1 Sam. 15:35 - Ebaibul

³⁵ Ameun akoloŋit ŋin, nyiŋolikina nabo Samuel Saul, mati akoloŋit ŋina atwania Samuel, nai abu Samuel kigwor aŋuna a Saul. Abu Ekapolon toanyu atemar arae adyakaret keŋ akituruwor Saul erwosit a Isirael.

1 Sam. 15:35 Iomraidhean Croise

Akisy. 6:6

Aŋun, kitilil Ekapolon neni koloŋ kesubunia iŋes ituŋanan, toŋo nooi, tonomosi ŋakiro ŋun iŋes.

2 Sam. 6:23

Abu Mikal nakoku a Saul nyeryamu ikoku, abu totwana emam ikoku.

Ŋikiru. 119:136

Eleleete ŋakiyo anakonyen kaŋ, anerae nyiwuapitae ŋikisila kon.

Ŋikiru. 119:158

Ete ayoŋ ŋulu emam anupit eteŋeriyorit anerae nyiwuapito ikes ŋakiciketa kon.

Ŋipil. 3:18

Anerae ikwapei akalimokinitor ayoŋ iyes ŋapakio ŋuna alalak, alimuni nabo tokona eyaloloŋi tari anakigworo, elalak ŋulu etoodiu akiyar kec atemar erae ikes ŋimoi ŋulu ke emusalaba a Kristo.

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.

1 Sam. 16:1

Tema Ekapolon neni a Samuel, “Tari ori igworo iyoŋ aŋuna a Saul? Adau ayoŋ akiŋer iŋes anaraakau erwosit a Isirael, kilelebik akimyet namomwara ŋina itiŋit iyoŋ, ido tonyou tolot; ekeyakiyari ayoŋ iyoŋ neni a Yese a ŋolo eyai Betelem. Adau ayoŋ aseun aŋuna kaŋ epei a ŋidwe keŋ a ŋulusapa aruwor erwosit.”

1 Sam. 19:24

Tolaca iŋes ŋilowi keŋ, kisyak iŋes daŋ akirworo edwari alokiŋaren Samuel. Akoloŋit ŋin daadaŋ, abu iŋes toper eleri apaaran ka akuwar daadaŋ. Aŋun, aruwor ŋakiro nu akitadapet ŋina ebala, “Erae mono Saul daŋ epei a ŋikadwarak a?”