1 Sam. 19:18 - Ebaibul

¹⁸ Tolot Daudi tosi Rama neni a Samuel, tolimok Daudi Samuel ŋakiro daadaŋ ŋuna etiya Saul neni keŋ. Toloto iŋes ka Samuel kiboiyosi Naios.

1 Sam. 19:18 Iomraidhean Croise

Ŋikiru. 116:11

Abu ayoŋ anakadakinit kaŋ otema, “Erae ŋituŋa daadaŋ ŋikalyokonok.”

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

1 Sam. 1:19

Tonyout ikes taparacu sek kilipa neni ke Ekapolon; toboŋosi nai lore kec Rama. Kiryamakinos Elkana ka aberu keŋ Ana, ido abu Ekapolon toboŋok akilip ka Ana.

1 Sam. 15:34

Tonyou nai Samuel a nen tolot Rama; ido tonyou Saul a nen kitipeiyo lore keŋ Gibea nakibois ŋina a Saul.

1 Sam. 19:19

Kepotu ŋituŋa tolimokis Saul ebe, “Eyai Daudi Naios nakibois ŋina alo Rama.”

1 Sam. 19:22

Torotok nai Saul elope, tolot Rama. Todolu iŋes kare ŋina ti apolon ŋina ayai Seku; kiŋit ŋituŋa a nen tema, “Ai eyakasi Samuel ka Daudi?” Toboŋok iŋes ituŋanan ice tema, “Eyakasi ikes Naios nakibois ŋina alo Rama.”

1 Sam. 19:23

Tolot Saul nen, tomyaa lowae ŋolo eyai Naios akibois ŋina alo Rama; bu etau ka Akuj neni keŋ apaki ŋin. Ani eriŋa iŋes elosi, kisyak akirworo edwari, akitodol ŋina adolunio Naios nakibois ŋina alo Rama.

1 Sam. 20:1

Ekaku a ŋun, tonyou Daudi alo Naios anakibois a ŋina alo Rama, bu neni a Yonasan kiŋit tema, “Anukiro etiyak ayoŋ? Anironis etiyat ayoŋ? Inyoni asec ayoŋ aneni a papa kon, ecamitor iŋes akiar ayoŋ?”

1 Sam. 21:11

Kiŋita Akis ŋiketiyak keŋ temasi, “Meere mono lo Daudi ŋolo erae erwosit ka akwap keŋ a? Pa mono apotu ŋituŋa toeo ka kidoŋata aŋuna keŋ ebasi, ‘Aar Saul ŋulu keŋ ŋalipyo, ido aar Daudi ŋulu keŋ ŋalipyo ŋatomotomoe a?’ ”

1 Sam. 28:3

Ani nai etwani Samuel, apotu Ŋisirael daadaŋ kigworo aŋuna keŋ, ido tonuka iŋes Rama, lotaun keŋ ke elope. Apaki ŋin, aris Saul kirita ŋimurok ka ŋulu a ŋililae anakwap a Isirael.

1 Sam. 7:17

Nai amina iŋes aboŋonor Rama, anerae nen iŋes ayai akai keŋ, ido abu iŋes kipuka Isirael a nen ka abu todukok nen Namuroet aŋuna ke Ekapolon.