1 Sam. 16:14 - Ebaibul

¹⁴ Apaki ŋin, keris etau ke Ekapolon kelot aneni a Saul, ido abu Ekapolon kiwuak ekipye neni a Saul, kisican iŋes.

1 Sam. 16:14 Iomraidhean Croise

2 Sam. 7:15

Nai erubakini amina kaŋ eyai neni keŋ, nyajoŋoe ayoŋ amina iŋes lopite ŋolo abunio ojoŋoo amina Saul ŋolo abu ayoŋ olema anaraakau erwosit, ikotere iyoŋ iruwor erwosit.

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

1 Ŋirw. 22:22

Kiŋit Ekapolon iŋes tema, ‘Ikwaani?’ Toboŋok etau tema, ‘Alosi ayoŋ oinak ŋikadwarak ka Aab daadaŋ kirworo alyokonu.’ Tema Ekapolon, ‘Ape tomodiya iŋes. Ipedori iyoŋ amodiyar iŋes.’ ”

Ŋikiru. 51:11

Nyikirita ayoŋ aneni kon, kori nyilema aneni kaŋ etau kon ŋolo Asegan.

Osea 9:12

Tari kitopolout ikes ŋidwe kec, eturuwori ayoŋ ikes ŋulu emam ikoku ipei daŋ. Ŋuna kec ŋun, epote ŋican ŋulu apolok neni kec apaki ŋina emyekinia ayoŋ ikes.

Ŋikat. 16:20

Tolimu nai Delila tema, “Samuson, apotu Ŋipilistin!” Ani ekyenyuni Samuson totamak ebe, “Alosi ayoŋ etiya lopite ŋolo etiyator ŋarwa ŋunace, aiun bon.” Nai pa ayeni iŋes atemar kedau Ekapolon aesikin iŋes.

Ŋikat. 16:29

Kikamu Samuson a ŋakan keŋ ŋipirin ŋuluarei ŋulu alokidiŋ akai, ŋulu arae ikes awuar akai, togwaŋakin iŋes lopirin ŋul totapite akan a ŋina aloteten epir ka a ŋina alo kedyeny epir ŋoloce.

Ŋikat. 9:23

Nai abu Akuj kitidiŋak Abimelek ka ŋikapolok a Sekem, tolukis ŋikapolok a Sekem Abimelek.

1 Sam. 11:6

Min etau ŋolo ka Akuj neni a Saul inak, apedor apaki ŋina eirarya ŋakiro ŋun, tonepu aŋoit aneni keŋ nooi.

1 Sam. 16:15

Temasi ŋiketiyak a Saul neni keŋ, “Kiŋolik iyoŋ tokona, ikisicanit iyoŋ ekipye ŋolo ewuak Akuj neni kon.

1 Sam. 16:16

Ekapolon kosi, tolimok ŋiketiyak kon, toloto kiwarut ituŋanan ŋini eyeni akiram agita; ikotere nai apaki daadaŋ ŋina ikikamunia iyoŋ ekipye ŋolo iyakuunit Akuj neni kon, toramak ituŋanan ŋin agita, toŋaleu iyoŋ.”

1 Sam. 16:23

Ameun nai apaki ŋin, akikamun ekipye ŋolo eyakuunit Akuj Saul bon, tolemu Daudi agita keŋ toramak, kiwuara nai Saul, tojokyar, toŋaleu aŋuna arotokinio ekipye aneni keŋ.

1 Sam. 18:10

Akoloŋit ŋina atupakini ŋin, abu etau ŋolo aronon aneni ka Akuj bu neni a Saul egogoŋ nooi, kisyak iŋes akirworo bon ecela alokidiŋ akai keŋ. Apaki ŋin, abolya Daudi agita, lopite ŋolopei sek abolyaa a ŋinakoloŋit, ido atiŋit Saul apaki ŋin akwara keŋ;

1 Sam. 18:12

Tokuryaniar Saul aŋuna a Daudi, anerae ayai Ekapolon kaapei ka Daudi, ido aris Ekapolon keŋer Saul.

1 Sam. 28:15

Kiŋit nai Samuel Saul tema, “Kaanukiro ikicania iyoŋ ayoŋ, ikinyakunia ayoŋ analup?” Toboŋok Saul tema, “Ayai ayoŋ nakiyaloloŋ ŋina apolon nooi, anerae akaŋaanakinete ayoŋ Ŋipilistin ŋajorei, ido akaŋer Akuj ayoŋ. Mam ŋakiro eriŋa eboŋonokini aŋuna kaŋ alokadwarak, kori anakirujaeta, aŋun, akanyar ayoŋ iyoŋ, ikotere itolimok ayoŋ ŋuna emaikina etiya.”