka alakara, anerae Ekapolon Akuj kaŋ iŋes erae ekaiunan kaŋ.

Luk. 1:69

Ikiinak iwon Ekaiunan ŋolo etiron anateker a Daudi eketiyan keŋ.

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

Ŋikis. 33:17

Anagogoŋu kec, ikwaan ŋiletok a Yosepu ka emaanik ŋolo apolon ŋolo adedeŋan ikwaan ikes egogoŋ ka ŋamomwar a emaanik a ŋolo ajion. A agogoŋu a ŋin, itijiete ŋiletok a Yosepu ŋituŋa a ŋakwapin, kirita tari nakisaleta a akwap, ŋiletok a Yosepu ŋul ikes ŋituŋa a ekabila a Epuraim ŋulu erae ŋalipyo ka ŋalipyo ka ŋituŋa a ekabila a Manase ŋulu erae ŋalipyo ka ŋalipyo.”

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

1 Sam. 1:6

Aŋuna pa edoo Ana, abu nakain keŋ tolomak akitoŋoyenen iŋes, ikotere isiyaloloŋiyori.

1 Sam. 1:7

Apotu ŋun torubakis itiyasi a ŋolokaru. Apaki daadaŋ ŋina elosyo Ana Kai a Ekapolon, amina nakain keŋ akitoŋoyenen iŋes, akitodol tari ŋina igworyo toŋer akimuj.