1 Sam. 18:12 - Ebaibul

¹² Tokuryaniar Saul aŋuna a Daudi, anerae ayai Ekapolon kaapei ka Daudi, ido aris Ekapolon keŋer Saul.

1 Sam. 18:12 Iomraidhean Croise

2 Sam. 5:10

Kiyata a ŋinakoloŋit agogoŋu a Daudi, anerae arukito Ekapolon Akuj ŋina a ŋajoresyo ka Daudi.

2 Ŋakiro a ŋirwa 17:3

Arukito Yeosapat ke Ekapolon, anerae abu iŋes kiwuap ŋakiro ŋuna sek etiyae papa keŋ ekiŋaren, abu iŋes nyelot akilip neni a Baal,

Ŋikiru. 51:11

Nyikirita ayoŋ aneni kon, kori nyilema aneni kaŋ etau kon ŋolo Asegan.

Ŋikiru. 53:5

Ikes nai ŋul, abul ikes nooi, abul ikes nooi lopite ŋolo nyebulyo ŋinapei, anerae emunyar ŋulu nyikinyomito Akuj, kielakin ŋakoyo kec nakwap isurumyo ikes ŋileec, anerae aŋer Akuj ikes.

Osea 9:12

Tari kitopolout ikes ŋidwe kec, eturuwori ayoŋ ikes ŋulu emam ikoku ipei daŋ. Ŋuna kec ŋun, epote ŋican ŋulu apolok neni kec apaki ŋina emyekinia ayoŋ ikes.

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Mar. 6:20

Anerae akerit Erode Yoana, ayeni atemar arae ŋuna a kire ŋakiro ŋuna erworo Yoana ka arae iŋes ituŋanan ŋini eyookino ka ŋini ka Akuj; aŋun, emyekinit iŋes Yoana. Amina Erode akipup Yoana, erae daŋ kisiyaloloŋeneete ŋakitatameta a Yoana iŋes.

Luk. 8:37

Apotu nai ŋituŋa ŋulu ka akwap a Gadara kiŋitakis Yesu alosit iwace, anerae abu tobul ikes nooi. Todoka nai Yesu nataker, toboŋo.

Ŋitic. 24:25

Nai ani erubakini Paulo irworo ŋuna ka akiyookino, ŋuna ka akiyapara ka ŋuna ka abunore Akoloŋit ŋina etubokinia Akuj ŋituŋa, tobul Pelekis tolimok Paulo tema, “Ape mono! Akanyarae ayoŋ iyoŋ nabo aryamuni apaki.”

Ŋitic. 7:9

“Torakaakyata atapapaa yok, togyelasi Yosepu Ijipit aruwor epito. Nai arukito Akuj ka Yosepu,

Ŋikat. 1:19

Arukito Ekapolon ka ŋituŋa a Yuda, apotu ikes kikamasi akwap ŋina a ŋikamukumukui, nai apotu nyepedosi akiritar ŋituŋa ŋulu eboiyete anadipoe a ŋikamukumukui, anerae ayakatar ŋul ŋagaari ŋuna ametae a ŋaŋolei ŋuna etiyaunitae a ŋasuwa.

Ŋikat. 16:20

Tolimu nai Delila tema, “Samuson, apotu Ŋipilistin!” Ani ekyenyuni Samuson totamak ebe, “Alosi ayoŋ etiya lopite ŋolo etiyator ŋarwa ŋunace, aiun bon.” Nai pa ayeni iŋes atemar kedau Ekapolon aesikin iŋes.

1 Sam. 16:18

Tema esorokit epei, “Ayeni ayoŋ lokoku a Yese a ŋolo alo Betelem atemar erami agita ejok nooi, erae iŋes ekile ŋolo etitiny, ekajion, irworo ejok nooi, erae iŋes ŋolodirya ka akuwan, ido eyai Ekapolon kaapei ka iŋes.”

1 Sam. 16:4

Abu nai Samuel kitiya ŋuna ecikit Ekapolon, bu tari Betelem. Potu ŋikasikou a Betelem akisiryam Samuel emaranete, kiŋita Samuel temasi, “Ibunit iyoŋ isilit a?”

1 Sam. 18:15

Ani iŋolikini Saul atemar iloununui Daudi ŋimoe kec, abu tokuryaniar aŋuna a Daudi.

1 Sam. 18:20

Ayai apaki ŋin nakoku a Saul ŋina anyaritae Mikal, amina Mikal Daudi, aponi tolimokinae Saul ŋakiro a Mikal, ido abu Saul tolakar aŋun.

1 Sam. 18:29

min nabo akuryanu ŋina apolon nooi neni a Saul aŋuna a Daudi. Aŋun, abu Saul toruwor emoit a Daudi ameun akoloŋit ŋin.

1 Sam. 20:13

Nai ani kecamit papa kaŋ akitiya aronis neni kon, itemokino Ekapolon kitiya aronis neni a Yonasan daŋ; nooi adepar erae pa kakalimok ayoŋ iyoŋ ŋakiro a papa kaŋ, eketisi iyoŋ tolot emam ŋace. Elipa toyai Ekapolon kaapei ka iyoŋ, lopite ŋolo ayakar kaapei ka papa kaŋ.

1 Sam. 22:13

Kiŋit Saul iŋes tema, “Kaanukiro itukitor iyoŋ akiar ayoŋ, iyoŋ kaapei ka lokoku a Yese? Kaanukiro iinakinia iyoŋ iŋes ŋamugati ka ekileŋ, ido ibu iyoŋ kiŋit Ekapolon ŋakiro ŋuna emaikina Daudi kitiya? Aŋun, akaremokin iŋes ayoŋ, ido iwarit epite ŋolo akaarya ayoŋ, itiyae iŋes ŋun tari nakoloŋit na.”

1 Sam. 28:15

Kiŋit nai Samuel Saul tema, “Kaanukiro ikicania iyoŋ ayoŋ, ikinyakunia ayoŋ analup?” Toboŋok Saul tema, “Ayai ayoŋ nakiyaloloŋ ŋina apolon nooi, anerae akaŋaanakinete ayoŋ Ŋipilistin ŋajorei, ido akaŋer Akuj ayoŋ. Mam ŋakiro eriŋa eboŋonokini aŋuna kaŋ alokadwarak, kori anakirujaeta, aŋun, akanyar ayoŋ iyoŋ, ikotere itolimok ayoŋ ŋuna emaikina etiya.”

1 Sam. 3:19

Ayai Ekapolon kaapei ka Samuel apaki ŋina apolounio iŋes, ido abu Ekapolon kisiyook ŋuna aris kelimu.