1 Sam. 16:1 - Ebaibul

¹ Tema Ekapolon neni a Samuel, “Tari ori igworo iyoŋ aŋuna a Saul? Adau ayoŋ akiŋer iŋes anaraakau erwosit a Isirael, kilelebik akimyet namomwara ŋina itiŋit iyoŋ, ido tonyou tolot; ekeyakiyari ayoŋ iyoŋ neni a Yese a ŋolo eyai Betelem. Adau ayoŋ aseun aŋuna kaŋ epei a ŋidwe keŋ a ŋulusapa aruwor erwosit.”

1 Sam. 16:1 Iomraidhean Croise

1 Ŋirw. 8:16

‘Ameun akoloŋit ŋina ayaunia ayoŋ ŋituŋa kaŋ Ŋisirael anakwap a Ijipit, mam etaun edio ŋolo aseu ayoŋ alokabila ke edio a ŋolo a Ŋisirael, ŋolo emaikina todukokinae Akai ikotere ekiro kaŋ eyakaun nen; nai abu ayoŋ oseu Daudi akipuka ŋituŋa kaŋ Ŋisirael.’

2 Ŋirw. 9:1

Tonyarau Elisa ŋolo arae ekadwaran, epei anatukot a ŋikadwarak tema, “Kitemokin, totiŋ ecupa lo ŋolo eyai akimyet, tolot Ramos-Gilead.

2 Ŋirw. 9:3

Tolemu nai ecupa ŋolo eyai akimyet, tobukok nakou keŋ, tema, ‘Ebala Ekapolon, ekeosak ayoŋ iyoŋ akimyet kotere toruwor erwosit a Isirael.’ Ani irikakin, toŋaa atipei ekek tomatar mam adidikin.”

2 Ŋirw. 9:6

Tonyou nai Yeu toloma tooma, tobukok ekadwaran ŋolo asorokana ŋol akimyet nakou a Yeu irworo ebala, “Ebala Ekapolon ŋolo erae Akuj a Isirael, ekeos ayoŋ iyoŋ aruwor erwosit ŋolo a ŋituŋa ke Ekapolon, erwosit ŋolo a Isirael.

1 Ŋakiro a ŋirwa 11:3

Aŋun, tocunun ŋikasikou alo Isirael daadaŋ Eburon neni a Daudi, ido tocamunos erwosit Daudi ka ikes alo Eburon alokiŋaren Ekapolon. Toseut nai ikes Daudi kituruwosi erwosit a Isirael daadaŋ lopite ŋolo alimunitor Ekapolon aneni a Samuel.

1 Ŋakiro a ŋirwa 28:4

Kikote neni daŋ, abu Ekapolon Akuj a Ŋisirael okoseu ayoŋ alotuŋa a ŋulu ke ekal kosi a daadaŋ aruwor erwosit a Ŋisirael ŋikaru ka ŋikaru. Abu Akuj toseu ekabila a Yuda akirik Ŋisirael, ido alotuŋa a Yuda, abu toseu ekal a papa kaŋ, alodwe a papa kaŋ a ŋulusapa, abu tocamak akituruwor ayoŋ erwosit a Ŋisirael a daadaŋ.

Isa. 11:1

Ijojouni ateni aneni a Yese, elomuni ateni anataagor keŋ tora.

Isa. 11:10

Ebunit akoloŋit ŋina eyakaunor eletonit a Yese, eruwor iŋes akitoodikinet neni a ŋituŋa a ŋakwapin, epote ŋituŋa a ŋakwapin akiŋitanar iŋes ka eruwor akibois keŋ ŋina ecai nooi.

Isa. 55:4

Kiirasi, abu ayoŋ eturuwo Daudi esuuda aneni a ŋituŋa, ekarikon ka ekepukan a ŋituŋa.

Yer. 11:14

“Ani eruwor iyoŋ Yeremia, nyilipi aŋuna a ŋituŋa a ŋul, nyikeu akigworo kon, kori akilip aŋuna kec, anerae nyeirari ayoŋ ikes akanyarito ayoŋ apaki ŋina eyakaunotor ikes locan.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yer. 6:30

Enyarao ikes, esilipa ŋolo eŋeritoe, anerae adau Ekapolon akiŋer ikes.”

Yer. 7:16

Tolimu nabo Ekapolon neni a Yeremia tema, “Ani eruwor iyoŋ, nyilip aŋuna a ŋituŋa a lu, nyikeu etoil kon igworo, kori ilipi aŋuna kec ka nyikilip ayoŋ, anerae nyacamuni ayoŋ akiirar ŋakiro kon.

Sakar 4:14

Aŋun, abu nai iŋes tema, “Erae ŋul ŋikilyok ŋiarei ŋulu aseu ka etaleu Akuj akitiyanakin Akuj ŋina erae Ekapolon a akwap a daadaŋ.”

Ŋirom. 15:12

Ebala nabo Isaya ekadwaran ebe, “Ebuni eletonit ŋolo a Yese, itopolooryo iŋes kipuka ŋituŋa ŋulu nyerae Ŋiyudayan ka iwuakinete ikes akigeno kec neni keŋ.”

Ŋibur. 11:32

Kapedo ayoŋ alimun ŋuna a ŋikalalak, nai emam ayoŋ apaki ŋina limunet ŋuna a Gideon, ŋuna a Barak, ŋuna a Samsom, ŋuna a Yepesa, ŋuna a Daudi ka ŋuna a Samuel ta ŋuna a ŋikadwarak.

1 Yoa. 5:16

Ani kiŋolik ipei lokaato keŋ eseci asecit ŋina nyikirikori natwanare, itemokino iŋes kilip neni ka Akuj aŋuna a lokaato keŋ, ido inak Akuj iŋes akiyar. Erworo ayoŋ, ikotere ŋulu nyeseca asecit ŋina ikirikori natwanare. Eyai asecit ŋina ikirikori natwanare; nyabala ayoŋ itemokino iyes kilipa ikotere ŋakiro ŋun.

1 Sam. 10:1

Abu nai Samuel tolemu ecupa ŋolo ayai akimyet, tobukok akimyet nakou a Saul, tonu iŋes tema, “Ikiosak iyoŋ Ekapolon akimyet aruwor ekepukan a ŋituŋa keŋ a Ŋisirael. Ipukae iyoŋ ŋituŋa a Ekapolon, toiu ikes anakan a ŋimoe kec a ŋulu irikaunito ikes alowaetin a daadaŋ. Nai tokona, eruwor nu akitoodikinet neni kon atemar ikiseu iyoŋ Ekapolon aruwor ekepukan a ŋituŋa keŋ.

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.

1 Sam. 15:23

anerae ikwaan akiŋer Ekapolon ka asecit ŋina ka akikukuja. Ikwaan akituro ka aronis ŋina ilipere neni a ŋakujo. Aŋuna iŋerio iyoŋ akirot a Ekapolon, ikiŋer daŋ iŋes iyoŋ anaraakau erwosit.”

1 Sam. 15:26

Nai tema Samuel neni a Saul, “Nyikiboŋori ayoŋ ka iyoŋ, anerae iŋer iyoŋ akirot ke Ekapolon, ido ikiŋer Ekapolon iyoŋ anaraakau erwosit a Isirael.”

1 Sam. 15:35

Ameun akoloŋit ŋin, nyiŋolikina nabo Samuel Saul, mati akoloŋit ŋina atwania Samuel, nai abu Samuel kigwor aŋuna a Saul. Abu Ekapolon toanyu atemar arae adyakaret keŋ akituruwor Saul erwosit a Isirael.

1 Sam. 16:15

Temasi ŋiketiyak a Saul neni keŋ, “Kiŋolik iyoŋ tokona, ikisicanit iyoŋ ekipye ŋolo ewuak Akuj neni kon.

1 Sam. 16:23

Ameun nai apaki ŋin, akikamun ekipye ŋolo eyakuunit Akuj Saul bon, tolemu Daudi agita keŋ toramak, kiwuara nai Saul, tojokyar, toŋaleu aŋuna arotokinio ekipye aneni keŋ.

1 Sam. 17:12

Arae Daudi lokoku a Yese a ŋolo arae Epurasi a ŋolo alo Betelem anakibois a ŋina alo Yudaya. Ayakar Yese ŋidwe ŋulusapa ŋikanikauni. Apaki ŋina araakar Saul erwosit apol Yese alalak ŋikaru.

1 Sam. 9:16

“Moi taparacu apaki napei na, eyakuuni ayoŋ neni kon ekile ŋolo ebunit anakwap a Benjamin, ido emaikina iyoŋ kiosak akimyet lokile ŋol, toruwor iŋes ekepukan a ŋituŋa kaŋ a Ŋisirael. Eiuni iŋes ŋituŋa kaŋ anakan a Ŋipilistin; anerae eŋolik ayoŋ ŋican ŋulu eryamunito ŋituŋa kaŋ ka adolu akigworo kec neni kaŋ.”