1 Sam. 19:13 - Ebaibul

¹³ Tolemu Mikal etorube a akuj ŋolo etiyaunito ŋituŋa, kiperik lokitaada; kiwuak ibore ŋini etiyaunitae a ŋajul a ŋamee nakou etorube a ŋol, kimuko a ŋilowi.

1 Sam. 19:13 Iomraidhean Croise

Akisy. 31:19

Apaki ŋin, alosit Laban akitub ŋajul a ŋamesekin keŋ. Aŋun, abu Rakel kisitiya apaki ŋin akokoiyarya ŋakujo ŋuna a ekal a papa keŋ.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Ŋikat. 17:5

Ayakar ekile ŋolo anyaritae Mika ŋol akibois ŋinakilipet, tosodi kitiyau arapet ka ŋitorubei a ŋakujo, ido kituruwo lokoku keŋ epei esacaradoti keŋ.

Ŋikat. 18:14

Apotu nai ŋikilyok ŋulukan, ŋulusek alosito akireb akwap (iŋes Lais) tolimokis ŋirukitos kec temasi, “Iyenete iyes atemar eyakasi nakais nu arapet ka ŋitorubei a ŋakujo ka etorube a akuj ŋolo itiyaunitae anasuwat a? Aŋun, totamatamata tokona ŋuna ilosete akitiya.”

Ŋikat. 18:17

tolomasi ŋikilyok ŋulukan ŋulusek alosito akireb akwap, lore a Mika, tolemut etorube a akuj ŋolo etiyaunitae anasuwat, arapet ka ŋitorubei a ŋakujo, towoi esacaradoti alopuke a ere kaapei ka ŋikilyok ŋulu arae ŋamiae ŋakanikapei ŋulu ayakatar ŋiboro ŋulu ke ejie.

1 Sam. 19:16

Ani elomunete ŋituŋa ŋul tooma akai, toryamut etorube ŋol eperi alokitaada, imukorit ibore ŋini etiyaunitae a ŋajul a ŋamee akou.