1 Sam. 17:12 - Ebaibul

¹² Arae Daudi lokoku a Yese a ŋolo arae Epurasi a ŋolo alo Betelem anakibois a ŋina alo Yudaya. Ayakar Yese ŋidwe ŋulusapa ŋikanikauni. Apaki ŋina araakar Saul erwosit apol Yese alalak ŋikaru.

1 Sam. 17:12 Iomraidhean Croise

Akisy. 35:19

Totwan Rakel a nen, tonukae kidiŋ neni aya ikes ka Epurat (iŋes Betelem).

2 Sam. 23:1

Arae Daudi lokoku a Yese ekile ŋolo abu Akuj kitopoloo. Abu Akuj a Yakob toseu iŋes aruwor erwosit, ido Daudi iŋes abu totamununu ŋieosyo aŋuna a Ŋisirael. Ŋakiro a Daudi ŋuna esidyok ikes nu ebe,

Ŋikiru. 132:6

Aponi isua kiirarae alo Betelem ŋakiro ŋuna ka Asaduku a ŋina ka Acamunet, ido aponi isua toryamunae Asaduku ŋin; alomanikorin a ŋulu a Yearim.

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Mat. 1:6

Touru Yese Daudi erwosit. Touru Daudi Solomon (ŋolo sek arae toto keŋ aberu a Uria).

Mat. 2:1

Kedaun akidoun Yesu alo Betelem anakwap a ŋina a Yudaya, ŋirwa ŋulu araakar Erode erwosit, potu ŋikaosok ŋice alo Kide tari Yerusalem,

Mat. 2:6

‘Iyoŋ Betelem akwap a Yuda, meere iyoŋ idit nooi alotaunio a ŋulu a Yuda. Anerae alotooma kon elomuni ekarikon ŋolo iyoki ŋituŋa kaŋ Ŋisirael.’ ”

Rus. 1:2

Arae ekiro a ekile a ŋol Elimelek, ŋolo ka aberu keŋ arae Naomi, ka ŋulu a ŋisapa kec araakasi Malon ka Kilion.

Rus. 4:17

Tolimokis ŋaberu ŋuna arae ŋakidunyet ikoku ekiro temasi, “Erae en isapat ŋini idounitoe aŋuna a Naomi.” Tosodi tolimokis ekiro a ikoku Obed. Obed iŋes abu touru Yese ŋolo arae papa a Daudi.

Rus. 4:22

touru Obed Yese ka touru Yese Daudi.

1 Sam. 1:1

Ayai nakwap ŋina a ŋikamukumukui ŋina a Epuraim ekile ece ŋolo abunit alo Romasaim. Anyaritae ekiro keŋ Elkana, arae iŋes Esupait lokoku a Yeroam a ŋolo arae lokoku a Eliu, a ŋolo arae lokoku a Tou, a ŋolo arae lokoku a Sup a ŋolo arae Epuramait.

1 Sam. 16:1

Tema Ekapolon neni a Samuel, “Tari ori igworo iyoŋ aŋuna a Saul? Adau ayoŋ akiŋer iŋes anaraakau erwosit a Isirael, kilelebik akimyet namomwara ŋina itiŋit iyoŋ, ido tonyou tolot; ekeyakiyari ayoŋ iyoŋ neni a Yese a ŋolo eyai Betelem. Adau ayoŋ aseun aŋuna kaŋ epei a ŋidwe keŋ a ŋulusapa aruwor erwosit.”

1 Sam. 16:18

Tema esorokit epei, “Ayeni ayoŋ lokoku a Yese a ŋolo alo Betelem atemar erami agita ejok nooi, erae iŋes ekile ŋolo etitiny, ekajion, irworo ejok nooi, erae iŋes ŋolodirya ka akuwan, ido eyai Ekapolon kaapei ka iŋes.”

1 Sam. 17:11

Ani iirarete Saul ka Ŋisirael daadaŋ ŋakiro ŋuna erworo Epilistait ŋol, tosiliyosi ŋitai kec, min akuryanu neni kec nooi.

1 Sam. 17:58

Kiŋit Saul iŋes tema, “Lokoku a ŋae iyoŋ esorokit?” Toboŋok Daudi tema, “Arae ayoŋ lokoku a Yese a eketiyan kon a ŋolo alo Betelem.”