1 Sam. 17:34 - Ebaibul

³⁴ Nai tema Daudi neni a Saul, “Ayoŋ eketiyan kon, arae paaran ekeyokon a ŋamesekin a papa kaŋ; ido apaki daadaŋ ŋina ebunio eŋatuny, kori etyaŋ ece ŋolo adedeŋan, kiwok amesek alosipan,

1 Sam. 17:34 Iomraidhean Croise

Akisy. 31:39

Nyeyauna ayoŋ neni kon ibarasit idio ŋini enyamito ŋityaŋ, nai atacenene ayoŋ elope ŋul. Ikitatacenene iyoŋ ayoŋ ŋibaren kon ŋulu akokoiyanaryo naparan, kori nakwaare.

2 Sam. 17:8

Torubak Usai irworo tema, “Iyeni robo ca iyoŋ atemar ejioko papa kon ka ŋikilyok ŋulu erukitotor. Ededeŋ ikes ikote aŋatuny anariet ŋina edemaritae ŋitak keŋ. Nabo daŋ, eyeni papa kon ejie nooi; nyeperi iŋes neni epereneneete ŋasigarya keŋ.

2 Sam. 23:20

Arae Benaia lokoku a Yeoiada ekajion ŋolo adedeŋan ŋolo abunit alo Kabiseel. Etiyae iŋes ŋakiro ŋuna ka aumokin. Abu iŋes toar ŋidwe ka Ariel ŋulusapa ŋiarei ŋulu arae ŋarwonita a Moab. Abu daŋ iŋes akoloŋit apei ŋina alalaata ŋakako, toloma nadui, toar eŋatuny.

1 Ŋakiro a ŋirwa 11:22

Arae Benaia lokoku a Yeoiada ekajion ŋolo adedeŋan ŋolo abunit alo Kabiseel. Etiyae iŋes ŋakiro ŋuna ka aumokin. Abu iŋes toar ŋidwe ka Ariel ŋulusapa ŋiarei ŋulu arae ŋarwonita a Moab. Abu daŋ iŋes akoloŋit apei ŋina alalaata ŋakako, toloma nadui, toar eŋatuny.

Ŋikiru. 143:5

Atamunit ayoŋ ŋirwa ŋulu koloŋ sek; atamatamae ŋuna a ŋiticisyo kon a daadaŋ, atamatamae ayoŋ ŋuna ibu iyoŋ kitiya.

Esek. 34:12

Lopite ŋolopei iwararyata ŋikeyokok ŋamesekin kec ŋuna ielakina losipanin a ŋamesekin ŋuluce, ewarari ayoŋ daŋ ŋamesekin kaŋ. Aiuni ayoŋ ikes anakiboisyo a daadaŋ a ŋuna aponi kielarae ikes akoloŋit ŋina ka akiryonut ŋina alalaata ŋican.

Amos 3:12

Alimu Ekapolon ŋakiro nu ebe, “Ikwaŋina edemunia ekeyokon eŋatuny ŋakejen a ibarasit ŋaarei, kori akit bon a akine keŋ, ŋituŋa a Isirael ŋidikudyo ŋulu iboiyete alo Samaria eiunio, ido eemyata ikes ŋakejen a ekitaada ka akicoloŋ bon.”

Sakar 11:16

anerae alosi ayoŋ alemun ekeyokon ŋolo iyoki akwap, nai nyepedori iŋes akiyok ŋulu adaut aoliyor, kori akiwarar ŋulu cicik, kori akimadun ŋulu ewanan, kori akitan ŋulu eŋaleete, nai enyami iŋes akiriŋ a ŋamesekin a ŋuna atumak, erutonori ŋigece kec.

Sakar 9:7

Nyerubakinete ikes enyamete akiriŋ ŋina eyakasi ŋaokot, kori ŋamuja ŋuna italeo akinyam. Eruwor ŋipiya kec daadaŋ ŋipei a ŋituŋa kaŋ, ikwaanikin ikes ka ekabila a Yuda. Eruwor ŋituŋa a Ekiron ŋipei ka ŋituŋa kaŋ, lopite ŋolo aponiata Ŋiyebusi toruworotor.

Luk. 2:8

Ayakasi nakwap ŋin ŋikeyokok ŋulu aperikinito ŋikecebaren nakwaare.

Yoa. 10:11

“Arae Ayoŋ ekeyokon ŋolo ajokan. Ejali ekeyokon ŋolo ajokan akeekiyar aŋuna a ŋamesekin keŋ.

Ŋirom. 5:4

Ani kikititiny iwon, ikidaŋidaŋakini, ido ikiinak akidaŋidaŋ akigeno.

Ŋibur. 11:33

Anupit iŋes etijiyoto ikes ŋakwapin ŋuna gelae kilout. Apotu ikes towua aŋuna ka akiyookino, ido toryamut ŋuna eikinit Akuj. Apotu ikes kitubutasi ŋiŋatunyo ŋakituka.

Akis. 13:2

Ekwaan etyaŋ ŋol ka eris, ayakar ŋakejen ŋuna ekwaan ka ŋuna ka etyaŋ a ece a ŋolo adedeŋan, ekwaan akituk keŋ ka ŋina ke eŋatuny. Abu epiu inak etyaŋ ŋol apedor, ekicoloŋ ka apolou keŋ ŋina alalan.

Ŋikat. 14:6

Atipei toloma etau ŋolo ke Ekapolon neni a Samuson, tonyilinyiliya Samuson iŋatuny ŋin a ŋakan bon, lopite ŋolo enyilinyiliya ituŋanan ikale koŋin. Nai nyelimokina iŋes papa keŋ, kori toto keŋ ŋuna abu iŋes kitiya.

1 Sam. 17:15

nai abu Daudi torubak ebuneene neni a Saul ka aboŋonori akitwar ŋamesekin a papa keŋ alo Betelem.

1 Sam. 17:33

Tema Saul neni a Daudi, “Nyipedori iyoŋ alosit akisiirya Epilistait ŋol; anerae eriŋa iyoŋ irae edya, ido erae ŋol ekajion ŋinapei eriŋa erae esorokit.”

1 Sam. 17:35

ewuapanakini ayoŋ etyaŋ ŋol oar, oiu amesek ŋin nyenyam iŋes. Ani keboŋ etyaŋ ŋol akitijiore ayoŋ, apedori ayoŋ akijak iŋes eketa ŋiŋitiny, ebusok kwap, ido oar.