1 Sam. 19:10 - Ebaibul

¹⁰ Kiwar Saul epite ŋolo eremio Daudi toenik akwara narwatata. Nai, abu Daudi tonapar aneni keŋ; torem Saul arwatata. Torotok Daudi a nen, tobucar aneni a Saul akoloŋit ŋin.

1 Sam. 19:10 Iomraidhean Croise

Ŋikiru. 124:7

Aiunoi iwon lopite ŋolo eiunor ikyeny analoc a ekalokan; adaun amunyar ŋimoe yok, ido aiunoi iwon.

Ŋikiru. 18:17

Abu okoiu ayoŋ alomoit kaŋ a ŋolo agogoŋon, abu okoiu ayoŋ aneni a ŋulu akaremokino; anerae agogoŋ ikes nooi akilo ayoŋ.

Ŋikiru. 34:19

Eryamununui ituŋanan ŋini iyookino ŋican ŋulu alalak, nai eiununui Ekapolon iŋes alocan a ŋul a daadaŋ.

Ŋikiru. 37:32

Eminasi ŋulu aronok adapit ŋulu iyookino, iwarito akiar ikes.

Ŋakit. 1:16

anerae eloseneneete ikes akitiya ŋuna aronok, etenito ikes a ŋinapaki akiar ituŋanan.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Osea 6:4

Abu Ekapolon tema, “Anukiro etiyakini ayoŋ neni kon, okoe Epuraim? Anukiro etiyakini ayoŋ neni kon, okoe Yudaya? Ikwaan amina kus ayoŋ ka ekuno ŋolo ka ataparacu, ikwaan amina kus ayoŋ ka ŋakopi ŋuna edaun eriŋa ataparacu.”

Mat. 10:23

Ani ikitidiŋete ikes iyes alotaun ke epei, toema lotaun ece. Akalimokini ayoŋ iyes kire atemar, nyirikakinete iyes ekusitic alotaunio a ŋulu a Isirael, eriŋa nyebuno Lokoku a Ituŋanan.

Luk. 4:30

Nai kitor Yesu kidiŋ kec, tolot.

Yoa. 10:39

Kikatakis nabo ikes akikamun iŋes, nai abu tobucar aneni kec.

Ŋibur. 11:34

Kituduŋeto ikes ŋakimya ŋuna ariraete nooi, tobucunos anatumyo. Apalag ikes, nai apotu togogoŋioto; ajioko ikes nooi akilo, tobwaŋa ŋajorei a ŋakwapin a ŋunace.

1 Sam. 18:10

Akoloŋit ŋina atupakini ŋin, abu etau ŋolo aronon aneni ka Akuj bu neni a Saul egogoŋ nooi, kisyak iŋes akirworo bon ecela alokidiŋ akai keŋ. Apaki ŋin, abolya Daudi agita, lopite ŋolopei sek abolyaa a ŋinakoloŋit, ido atiŋit Saul apaki ŋin akwara keŋ;

1 Sam. 18:11

toremo Saul akwara keŋ, anerae abu iŋes totamak ebe, “Aremi ayoŋ Daudi toenik akwara narwatata.” Nai abu Daudi kiito anakwuara a Saul ŋakiitoret ŋaarei.

1 Sam. 19:6

Kiira Saul ŋakiro a Yonasan, kikoŋ tema, “Ekoŋi jik, ikwapei eyaria Ekapolon, nyearyo iŋes.”

1 Sam. 20:33

Toremo Saul akwara keŋ neni a Yonasan ecamit akiar, toyenu Yonasan atemar ecamit papa keŋ akiar Daudi.