1 Sam. 19:5 - Ebaibul

⁵ Abu iŋes tojal akiyar keŋ apaki ŋina alosyo akitijikin Golias, ido abu Ekapolon kisilou nooi Ŋisirael daadaŋ ŋimoe kec. Ibu iyoŋ elope kiŋolik ŋun, ido ibu tolelyan; kaanukiro nai icamitor iyoŋ akitiya aronis neni a ituŋanan a ŋini nyesecit, anukiro icamitor iyoŋ akiar Daudi koŋin?”

1 Sam. 19:5 Iomraidhean Croise

2 Sam. 23:10

nai abu Eleasar torubak eyai lokukusi keŋ. Kitiji Ŋipilistin toar akitodol ŋina aupya akan keŋ, kirum esimededek etiŋit ekileŋ. Abu Ekapolon inak ikes akiloun ŋimoe kec akoloŋit ŋin. Apotu Ŋisirael toboŋosi neni ka Eleasar, akilac ŋimoe ŋulu atwakito.

1 Ŋakiro a ŋirwa 11:14

nai abu Eleasar ka ŋirukitos keŋ ta Daudi toryediko alokidiŋ emanikor ŋol. Kiuryasi Ŋipilistin nyedolut nen, ido apotu toara Ŋipilistin, inak Ekapolon ikes akiloun ŋina apolon nooi.

1 Ŋakiro a ŋirwa 11:18

Apotu nai ŋikilyok ŋulu arwok ŋuluuni ŋul toemaros neni a Ŋipilistin, totubo alokidiŋ, tookut ŋakipi anakare a ŋina edunyit epuke a Betelem, kiwokosi neni a Daudi. Nai abu Daudi nyemat ŋakipi ŋun; abu tobukok kiŋaren Ekapolon erae ainakinet.

Ŋikiru. 109:5

Itiyaete ikes neni kaŋ aronis etiyae bo ayoŋ ajokis neni kec, ekemanito ikes ayoŋ omina bo ayoŋ ikes.

Ŋikiru. 119:109

Tari daŋ kajalit ayoŋ akiyar kaŋ, nyekemuryakinete ayoŋ ŋikisila kon.

Ŋikiru. 25:3

Nyimyek ŋituŋa ŋulu ikigenosi iyoŋ kisirumae ŋileec; nai ŋulu ikiŋereneneete iyoŋ emam ŋuna ikiŋeritotor, ikes emaikina kisurumae ŋileec.

Ŋikiru. 69:4

Elalak nooi ŋituŋa ŋulu akaremokino ayoŋ koŋin edeparit ekimar kec tari ŋitim ŋulu ka akou kaŋ; elalak nooi ŋimoe kaŋ ŋulu ekemanito, ŋulu iwarito alemar akiyar kaŋ koŋin. Akareikinito ayoŋ akitac ibore ŋini pa akokoiyarit.

Ŋikiru. 94:21

Etukonokin ikes iwapei imanito ŋulu iyookino, ido etubonokinete ŋulu nyesecito atwanare.

Awos. 14:13

Abu nai Moses toboŋok ŋituŋa tema, “Nyikuryaketa. Kicata, iŋolikinete iyes alakuno ŋina ikiinakini iyes Ekapolon nakoloŋit na. Ŋijipitian ŋul ŋulu itete iyes tokona, nyiŋolikinete nabo iyes ikes jik.

Yer. 26:15

Nai toyenete kire jik atemar, kikiar iyes ayoŋ, eyakaun ekaile ŋolo ka akiar ituŋanan ŋini nyesecit neni kus ka neni a etaun a lo ta neni a ŋituŋa a daadaŋ a ŋulu iboiyete alotaun a lo, anerae ŋuna a kire ikes nu, erae Ekapolon iŋes ekeyakuunit ayoŋ neni kus alimokin iyes ŋakiro ŋun kiirasi iyes.”

Mat. 27:24

Ani eanyuni Pilato atemar, agogoŋioto ŋakiro nooi, aŋuna ageunia aruruma, tolemu ŋakipi kilota ŋakan keŋ alokiŋaren ŋituŋa tema, “Nyekekamunito ayoŋ ŋuna ka atwanare ke ekile a lo! Erae ŋun ŋuna kus!”

Mat. 27:4

ebala, “Asec ayoŋ aŋuna apwakakinia ekile ŋolo nyesecit atwanare.” Toboŋokis ikes temasi, “Erae ŋun ŋuna kon. Emam ŋuna ikikamunito isua a nen!”

Yoa. 15:25

Apotu ŋun kitiyakin, ikotere kiyookinotor ŋuna igiritae Lokisila kec ebe, ‘Apotu ikes eketidiŋa ayoŋ koŋin.’

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋipil. 2:30

anerae adikino iŋes ejali akiyar keŋ aŋuna ke etic a Kristo aŋuna ka akiŋarakin ayoŋ alopite a ŋolo pa ipedoritotor iyes ŋilopeyek akiŋarakinia ayoŋ alotic a ŋol.

Ŋibur. 2:3

Ikikokini nai iwon ikibucari anakisicanio ai, erae kikijamak aiuno ŋina epol ŋina etya na? Ekapolon koloŋ esyauni erwor ŋakiro ŋuna ka aiuno a ŋin ka apotu ŋulu eirarito ikitunupa atemar erae ŋakiro ŋun ŋuna a kire.

Ŋikat. 12:3

Ani aanyuni ayoŋ atemar nyicamito iyes alakun ayoŋ, abu ojal akiyar kaŋ, odoka ekekwaye akitijiore Ŋiamoni, ido abu Ekapolon kipotok ikes napedor kaŋ. Kaanukiro nai iponitotor iyes neni kaŋ nakoloŋit na akitijiore ayoŋ?”

Ŋikat. 9:17

anerae abu papa kaŋ toji aŋuna kus, abu iŋes tojal akiyar keŋ, tosodi itoiu iyes anapedor a Ŋimidian.

1 Sam. 11:13

Nai tema Saul, “Mam ituŋanan emaikina toarae nakoloŋit na, anerae aiu Ekapolon Ŋisirael nakoloŋit na.”

1 Sam. 14:45

Nai kiŋita ŋituŋa Saul temasi, “Etwani mono kire Yonasan ŋolo ayau aiuno na ŋina apolon neni a Ŋisirael a? Toriwo ŋun aneni keŋ! Ikikoŋi isua alokiro ke Ekapolon a ŋolo eyari atemar mam tari etimat epei ŋolo edotor anakou keŋ min kwap; anerae etiyat iŋes ŋun anakiŋarakinet a ŋina ka Akuj nakoloŋit na.” Aŋun, apotu ŋituŋa toiut Yonasan, ido abu nyetwana.

1 Sam. 19:6

Kiira Saul ŋakiro a Yonasan, kikoŋ tema, “Ekoŋi jik, ikwapei eyaria Ekapolon, nyearyo iŋes.”

1 Sam. 20:32

Toboŋok nai Yonasan papa keŋ tema, “Kaanukiro earere iŋes? Anukiro itiyat iŋes?”

1 Sam. 22:14

Toboŋok Aimelek erwosit iŋita tema, “Ŋae aloketiyak kon a daadaŋ ikinyoma ikwa Daudi? Erae iŋes ekamuran kon erwosit, epolokinit daŋ iŋes ŋasigarya kon ka itopoloorito iŋes ŋituŋa a ekal kon.

1 Sam. 28:21

Ani ebuni amuron ŋin neni a Saul, kiŋolik Saul ebulit nooi, tema neni keŋ, “Kiira, adau ayoŋ aketiyan kon akiwuap ŋuna ibala iyoŋ. Abu ayoŋ alope ojal akiyar kaŋ, etiya ŋuna ibu iyoŋ tolimok ayoŋ.