1 Sam. 15:3 - Ebaibul

³ Ape tokona kisiiryak Ŋiamaleki, tomunya jik ibore daadaŋ ŋini eyakatar ikes, nyimyek ikes, toar ŋikilyok, ŋaberu, ŋidwe, ŋaatuk, ŋakinei, ŋikaala ka ŋisigirya.’ ”

1 Sam. 15:3 Iomraidhean Croise

Akisy. 36:12

(Arae Timina apese ke Elipas alokoku ke Esau ŋina pa eisitae; abu iŋes touru ikoku ke Elipas ŋini anyaritae Amalek.) Arae ŋul ŋitatae ka Ada ka aberu ke Esau.

2 Sam. 1:8

Abu iŋes ekeŋit ayoŋ tema, ‘Ŋae iyoŋ?’ Oboŋok ayoŋ iŋes otema, ‘Arae ayoŋ Emalekait.’

Awos. 17:14

Tema nai Ekapolon neni a Moses, “Kigir ŋakiro nu lokitaabo ikotere etamunitae, ido tolimununuye ikes epupi Yosua, anerae esunyari ayoŋ jik Ŋiamaleki todaun ituŋanan etamunit ikes anakwap a na.”

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Ekim. 24:20

Kiŋolik nai Balaam anakitoodikinet a Akuj Ŋiamaleki ŋituŋa a Ses, tosodi tolimu ŋakiro nu: “Arae Ŋiamaleki esyaunete akipukakin bon anakwapin a daadaŋ nai inyasunio akwap kec.”

Ekim. 31:17

Aŋun nai tokona, toara ŋidwe ŋulusapa daadaŋ alodwe a ŋaberu a nu ka toara ŋaberu daadaŋ ŋuna iryamakina ka ŋikilyok.

Yos. 10:39

Kikama Yosua etaun ka erwosit keŋ kaapei ka ŋitaunio ŋulucicik ŋulu aapiyete a nen. Toara ŋituŋa daadaŋ a nen a ekileŋ, nyelakak idiotuŋanan ebucar. Abu Yosua kitiyak Debir ŋuna abu iŋes kitiya lotaun Eburon ka lotaun Libina ka erwosit keŋ.

1 Sam. 14:48

Abu Saul toji ka adedeŋu, toar Ŋiamaleki, ido toiu Ŋisirael anapedor a ŋituŋa a ŋulu apotu kikurukuroosi ikes.

1 Sam. 15:18

Abu Ekapolon ikiyak iyoŋ akitiya ŋuna abu iŋes tema, ‘Ape, tomunya ŋikasecak daadaŋ, Ŋiamaleki, kitiji ikes akitodol ŋina imunyarya.’

1 Sam. 15:9

Kimyekis Saul ka ŋituŋa Agag ka ŋamesekin ta ŋaatuk ŋuna ajokak, ŋitak ŋulu atumak ka ŋikaalei ta ibore daadaŋ ŋini ajok, apotu ikes nyear ŋul, nai apotu ikes tomunyasi jik ibore daadaŋ ŋini ajamuwarito ikes ka acaryoono aneni kec.

1 Sam. 22:19

Toar daŋ Doeg ibore daadaŋ ŋini ayai Nob, lotaun ŋolo a ŋisacaradotin: Ŋikilyok, ŋaberu, ŋidwe, ŋiŋwea, ŋaatuk ka ŋisigirya ta ŋamesekin.

1 Sam. 27:9

Torem Daudi akwap ŋin neni aronon, nyimyek ekile, kori aberu eyari, tomyaa ŋamesekin, ŋaatuk, ŋisigirya, ŋikaala ka kiwok ŋilowi, toboŋorya neni ka Akis.

1 Sam. 30:17

Kisiiryak Daudi ikes ŋinapei ipiripiriuni akoloŋ akitodol eboŋ akoloŋit ŋina atupakini ŋin. Mam ŋimoe ŋul ŋini abu tobucar, alemar ŋisorok ŋamiae ŋaomwon bon, ŋulu apotu todokakis ŋikaala toema.