1 Sam. 17:36 - Ebaibul

³⁶ Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”

1 Sam. 17:36 Iomraidhean Croise

2 Ŋakiro a ŋirwa 32:17

Eyanyit daŋ erwosit ka Asiriya Ekapolon Akuj a Ŋisirael anabaruwae a ŋuna egirit iŋes. Abasi ŋakiro ŋun, “Lopite ŋolopei aponiata ŋakujo a ŋituŋa a ŋuluce nyelakut ŋituŋa kec aneni kaŋ, nyelakuni Akuj a Esekia daŋ ŋituŋa a Esekia aneni kaŋ.”

Isa. 10:15

Nai irworo Ekapolon ebala, “Epedori mono aep atemar apol iŋes akilo ituŋanan ŋini isitiyae iŋes a? Kori epedori erigi atemar eloit iŋes ituŋanan ŋini isitiyae iŋes? Nyepedori adaset akikyaar ituŋanan ŋini etiŋit iŋes, kori ebala akikeun ituŋanan ŋini iceunit iŋes!”

Isa. 36:15

Nyimyekis Esekia ikisikinyomi iyes Ekapolon ebala, ‘Kire jik ikilakuni Ekapolon iwon, nyipotokinio etaun lo napedor a erwosit ka Asiriya.’

Isa. 36:18

Nyicamut Esekia ikimodiyari iyes aŋuna irworor atemar, ikiuni Ekapolon iwon. Apotu mono ŋakujo a ŋituŋa a ŋakwapin toiut ŋituŋa kec anapedor a erwosit ka Asiriya a?

Esek. 28:10

Itwani iyoŋ irae eeŋok koŋin aneni a ŋigelaanotin a ŋulu ikiarete iyoŋ; ayoŋ Ekapolon adau alimun ŋun.’ ”

Esek. 32:19

Tolimok Ijipit ebe, ‘Ibus mono iyoŋ nooi akilo ŋakwapin ŋunace a? Toloma kwap! Emaikina iyoŋ ikinuki kaapei ka ŋulu nyenupito neni ka Akuj.’

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Sakar 12:3

Akoloŋit ŋina ecunakinotor ŋakwapin a akwap a daadaŋ imanito Yerusalem, esikwaanikini ayoŋ Yerusalem ka ataaba ŋina nyesubanakin. Ewanasi make ŋakwapin daadaŋ ŋuna ikatakinete alemar iŋes.

Sakar 2:8

Aŋun, abu Ekapolon ŋolo Etiron kirwor ŋakiro nu kedau iŋes anapolou keŋ akiyok ayoŋ aŋuna a ŋituŋa a ŋulu apotu ikielasi iyes. Abu iŋes tema, “Kire jik, ituŋanan ŋini ikiari iyes, ikwaanikin ka ŋini elemari ibore kaŋ ŋini amina ayoŋ.”

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”

1 Sam. 17:10

Tema nai Epilistait ŋol, “Nakuwar na, eletiletakini ayoŋ ŋajorei a Isirael kwap! Inakinae ayoŋ ekile epei ojikinos.”

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:35

ewuapanakini ayoŋ etyaŋ ŋol oar, oiu amesek ŋin nyenyam iŋes. Ani keboŋ etyaŋ ŋol akitijiore ayoŋ, apedori ayoŋ akijak iŋes eketa ŋiŋitiny, ebusok kwap, ido oar.

1 Sam. 17:37

Tema Daudi, “Akaiuni ayoŋ Ekapolon anakan a Epilistait a ŋol lopite ŋolo abunio okoiunia ayoŋ alomoyo a eŋatuny ka alomoyo a etyaŋ ece a ŋolo adedeŋan.” Aŋun, tema Saul neni a Daudi, “Ape, toyai Ekapolon kaapei ka iyoŋ.”

1 Sam. 18:17

Tema nai Saul neni a Daudi, “Merab na nakoku kaŋ ŋina apolon, akainakini ayoŋ iyoŋ iŋes kiit; nai kitiyanakinae iyoŋ ayoŋ irae ŋolo ititiny, toji ŋijiesyo alokiro ke Ekapolon.” Atami Saul apaki ŋin ebe, “Mam ŋuna aronok ŋuna etiyakini ayoŋ neni a Daudi. Ŋipilistin earete iŋes.”

1 Sam. 31:4

Tema nai Saul neni a ekile a ŋolo aryoŋit ŋiboro keŋ ŋulu ke ejie, “Tolemu ekileŋ kon ikicumya ayoŋ, ikotere nyepotu ŋituŋa ŋul ŋulu nyileŋeritae akicum ayoŋ, ido okokyanatar.” Nai abu ŋolo aryoŋit ŋiboro a Saul ŋulu ke ejie nyecamu akicum Saul, anerae eilit iŋes. Aŋun, abu Saul tolemu ekileŋ keŋ a elope toramakin lokileŋ kicumakin bon.