1 Sam. 18:10 - Ebaibul

¹⁰ Akoloŋit ŋina atupakini ŋin, abu etau ŋolo aronon aneni ka Akuj bu neni a Saul egogoŋ nooi, kisyak iŋes akirworo bon ecela alokidiŋ akai keŋ. Apaki ŋin, abolya Daudi agita, lopite ŋolopei sek abolyaa a ŋinakoloŋit, ido atiŋit Saul apaki ŋin akwara keŋ;

1 Sam. 18:10 Iomraidhean Croise

1 Ŋirw. 18:29

Ani elunyar kidiŋ apaaran, torubakis ŋikadwarak a Baal edwarete nooi esibit ŋibaŋaanotin, todol tari apaki ŋina einanakinere ŋainakineta, nai mam etoil aponi kiirarae, mam ŋini abu toboŋok ikes ka mam ŋini amitakinit ŋakiro kec.

1 Ŋirw. 22:12

Apotu ŋikadwarak ŋuluce daadaŋ todwara ŋakiro ŋunapei ŋun temasi, “Ape, kitijik ŋituŋa a Ramos-Gilead, ireuni iyoŋ ikes, anerae einakini Ekapolon Ramos-Gilead neni kon a erwosit.”

Yer. 28:11

Kirwor Anania alokiŋaren ŋituŋa daadaŋ tema, “Alimu Ekapolon ŋakiro ebe, ‘Epite ŋolopei ŋol iŋes alemarya ayoŋ apedor a erwosit Nebukadinesar a ŋolo a Babilon alotuŋa a ŋakwapin a daadaŋ eriŋa nyelunyara ŋikaru ŋiarei.’ ” Ekaku ŋun abu ekadwaran Yeremia torotok tolot a akeŋ.

Ŋitic. 16:16

Apeikoloŋit elosyo isua neni elipeneneere, kiryamunetei ka apese ŋina arae apito, ŋina ayakar ekipye ŋolo ainakinit iŋes akidwar ŋakiro ŋuna eponito alokiŋaren. Aryamianakini iŋes ŋikapolok keŋ ŋisiliŋa ŋulu alalak anakidwar keŋ.

2 Ŋites. 2:11

Aŋakiro a ŋun, ejalakini Akuj ikes nakiro ŋuna nyiyookino, ikotere tonupa ŋakiro ŋuna ka amodiyo.

Ŋikat. 16:20

Tolimu nai Delila tema, “Samuson, apotu Ŋipilistin!” Ani ekyenyuni Samuson totamak ebe, “Alosi ayoŋ etiya lopite ŋolo etiyator ŋarwa ŋunace, aiun bon.” Nai pa ayeni iŋes atemar kedau Ekapolon aesikin iŋes.

1 Sam. 16:23

Ameun nai apaki ŋin, akikamun ekipye ŋolo eyakuunit Akuj Saul bon, tolemu Daudi agita keŋ toramak, kiwuara nai Saul, tojokyar, toŋaleu aŋuna arotokinio ekipye aneni keŋ.

1 Sam. 18:9

Ameun akoloŋit ŋin, abu Saul tocoik Daudi a arakao.

1 Sam. 19:10

Kiwar Saul epite ŋolo eremio Daudi toenik akwara narwatata. Nai, abu Daudi tonapar aneni keŋ; torem Saul arwatata. Torotok Daudi a nen, tobucar aneni a Saul akoloŋit ŋin.

1 Sam. 19:7

Aŋun, abu Yonasan tonyarau Daudi aneni aŋopitor, tolimok iŋes ŋakiro a Saul daadaŋ. Ekaku a ŋun, yau Yonasan Daudi neni a Saul, toruko ka iŋes lopite ŋolopei sek arukitotor.

1 Sam. 19:9

Apaki ŋin, bu aneni ke Ekapolon etau ŋolo aronon toloma neni a Saul apaki ŋina eboiyo iŋes alokai keŋ etiŋit akwara keŋ. Abolya Daudi ibore ŋini eore apaki ŋin.

1 Sam. 26:19

Ekemaimai tokona ayoŋ iyoŋ ekapolon kaŋ kiira ŋakiro kaŋ a eketiyan kon. Ani kerae Ekapolon ikiinakinit iyoŋ aremokin ayoŋ, emaimai ayoŋ iŋes tocamu ainakinet. Nai ani kerae ŋituŋa, elipit ayoŋ toruwor ikes ŋulu icenen alokiŋaren Ekapolon, anerae ekeritasi ikes ayoŋ anibore a ŋini etemokino ayoŋ oryamu aneni Ekapolon. Adaut ikes alimun ebe, ‘Ape, kitiyanak ŋacekujo.’