1 Sam. 17:26 - Ebaibul

²⁶ Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:26 Iomraidhean Croise

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

2 Ŋakiro a ŋirwa 32:17

Eyanyit daŋ erwosit ka Asiriya Ekapolon Akuj a Ŋisirael anabaruwae a ŋuna egirit iŋes. Abasi ŋakiro ŋun, “Lopite ŋolopei aponiata ŋakujo a ŋituŋa a ŋuluce nyelakut ŋituŋa kec aneni kaŋ, nyelakuni Akuj a Esekia daŋ ŋituŋa a Esekia aneni kaŋ.”

Neem. 5:9

Aŋun, abu ayoŋ otema, “Nyejokak ŋakiro ŋuna itiyaete iyes. Nyemaikina mono iyes itopoloorito Akuj yok, ikotere kiretakis ajamuwaro nyebu neni yok aneni a ŋituŋa a ŋakwapin a ŋulu erae ŋimoe yok a?

Ŋikiru. 44:13

Ikituruwo iyoŋ isua ŋulu ikikyenatar ŋikidunyet kosi, ikituruwo iyoŋ isua ŋulu ikijamuwarito ka ikikyenatar ŋikidunyet kosi.

Ŋikiru. 74:18

Okoe Ekapolon, totamu epite ŋolo ikijamuwaritotor iyoŋ ŋimoe kon, totamu epite ŋolo iyanyata ŋibaŋaanotin ekiro kon.

Ŋikiru. 79:12

Toboŋok akisican ŋikidunyet kosi ŋarwa ŋakanikaarei, aŋuna a ŋiyany a ŋulu ikiyenyata ikes iyoŋ Ekapolon.

Isa. 37:23

“Ŋae mono ijamuwa ka iyany iyoŋ? Ŋae mono icelanakini iyoŋ iremokino? Ŋae mono ite iyoŋ irae ŋolo itopolooro bon nooi? Itiya iyoŋ ŋun iremokino Akuj ŋina asegan ŋina a Ŋisirael.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Yer. 9:25

Kire jik, eponito ŋirwa ŋulu esicania ayoŋ ŋituŋa ŋulu ileŋeritae lu:

Yer. 9:26

Ŋituŋa a Ejipit, a Yudaya, a Edom, Ŋiamoni, ŋituŋa a Moab ka daadaŋ ŋulu iboiyete analoŋisat anakiboisyo a ŋuna alwanak, anerae mam kire jik nyileŋeritae ŋituŋa ŋul daadaŋ ka ŋituŋa a Isirael daŋ mam nyiwuapito acamunet kaŋ.”

Esek. 28:10

Itwani iyoŋ irae eeŋok koŋin aneni a ŋigelaanotin a ŋulu ikiarete iyoŋ; ayoŋ Ekapolon adau alimun ŋun.’ ”

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 6:27

Ikilakuni iŋes ka ikiuni, itiyae iŋes ŋakujuwuanisya ka ŋaumonokineta anakuj ka anakwap; anerae aiu iŋes Daniel anapedor a ŋiŋatunyo.”

Dan. 9:16

Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Yoel 2:19

Abu Ekapolon toboŋok ŋituŋa keŋ tema, “Ekeyakikini ayoŋ iyes ŋikinyom, epiini ka akimyet, ido imwokete iyes; nyeketuruwori nabo ayoŋ iyes ŋulu ikijamuwarito ŋakwapin.

Ŋikis. 5:26

anerae ituŋanan ani ŋinapei koloŋ abu kiira etoil ŋolo ka Akuj a ŋina eyari torubak eyari, lopite ŋolo eirarere isua?

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo:

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

1 Sam. 11:2

Nai toboŋok Naas erwosit a Ŋiamoni ikes tema, “Ikicamun iwon erae kicamut iyes nu, ogorono ayoŋ akoŋu a ŋinituŋanan kus ŋina aloteten, olema ajokis aneni a Ŋisirael a daadaŋ.”

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”

1 Sam. 17:10

Tema nai Epilistait ŋol, “Nakuwar na, eletiletakini ayoŋ ŋajorei a Isirael kwap! Inakinae ayoŋ ekile epei ojikinos.”

1 Sam. 17:30

Torotok Daudi aneni ke Eliab neni aya ŋituŋa ŋice, tolimok ŋituŋa ŋul ŋuna sek kelimokinit ŋulu ke ekiŋaren; toboŋokis ŋituŋa ŋul iŋes ŋakiro, lopite ŋolopei sek alimokinitere iŋes ekiŋaren.

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”

1 Sam. 31:4

Tema nai Saul neni a ekile a ŋolo aryoŋit ŋiboro keŋ ŋulu ke ejie, “Tolemu ekileŋ kon ikicumya ayoŋ, ikotere nyepotu ŋituŋa ŋul ŋulu nyileŋeritae akicum ayoŋ, ido okokyanatar.” Nai abu ŋolo aryoŋit ŋiboro a Saul ŋulu ke ejie nyecamu akicum Saul, anerae eilit iŋes. Aŋun, abu Saul tolemu ekileŋ keŋ a elope toramakin lokileŋ kicumakin bon.