1 Sam. 18:1 - Ebaibul

¹ Ani edauni Daudi erwor ka Saul, kisupa Yonasan Daudi, tominak lopite ŋolo amininia iŋes bon.

1 Sam. 18:1 Iomraidhean Croise

Akisy. 44:30

Aŋun nai, kaboŋo tokona ayoŋ neni a papa kaŋ a eketiyan kon, pa ikirukit isua ka edya, torae bo eyarya papa kosi neni eyarya edya lo,

2 Sam. 1:26

Lokaato kaŋ Yonasan, eyaloloŋi ayoŋ aŋuna kon, abu ayoŋ okomina iyoŋ nooi; apol nooi amina kon ayoŋ, akilo tari amina ŋina eminare ŋaberu.

1 Ŋakiro a ŋirwa 12:17

Tolot Daudi kisiryam ikes tema, “Ani kiponito iyes neni kaŋ ke ekisil, akiŋarakin ayoŋ, ekejauni ayoŋ iyes emorikinos ka ayoŋ. Nai ani kiponito iyes arikor ayoŋ neni a ŋimoe kaŋ, tomam aronis etiyat ayoŋ, elipi ayoŋ Akuj ŋina atapapaa yok kiŋolik ŋun, ido itotubok iyes.”

Ŋikiru. 86:11

Okoe Ekapolon, kitatamae ayoŋ ŋuna icamit iyoŋ ayoŋ etiya, ikotere arubakini ayoŋ ewuapit ŋakiro kon ŋuna a kire; inakinae ayoŋ akitopoloorit ekiro kon a etau kaŋ a daadaŋ,

Ŋakit. 18:24

Nyerubanakini akoneo a ŋikonei a ŋice, nai eminin ŋikonei ŋice akilo tari amina ŋina eyakatar ŋiyeneta.

Ŋikis. 13:6

Ani kikicocoya iyoŋ ituŋanan anakimunono, tari kerae lokaato kon kori lokoku a toto kon, kori lokaapa kon, kori lokoku kon, kori nakoku kon, kori aberu kon ŋina imina iyoŋ nooi, kori ekone kon ŋolo imina iyoŋ nooi, ikilimok iyoŋ tema, “Oloto elipa neni a ŋakujo,” (ŋakujo ŋuna nyeyenuna iyoŋ, kori atapapaa kon,

Ŋikol. 2:2

Etiyae ayoŋ ŋun, ikotere kimukekiniata iyes alotai kus ka kimorikinos anamina; ido nai toryamut ebari daadaŋ ŋolo eyauni ayenut ka toyenut ejok ŋakiro ŋuna imunono ŋuna ka Akuj, ŋuna erae Kristo elope.

Ŋikat. 20:11

Aŋun, apotu ŋikilyok daadaŋ alo Isirael kimorikinos aŋuna ka akitijiore ŋituŋa a etaun Gibea.

1 Sam. 14:45

Nai kiŋita ŋituŋa Saul temasi, “Etwani mono kire Yonasan ŋolo ayau aiuno na ŋina apolon neni a Ŋisirael a? Toriwo ŋun aneni keŋ! Ikikoŋi isua alokiro ke Ekapolon a ŋolo eyari atemar mam tari etimat epei ŋolo edotor anakou keŋ min kwap; anerae etiyat iŋes ŋun anakiŋarakinet a ŋina ka Akuj nakoloŋit na.” Aŋun, apotu ŋituŋa toiut Yonasan, ido abu nyetwana.

1 Sam. 18:3

Tocamunos nai Yonasan ka Daudi, anerae abu Yonasan tominak Daudi lopite ŋolo amininia iŋes bon.

1 Sam. 19:1

Tolimok Saul lokoku keŋ Yonasan ka ŋiketiyak a Saul daadaŋ atemar ecamit iŋes akiar Daudi. Nai amina Yonasan Daudi,

1 Sam. 19:2

tema neni keŋ, “Ecamit Saul papa kaŋ akiar iyoŋ. Toosoki robo moi taparacu, tolot toŋop a iwadio aneni nyepatania aanyunia iyoŋ.

1 Sam. 20:17

Kisikoŋ nabo Yonasan Daudi, anerae amina Yonasan Daudi lopite ŋolo aminar iŋes akiyar keŋ ke elope.

1 Sam. 20:8

Aŋun, kitiya ŋuna ka arimao neni kaŋ a eketiyan kon, idau iyoŋ alokiŋaren Ekapolon acamun ka ayoŋ eketiyan kon. Ani kasecit ayoŋ, toarae iyoŋ ayoŋ; kaanukiro ikirikorya iyoŋ ayoŋ neni a papa kon?”

1 Sam. 22:8

Ŋakiro ŋun mono iŋes itukotor iyes aŋuna kaŋ a? Mam ipei daŋ kus ŋini akalimoki ayoŋ atemar acamunosi lokoku kaŋ ka lokoku a Yese, mam ipei daŋ kus ŋini akamina ayoŋ, kori ŋini akalimoki ayoŋ atemar ecoco lokoku kaŋ eketiyan kaŋ Daudi akiman ayoŋ, ido iwarit epite ŋolo akaarya ayoŋ, itiyae iŋes ŋun tari nakoloŋit na.”

1 Sam. 23:18

Tocamunos ikes ŋuluarei ŋul alokiŋaren Ekapolon. Torubak nai Daudi iboi alotaun a ŋolo anyaritae Ores, ido toboŋo Yonasan lore kec.