1 Sam. 18:17 - Ebaibul

¹⁷ Tema nai Saul neni a Daudi, “Merab na nakoku kaŋ ŋina apolon, akainakini ayoŋ iyoŋ iŋes kiit; nai kitiyanakinae iyoŋ ayoŋ irae ŋolo ititiny, toji ŋijiesyo alokiro ke Ekapolon.” Atami Saul apaki ŋin ebe, “Mam ŋuna aronok ŋuna etiyakini ayoŋ neni a Daudi. Ŋipilistin earete iŋes.”

1 Sam. 18:17 Iomraidhean Croise

2 Sam. 11:15

Ŋakiro egirit Daudi nabaruwa ikes nu ebe, “Kiyakiya Uria min kiŋaren neni ededeŋia ekiryam alojie, ani elosi iŋes nen, kikutukutoosi iyes kimyekis iŋes bon, ikotere eremyo toarae.”

2 Sam. 12:9

Kaanukiro ijamuwarya iyoŋ akirot ke Ekapolon aŋuna itiyaa ŋuna aronok alokiŋaren Ekapolon? Ibu iyoŋ toar Uria Eititait a akileŋ, ido iya aberu keŋ kituruwo ŋina kon.

2 Sam. 6:16

Ani elomunere Asaduku ŋina ka Acamunet lotaun a Daudi, toripiya Mikal nakoku a Saul alodirisa, kiŋolik erwosit Daudi epori ka idoŋae alokiŋaren Asaduku ŋina ka Acamunet, ido abu iŋes tojamuwa Daudi alotau keŋ.

Ŋikiru. 12:2

Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

Ŋikiru. 55:21

Ejokak ŋakiro ŋuna irworo iŋes, nai eyai ediŋet lotau keŋ; ejokak ŋakiro ŋuna irworo iŋes, nai ikiarete ikwa ŋileŋia ŋulu elemunitae anakuraroi.

Ŋakit. 26:24

Ituŋanan ŋini a ŋisoswae, epedori akirap aronis keŋ alorwa keŋ, nai tooma lotau keŋ, ileleba ŋiman.

Ŋakit. 26:25

Ani kirwor emoit kon neni kon itojoka nooi, nyinup ŋakiro keŋ, anerae ileleba lotau keŋ ŋiman ŋulu eŋoitor iŋes nooi.

Ŋakit. 26:26

Epedori emoit kon akimunon ŋuna ikimanitor, nai isileereunio aloikiiko ŋakiro ŋuna aronok ŋuna ikimanitor iŋes iyoŋ.

Ekim. 21:14

Elimoritae alokitaabo a ŋolo ŋijiesyo a Ekapolon ebe, “Waeb etaun ŋolo iyai Supa ka ŋayona, ŋayona ŋuna ka Arinon

Ekim. 32:20

Abu nai Moses tolimok ikes tema, “Ani kitiyata iyes nu, kilemut ŋiboro ŋulu ke ejie, ido toloto ikiŋarenikinit Ekapolon lojie,

Ekim. 32:27

nai isua ŋiketiyak kon, ikilosi odokasi lowae ye Yorodan, elosete daadaŋ ŋulu etiŋito ŋiboro ŋulujiet, ajiore aŋuna ke Ekapolon, lopite ŋolo ilimunio iyoŋ ekapolon.”

Ekim. 32:29

Kirwor Moses neni kec tema, “Ani kelosete ŋituŋa a ekabila a Ruben ka ŋulu a Gad, ŋikilyok daadaŋ ŋulu etenito ejie iŋarenikinit Ekapolon, totuboros ekekwaye Yorodan kaapei ka iŋes, ido kilounae akwap ŋina eyai kiŋaren kus, ŋun iŋes ipedoryata iyes ainakin ikes akwap a Gilead toruwor ŋina kec;

Ŋikis. 17:7

Ŋisuudae ikes egeunete akicak ituŋanan ŋini etubokinitae atwanare, ani ekaku tocaka ŋituŋa ŋuluce daadaŋ. Aŋun ilemarete iyes aronis alokidiŋ kus.

1 Sam. 14:49

Ŋirorwa a ŋidwe a Saul a ŋulusapa lu: Yonasan, Isipi ka Malicisua; ido ŋirorwa a ŋidwe keŋ a ŋulupesur ikes lu: ŋina esyaunan arae Merab ka ŋina cici arae Mikal.

1 Sam. 17:25

Tolimut Ŋisirael ŋakiro nu ebe, “Ŋituŋa! Iŋolikis iyes ekile ŋolo abu kiŋaren lo a? Kire jik ebunit ekile ŋol amunyar Ŋisirael. Itabari nooi erwosit ekile ŋolo eari ekile ŋol, ido einakini nakoku keŋ ka mam ibore itatacio ekal a ekile a ŋol alo Isirael.”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”

1 Sam. 17:47

Eyenunete daŋ ŋituŋa lu ŋulu ecunakina ne atemar meere ekileŋ ka akwara eiununia Ekapolon ŋituŋa; anerae erae ejie lo ŋolo ke Ekapolon, ido ikiinakini iŋes iyes napedor kosi.”

1 Sam. 18:21

Totamak Saul ebe, “Itemokino ayoŋ oinak Mikal neni a Daudi, ikotere alokunia toara Ŋipilistin.” Aŋun, abu Saul tema neni a Daudi alimokinet ŋina a ŋaarei ebe, “Iruwor tokona iyoŋ lokamuran kaŋ.”

1 Sam. 18:25

Tema Saul, “Tolimokisi Daudi ebe, ‘Mam ibore iitanit erwosit iyoŋ tolemu akiisya nakoku keŋ, alemar ecamit iŋes iyoŋ toar ŋipilistin amiat, kileŋer, yau ŋamunyin kec inak iŋes; kinyaŋa ŋuna apotu ŋimoe a erwosit ŋul kitiyata. ’” Arae ŋin aloketait a Saul ŋina kitolomaret Daudi neni a Ŋipilistin toarae.

1 Sam. 18:27

tonyou Daudi, torukosi ka ajore keŋ, toara Ŋipilistin ŋamiae ŋaarei, yau ŋamunyin kec, inak erwosit ekimar ŋolo abala iŋes yautu ikotere eruwor Daudi ekamuran keŋ. Aŋun, abu Saul inak nakoku keŋ Mikal neni a Daudi toruwor aberu keŋ.

1 Sam. 25:28

Ekemaimai ayoŋ iyoŋ ikisyon ayoŋ aketiyan kon ŋuna etiyat eroko; anerae ayeni ayoŋ atemar itoropari Ekapolon apukan kon ekapolon kaŋ aŋuna ijio iyoŋ aŋuna ke Ekapolon. Nyitiya aronis apei daŋ ŋirwa daadaŋ ŋulu iyarya iyoŋ.

1 Sam. 30:26

Ani edoluni Daudi Sikilag, kiyakiya ŋiboro ŋulu aŋatuni iŋes ŋice neni a ŋikasikou a Yudaya a ŋulu arae ŋikonei keŋ, tema, “Erae lu ainakinet neni kus aloboro a ŋulu aŋatuni ayoŋ alomoe a Ekapolon.”