1 Sam. 16:7 - Ebaibul

⁷ Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”

1 Sam. 16:7 Iomraidhean Croise

Akisy. 4:5

Nai nyelakar Ekapolon aŋuna a Kain ka ainakinet keŋ. Aŋun, toŋo Kain nooi, tonyoridid ereet.

2 Sam. 14:25

Ŋapakio ŋun, mam ituŋanan alo Isirael ŋini epuritoe nooi aŋuna ka akibuses, akilo Abusalom, ameun anakejen aneni dapal tari lotim keŋ, mam ibore abasi ŋituŋa arono.

2 Sam. 7:20

Anukiro tokona ŋace ŋuna apedori ayoŋ alimokin iyoŋ? Anerae ikiyeni iyoŋ ayoŋ eketiyan kon, okoe Ekapolon Akuj!

1 Ŋirw. 8:39

ekelipit kiira anakuj aneni erae akibois ŋina iboiyo iyoŋ, ekelipit kisyoni, kiŋarak; kitiya neni a ŋinituŋanan lopite ŋolo itiyaa iŋes, ikwapei iyenia iyoŋ ŋuna eya lotau a ŋinituŋanan, (anerae iyoŋ bon iyeni ŋitai a ŋituŋa a daadaŋ).

1 Ŋakiro a ŋirwa 17:18

Anukiro tokona ŋace ŋuna apedori ayoŋ alimokin iyoŋ aŋuna ikitopoloorya iyoŋ ayoŋ eketiyan kon? Ikiyeni iyoŋ ayoŋ eketiyan kon.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

2 Ŋakiro a ŋirwa 6:30

ekelipit kiira anakuj aneni erae akibois ŋina iboiyo iyoŋ. Ekelipit kisyoni ka kitiya neni a ŋinituŋanan lopite ŋolo itiyaa iŋes, ikwapei iyenia iyoŋ ŋuna eya lotau a ŋinituŋanan, (anerae iyoŋ bon iyeni ŋitai a ŋituŋa a daadaŋ).

Yob 10:4

Iyakar mono iyoŋ ŋakonyen ŋuna ikwaan ka ŋuna a ituŋanan a? Ite mono iyoŋ lopite ŋolo iteo ituŋanan a?

Yob 35:5

Kireo kidiama, ido totamatama ŋuna a ŋisubuna a ŋulu ite iyoŋ kiŋolik epite ŋolo eyakatar ŋidouwon ŋulu eyakasi kidiama kon.

Ŋikiru. 139:2

Iyeni iyoŋ ŋuna etiyae ayoŋ daadaŋ iyeni iyoŋ ŋatameta kaŋ tari daŋ kilwana iyoŋ.

Ŋikiru. 7:9

Okoe Akuj ŋina iyookino, iyoŋ isyemeonori ŋakiro ŋuna eya natameta ka lotai, kitasalu aryenyeo a ŋulu aronok, ido kiterereŋ ŋulu iyookino.

Ŋakit. 15:11

Ani kileere aneni a Ekapolon akibois a ŋikatwak ka amunyaro, ikokini nai Ekapolon pa eyeni ŋuna eya lotau a ituŋanan ai?

Ŋakit. 16:2

Epedori ituŋanan atamakin atemar iyookino ŋakiro daadaŋ ŋuna etami iŋes, nai Ekapolon eanyuni kiyookino ŋuna etami ituŋanan.

Ŋakit. 24:12

Ani kitemasi iyes ebe, “Kiirasi, pa ayenio isua ŋakiro ŋun,” eyeni Akuj ŋuna iyakatar iyes lotai kus, eyeni Akuj ŋina iyokit akiyar kus ŋakiro ŋun, eropi iŋes ŋinituŋanan alopite a ŋolo itiyator ŋinituŋanan.

Ŋakit. 31:30

Epedori ajokis a ituŋanan amodiyar ka erae akibuses a ituŋanan akoŋinait, nai aberu ŋina itopoloorit Ekapolon, emaikina kipuroe itojokitae nooi.

Yer. 11:20

Okoe iyoŋ Ekapolon ŋolo a ŋajoresyo iyoŋ ŋolo itubi ŋakiro ka akiyookino, ŋolo ikatanakini ŋitai ka ŋatameta a ŋituŋa, kisiŋolikinae ayoŋ akinyaŋaret kon neni a ŋituŋa a lu, anerae ewuak ayoŋ ŋakiro kaŋ daadaŋ napedor kon.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 20:12

Okoe Ekapolon ŋolo a ŋajoresyo, ikatanakini iyoŋ ŋulu iyookino, ite iyoŋ ŋatameta ka ŋitai, kimyekinae ayoŋ eŋolik isicani iyoŋ ikes, anerae ainakina ayoŋ akitiya acamit kon.

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Yoa. 7:24

Nyitubonokinete alopite a ŋolo etakaniata ŋiboro, nai totubonokinete alopite a ŋolo eriyan.”

Yoa. 8:15

Itubonokinete iyes alopite a ŋituŋa, emam ituŋanan ŋini atubok ayoŋ.

Ŋitic. 1:24

Tosodo kilipa temasi, “Ekapolon, iyeni iyoŋ etau a ŋinituŋanan, kitoodikinae tokona isua alokilyok a ŋuluarei a lu ŋolo iseu iyoŋ.

2 Ŋikor. 10:10

Anerae, ebasi ŋice ebe, “Eryenyaaka ka etyoko ŋabaruwae a Paulo, nai ani ikirukit iŋes ka iwon, erae ŋolo epalag ka erae ŋakiro keŋ ŋacaryo!”

2 Ŋikor. 10:7

Iteete iyes ŋiboro alopite a ŋolo etakaniata alokiŋa bon. Eyai idiotuŋanan ŋini ebala arae iŋes ŋini a Kristo a? Itemokino iŋes totam nabo, ido eyenuni atemar eraakae isua daŋ ŋulu a Kristo ikwapei iŋes.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

1 Pet. 2:4

Potu neni ke Ekapolon, a ŋolo erae amoru ŋina eyari, ŋina aŋerete ŋituŋa ebasi erono, nai aseunit Akuj iŋes erae ŋina epol egyelit.

1 Pet. 3:4

Nai akilo, itemokino akibuses kus erae ŋina ebunit alotau, akibuses ŋina nyinyasun, ŋina erae etau ŋolo iyapara ka ŋolo isilit. Akibuses ŋin iŋes epol alokiŋaren Akuj.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

1 Sam. 2:3

Tojoŋoto akirworo nooi iturosi; tojoŋo akirworo ŋakiro ŋuna ka akituro. anerae erae Ekapolon Akuj ŋina eyeni ŋakiro, etubonokini iŋes ŋituŋa anakiro a daadaŋ a ŋuna itiyaete.

1 Sam. 9:2

Ayakar Kis ikoku keŋ ŋinisapat ŋini anyaritae Saul, arae Saul esorokit ŋolo ebus, mam ekile alo Isirael ebus akilo iŋes; arae iŋes ekile ŋolo aoyan akilo Ŋisirael daadaŋ.